එක්සත් ජාතීන්ගේ සාම සාධක සේවාවන් සඳහා පොලිසියේ සහ ත්‍රිවිධ හමුදාවේ නිලධාරින් මුදා හැරීමේ දී මානව හිමිකම් කොමිෂන් සභාව මගින් සිදුකරන නිශ්කාෂණ ක්‍රියාවලිය ප‍්‍රමාදවීම හේතුවෙන් මතුව ඇති ගැටලුව පිළිබඳ ජනාධිපති මෛත්‍රීපාල සිරිසේන මහතාගේ අවධානය යොමුව තිබේ.

මහියංගණ දම්බරාව ගම්මානයේ පොසොන් තොරණක් පැවැත්වෙන ස්ථානයක සැණකෙළියක් සඳහා රුපියල් 5000 හොර නෝට්ටු ලබාදීමක් සම්බන්ධයෙන් ලැබුණු පැමිණිල්ලකට අනුව අද (20) උදැසන මහියංගණ පොලීසිය සිදු කල පරික්ෂණයකදී ව්‍යාජ ලෙස මුද්‍රණය කල රුපියල් 5000 හොර නෝට්ටු 07ක් සමග තරුණයන් 04 දෙනෙකු අත්අඩංගුවට ගත් බව මහියංගණ පොලීසිය පවසයි.

තිස්සමහාරාමයේ නැදිගම්විල මන්දපෝෂණය හේතුවෙන් මියගිය දරුවා පිළිබඳ වගකිම පවුල් සෞඛ්‍ය සේවා නිලධාරිනියගේ වරදින් සිදුවු මරණයක් බව විවිධ දේශපාලනඥයන් විසින් තවදුරටත් පවසනවා නම් ලබන සඳුදා සිට රටපුරා සිටින පවුල් සෞඛ්‍ය සේවා නිලධාරිනියන් විසින් සියලු රාජකාරිවලින් ඉවත් වි වෘත්තීය ක්‍රියාමාර්ගයක් ගැනිමට කටයුතු කරන බව රජයේ පවුල් සෞඛ්‍ය සේවා සංගමයේ සභාපතිනිය දේවිකා කොඩිතුවක්කු මහත්මිය අද (20) හිඟුරක්ගොඩ ප්‍රදේශයේදි මාධ්‍ය හමුවක් පවත්වමින් පැවසීය.

මුහුදු රළ ඉහළ යෑම හා ගොඩබිමට මුහුදු රළ පැමිණීම පිළිබඳව අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.

බැඳුම්කර කොමිසම හමුවේ බොරු සාක්කි ලබාදීම සම්බන්ධයෙන් ජූලි මස හත් වැනිදා අපරාධ පරීක්ෂණ දෙපාර්තමේන්තුවේ මුල්‍ය විමර්ශන ඒකක දෙක හමුවේ පෙනී සිට ප්‍රකාශ ලබා දෙන ලෙසට කොළඹ ප්‍රධාන මහේස්ත්‍රාත් ලංකා ජයරත්න මෙනවිය ඇමැති රවී කරුණානායක මහතාට සහ ඔහුගේ බිරිඳ වන මෙලරින් හිරන්ති කරුණානායක මහත්මියට අද (20) නියෝග කළාය.

ශ්‍රී ලංකා නිදහස් පක්ෂයේ සාමාජිකයෙකු වෙනත් පක්ෂයක හෝ පෙරමුණක සංවිධායක ධුර ලබාගැනීමට කටයුතු කළහොත් විනය ක්‍රියාමාර්ග ගන්නා බව එක්සත් ජනතා නිදහස් සන්ධානය සඳහන් කරයි.

සාගර විශ්වවිද්‍යාලයේ නව උපකුලපති ලෙස මහාචාර්ය එන්.පී. රත්නායක මහතා පත් කෙරේ.

මේ හේතුවෙන් පාර්ලිමේන්තු වටරවුම ආසන්නයේ දැඩි රථවාහන තදබදයක් නිර්මාණය විය.

පොලොන්නරුව දිඹුලාගල මිහිඳු පෙරහැර නැරඹිමට ගොස් නැවත ගමන් කරමින් සිටියදි කොළකනාවාඩිය ප්‍රදේශයේ දි සිදු වු ට්‍රැක්ටර් -වෑන්රථ අනතුරෙන් තුවාල ලබා පොලොන්නරුව මහ රෝහලේ ප්‍රතිකාර ලබමින් සිටියදි තවත් අයෙකු අද (20දා) දින මියගිය බව වැලිකන්ද පොලීසිය කියයි.

මුදල් අමාත්‍යවරයා සමග පැවැති සාකච්ඡා අසාර්ථකවීම හේතුවෙන් අද (20දා) මධ්‍යම රාත්‍රියේ සිට පැය 48ක දුම්රිය වර්ජනයක් ක්‍රියාත්මක කරන බව දුම්රය වෘත්තීය සමිති සඳහන් කරයි.

මහාමාර්ග හා මාර්ග සංවර්ධන සහ ඛනිජතෙල් සම්පත් සංවර්ධන අමාත්‍යංශය විසින් රුපියල් මිලියන 65000ක පරිපූරක ඇස්තමේන්තුවක් පාර්ලිමේන්තුවට අද (20දා) ඉදිරිපත් කළේය.

කොළඹ කොටුවේ සිට බදුල්ල දක්වා ධාවනය වු විශේෂ දුම්රිය උඩරට දුම්රිය මාර්ගයේ රොසැල්ල සහ හැටන් දුම්රිය ස්ථාන දෙක අතර 106 සැතපුම් කණුව අසලදි පිළි පැනිමට ලක් වි ඇති බව නාවලපිටිය දුම්රිය පාලක මැදිරිය පවසයි.

අපි වගේ සිංහල ව්‍යාපාරිකයෝ නැති කරන්න එපා. ලෝකයේ කොහෙවත් රටක පාර්ලිමේන්තු මන්ත්‍රීවරයෙකුගේ වත්කම් තවත් මන්ත්‍රීවරුන් පිරිසක් පවරා ගන්නේ නෑ.

පාස්කු ඉරිදා ත‍්‍රස්ත ප‍්‍රහාරයෙන් පසුව සුළු වැරදි සම්බන්ධයෙන් ත‍්‍රස්තවාදය වැළැක්විමේ පනත යටතේ අත්අඩංගුවට ගත් පුද්ගලයන්ට අදාළ පරික්ෂණ කඩිනම් කර ත‍්‍රස්තවාදයට සම්බන්ධ නොවන සියලු දෙනා නිදහස් කිරීමේ කටයුතු කඩිනම් කරන ලෙස ජනාධිපති මෛත්‍රීපාල සිරිසේන මහතා ආරක්ෂක අංශ වෙත උපදෙස් දෙයි.

වත්මන් ආණ්ඩුව තරම් ගමට වැඩ කළ ආණ්ඩුවක් නොමැති බවත් වත්මන් ආණ්ඩුව සංවර්ධනය නොකළ ගමක් නොමැති බවත් අග්‍රාමාත්‍ය රනිල් වික්‍රමසිංහ මහතා පැවැසීය.

කුලියාපිටියේ වෙන් කළ ඉඩමට වොක්ස්වැගන් සමාගම නොඑන බවත් වෙනත් කීර්තානාමයක් සහිත ආයතනයක් ගෙන්වා ගැනීමට ආයෝජකයා කටයුතු කරන බවත් අමාත්‍ය මලික් සමරවික්‍රම මහතා පැවැසීය.

කාන්තාවක (නාලිකා නිල්මිණී - අවුරුදු 37 - වැලිපිල්ලෑව, දැඩිගමුව) හා ගැහැණු දරුවෙක් (හිරුණු ආශානා - අවුරුදු 7 - හක්මණ, මාතර) ජීවිතක්ෂයට පත්ව තිබේ.

මිහින්තලය ප්‍රධාන පියගැට පෙළ ආසන්නයේ පිහිටි අනවසර වෙළදසැල් කිහිපයක් ආවරණය කිරීමට යොදා තිබූ ඉටිරෙදි ඉවත් කිරීමට ගිය පුරාවිද්‍යා නිලධාරින් පිරිසකගේ රාජකාරියට බාධා කළ බවට සැකපිට අත්අඩංගුවට ගෙන අධිකරණයට ඉදිරිපත් කළ මිහින්තලය ප්‍රාදේශීය සභාවේ එක්සත් ජාතික පක්ෂයේ මන්ත්‍රීවරයෙකු රුපියල් ලක්ෂය බැගින්වූ ශරිර ඇප දෙකක් මත මුදාහරින ලෙස අනුරාධපුර ප්‍රධාන මහේස්ත්‍රාත් අතිරේක දිසා විනිසුරු ජනක ප්‍රසන්න සමරසිංහ මහතා නියෝග කළේය.

මධ්‍යම පරිසර අධිකාරියේ නව සභාපතිවරයා ලෙස ඉසුර දේවප්‍රිය මහතා ජනපති මෛත්‍රීපාල සිරිසේන මහතා විසින් පත්කර තිබේ.

මහත්මාගාන්ධි තුමාගේ 150 වෙනි ජන්ම දින සංවත්සරය නිමිත්තෙන් රුක් රෝපණ වැඩසටහනක් අද (20) නුවරඑළිය රම්බොඩ ඩන්සිනන් වතුයායේ ඉදි කරන ලද මහත්මාගාන්ධිපුර නව ගම්මානයේදි සිදු කෙරිණ.

තමා හෝ තමාගේ පවුලේ හෝ කාර්ය මණ්ඩලයේ කිසිවෙකු තවුහිද් ජමාත් සංවිධාන සමග සම්බන්ධ වී සිටින බවට හැකිනම් ඔප්පු කරන ලෙස බස්නාහිර පළාත් හිටපු ආණ්ඩුකාර අසාද් සාලි මහතාට අභියෝග කරන බව තැපැල් සේවා හා මුස්ලිම් ආගමික කටයුතු අමාත්‍ය අබ්දුල් හලීම් මහතා පාර්ලිමෙන්තුවේදී අද (20දා) පැවසීය.

හෝර්ටන්තැන්න ජාතික උද්‍යානයේ වටිනා ශාක කොටස් ගලවා ඉවත් කිරීම ඇතුළු චෝදනාවන් හතකට වරද පිළිගන්නා ලද පුද්ගලයන් තිදෙනෙකු හට එක් අයෙකුට රුපියල් එක් ලක්ෂ හතලිස් දහස බැගින් රුපියල් හාර ලක්ෂ විසිදහසක දඩ මුදලක් ගෙවන ලෙස නුවරඑළිය මහේස්ත්‍රාත් පමෝද ජයසේකර මහතා අද (20) නියෝග කරන ලදි.

රුසියාවේ පැවැති 10වැනි අන්තර්ජාතික ආරක්ෂක ගැටලු පිළිබඳ ඉහළ මට්ටමේ සාකච්ඡාවේදී රුසියානු ආරක්ෂක කවුන්සිලයේ නියෝජ්‍ය ලේකම් යුරී කෝකෝව් මහතා සඳහන් කර ඇත්තේ ශ්‍රී ලංකාවේ පාස්කු ප්‍රහාරය ඉස්ලාම් රාජ්‍ය ත්‍රස්ත සංවිධානය විසින් සැලසුම් කර ඇති බවයි.

මත්ද්‍රව්‍ය භාවිතයට හා ප්‍රවාහනයට එරෙහි ජාත්‍යන්තර දිනය සෑම වසරකම ජුනි මස 26 වැනි දිනට යෙදී ඇත.

ඉස්ලාම් රාජ්‍ය ත්‍රස්ත සංවිධානයට සිරියාව හා ඉරාකය අහිමිවීම හේතුවෙන් ඔවුන්ගේ අවධානය ඉන්දීය සාගර කලාපය දෙසට යොමුව ඇති බවත් ඒ අනුව ශ්‍රී ලංකාව හා ඉන්දියාව මේ හේතුවෙන් තර්ජනයකට ලක්ව ඇති බවත් ඉන්දීය බුද්ධි අංශ වාර්තා අනතුරු අඟවා ඇති බව ඉන්දීය මාධ්‍ය වාර්තා කරයි.

උතුරු මැද, උතුර සහ වයඹ පළාත් ආශ්‍රිත අනුරාධපුර, පොළොන්නරුව, පුත්තලම, කුරුණෑගල, වවුනියාව සහ මන්නාරම දිස්ත්‍රික්කවල අබලන්ව ඇති ග්‍රාමීය වැව් 325ක් පිළිසකර කිරීමේ ,වැව් ගම් පුබුදුව, වැඩසටහන කඩිනම් කර අදාළ ප්‍රදේශවල ගොවි ජනතාවට සලසන ලෙස ජනාධිපතිතුමා නිලධාරීන්ට උපදෙස් දෙයි.

එංගලන්තයේ හා වේල්සයේ පැවැත්වෙන එක්දින ලෝක කුසලාන තරගාවලියට සමගාමීව ක්‍රියාත්මක වන වැඩසටහනක් වන #oneday4children (එක් දිනක් දරුවන් වෙනුවෙන්) ශ්‍රී ලංකා ක්‍රිකට් කණ්ඩායමේ ක්‍රීඩකයන් සිය දාකත්වය ලබාදී තිබේ.

ඩයගම සිට කොළඹ දක්වා තේ වෙන්දේසිය සඳහා තේ කොළ ප්‍රවාහනය කරමින් තිබු කන්ටෙයිනර් රථයක් ප්‍රපාතයකට පෙරළි අනතුරක් සිදු වි ඇති බව ගිනිගත්හේන පොලීසිය පවසයි.

ඉන්දියාවේ කොයිම්බතොර්හි පන්සල් හා පල්ලිවලට මරාගෙන මැරෙන ප්‍රහාර එල්ල කිරීමට සූදානම් වූ ඉස්ලාම් රාජ්‍ය ත්‍රස්ථ සංවිධානයට සම්බන්ධ සැකකරුවන් තිදෙනෙකු ඉන්දීය පොලීසිය විසින් අත්අඩංගුවට ගෙන තිබේ.