මරණ දඩුවම නියම වූ සබරගමු පළාත් සභාවේ හිටපු එක්සත් ජාතික පක්ෂ පාර්ලිමේන්තු මන්ත්‍රී හසිත මුහන්දිරම් නොහොත් සරපයා නැමැත්තා නිදහස් කිරීමට අභියාචනාධිකරණය අද (10දා) නියෝග කළේය.

හෙට (11) දින සිට ආරම්භ වන 2019-2020 වසරවල ශ්‍රී පාද වන්දනා වාරයට සමගාමීව හැටන්, නල්ලතන්නිය මාර්ගයෙන් ශ්‍රි පාදය කරුණාකිරිමට පැමිණෙන බැතිමතුන්ට අවශ්‍ය සියලුම පහසුකම් සැලැසීමට පියවර ගෙන ඇති බව නුවරඑළිය දිස්ත්‍රික් ලේකම් රෝහණ පුෂ්පකුමාර මහතා පැවැසීය.

හිටපු ජනපති මෛත්‍රීපාල සිරිසේන මහතා විසින් ජනපති සමාව ලබාදුන් රෝයල් පාක් ඝාතනයේ වරදකරුව ජීවිතාන්තය දක්වා සිර දඬුවම් නියම වූ ජූඩ් ශ්‍රමන්ත ජයමහ මේ වන විට රටින් පිටව ගොස් ඇති බව ආගමන හා විගමන දෙපාර්තමේන්තුව අධිකරණයට කරුණු දැන්වීය.

නව රජය මගින් නැවතත් දිවයිනට කැඳවූ ශ්‍රී ලංකාවේ විදේශ දූත මණ්ඩල සේවාවල නිරතව සිටි තානාපතිවරුන් හා මහ කොමසාරිස්වරුන් අතර දක්ෂ පුද්ගලයන් සීමිත පිරිසක්ද සිටින බව කථානායක කරු ජයසූරිය මහතා සිය ට්විටර් ගිණුමෙන් ප්‍රකාශ කරයි.

බලපත්‍රයක් නොමැතිව පරිසර විනාශයක් කරමින් තේවත්තේ විශාල වලවල් හාරා මැණික් ඉල්ලම් ගොඩගෙන මැණික් ගැරු සැකකරුවන් පස් දෙනෙක් බගවන්තලාව පොලීසිය විසින් ඊයේ (09) දින රාත්‍රියේ අත්අඩංගුවට ගෙන ඇත.

මහබැංකු බැඳුම්කර වංචාවට සම්බන්ධ පුද්ගලයින්ට එරෙහිව නීතිය ක්‍රියාත්මක කිරිමට කටයුතු කරන බැව් සමකැබිනට් ප්‍රකාශක හා වැවිලි කර්මාන්ත හා සුළු අපනයන භෝග සංවර්ධන අමාත්‍ය දොස්තර රමේෂ් පතිරණ මහතා පවසයි.

හෙරොයින් ග්‍රෑම් 25ක් ළඟ තබාගෙන ජාවාරම් කිරීමේ චෝදනා යටතේ වරදකරු වූ කඩු ජාවාරම්කරුවෙකු වන කලු තුෂාර නැමැත්තාට මරණ දඬුවම නියම කර තිබේ.

පාසල්වල ගුරුපත්විම් ලබාදෙන බවට දුෂ්කර ගම්මානවල වෙසෙන ජනතාව නොමඟ යවමින් කූඨ ලිපිලේඛන සකස් කර, එක් ගුරු පත්වීමක් ලබාදීමට රුපියල් 1,50,000ක් බැගින් ලබාගනිමින් සිදුකරන ලද සැලසුම්සහගත වංචනික වැඩපිළිවෙළක් සම්බන්ධව ‍පසුගියදා (08) අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා වෙත තොරතුරක් ලැබි තිබේ.

එක්සත් ජාතීන්ගේ සංවර්ධන වැඩසටහන විසින් නිකුත් කරන ලද නවතම මානව සංවර්ධන දර්ශකය අනුව ශ්‍රී ලංකාව ස්ථාන පහක් ඉදිරියට පැමිණීමට සමත්ව තිබේ.

ජාත්‍යන්තර දූෂණ විරෝධී දින සැමරුමට සමගාමීව ’අවංක රාජ්‍ය සේවකයින් ඇගයීම’ වෙනුවෙන් ’ඉන්ටෙග්‍රිටි අයිකන්’ නමින් සම්මාන උළෙලක් ඊයේ (09දා) කොළඹ 07, බණ්ඩාරනායක ජාත්‍යන්තර සම්මන්ත්‍රණ ශාලාවේදී පැවැත්විණි.

ස්විස් තානාපති කාර්යාලය මගින් ගෙවී ගිය වසර දෙකක කාලය තුළදී දේශපාලන රැකවරණය යටතේ පුද්ගලයන් හයසිය හතළිස් දෙකකට වීසා ලබාදී තිබෙන බව %යුතුකම කේන්ද්‍රය^ සඳහන් කරයි.

ශ්‍රී ලංකාව සාග් පදක්කම් 200 ඉක්මවයනේපාලයේ කත්මණ්ඩු නුවර පැවැත්වෙන 13 වැනි දකුණු ආසියානු ක්‍රීඩා තරගාවලියේදී පදක්කම් 200 සීමාව ඉක්මවා යෑමට ශ්‍රී ලංකා කණ්ඩායම සමත්විය.

පැහැර ගැනීමකට ලක්වූ බව කියන කියන ස්විට්සර්ලන්ත තානාපති කාර්යාල සේවිකාව තෙවැනි දිනයටත් ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුවට පැමිණියාය.

සාග් පිහිණුම් තටාකයේ ශ්‍රී ලාංකේය අභිමානය නැවත වරක් වර්ණවත් කරමින් රන් පදක්කම් 07ක් දිනාගනිමින් තමාගේ නමින් ලියවී තිබූ දකුණු ආසියානු වාර්තාව සමකිරීමට පිහිනුම් ජාතික ශූර මැතිව් අබේසිංහ සමත් විය.

ලෝක විවාහක රෑ රැජින කිරුළ ජයග්‍රහණය කළ ශ්‍රී ලංකාවේ කැරොලින් ජෝරි අද (10දා) අලුයම 2.45 ට දෝහා සිට පැමිණි කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපළ වෙත පැමිණියාය.

රාජ්‍ය ආයතනවල රැකියා අවස්ථා ලබා දෙන බවට මහජනතාව මුලාකරමින් මුදල් වංචා කරන පිරිසක් පිළිබද තොරතුරු අනාවරණය වී තිබේ.

ශ්‍රී ලංකාවේ ක්ෂුද්‍ර, කුඩා හා මධ්‍යම කර්මාන්ත ඇතුලු ව්‍යාපාර ක්ෂේත්‍රය ප්‍රවර්ධනය කිරීම සදහා වූ අවබෝධතා ගිවිසුම් චීන සමාගම් දෙකක් සමඟ අත්සන් කිරීමට ශ්‍රී ලංකාවේ ස්වාධීන වාණිජ මණ්ඩලය අද (09දා) පස්වරුවේ කටයුතු කරන ලදි.

පැහැරගැනීමට ලක්වූ බව කියන ස්විට්සර්ලන්ත තානාපති කාර්යාලයේ සේවිකාවගෙන් අද දිනයේදී පැය 6කට ආසන්න ප්‍රකාශයක් අපරාධ පරීක්ෂණ දෙපාර්තමේන්තුව විසින් ලබාගෙන තිබේ.

දියුණු රටක් ගොඩනැඟීමට රාජ්‍ය සේවයේ පවතින සියලු දුර්වලතා කඩිනමින් නිවරැදි කළ යුතු බවත්, ආකල්පමය වෙනසක් තුළින් කාර්යක්ෂම සහ විධිමත් රාජ්‍ය සේවයකට කැපවිය යුතු බවත් ජනාධිපති ගෝඨාභය රාජපක්ෂ මහතා පවැසීය.

මැතිවරණ කොමිසන් සභාවේ සභාපතිධූරයෙන් ඉවත්වීමට මහින්ද දේශප්‍රිය මහතා කළ ඉල්ලීම ජනාධිපති ගෝඨාභය රාජපක්ෂ මහතා විසින් ප්‍රතික්ෂේප කර තිබේ.

පරිසරය ආරක්ෂා කරමින් බෞද්ධකම ශ්‍රද්ධාව ආගමික හැඟීම් ඇති වන ආකාරයෙන් හැසිරෙන ලෙසත් නොදිරන අපද්‍රව්‍ය පොලිතීන් ප්ලාස්ටික් ආදි නොයෙක් නොදිරන දේවල් ශ්‍රිපාදස්ථානයටරැගෙන නොගෙන අදාළ ස්ථානවලම මෙවැනි අපද්‍රව්‍ය තැන්පත් කරමින් පොලීසියට සංවිධාන කටයුතු කරන සියලු දෙනාට සහයෝගයෙන් දක්වන්න කියලා ජනතාවගෙන් ඉල්ලීමක් කරන ලෙස කඩවත මැද කෝරලයේ සමථ බල ප්‍රධාන අධිකරණ සංඝනායක සබරගමු පෙරමුණේ නායක පූජ්‍ය කොළොන්නේ සිරි නාහිමියෝ පැවසුහ.

දකුණු ආසියානු ක්‍රිඩා උළෙලේ වසර 28කට පසුව ඉන්දියාව අභිභවා යාමට ශ්‍රී ලංකා මළල ක්‍රීඩා කණ්ඩායම සමත්විය.ඒ මලල ක්‍රීඩා ඉසව්වලින් රන් පදක්කම් 15ක් දිනාගනිමිනි.

රාජ්‍ය අමාත්‍යාංශ 32ක් සඳහා නව ලේකම්වරු පත්කිරීම අද පස්වරුවේ ජනපති ලේකම් කාර්යාලයේදී සිදුවිය. ජනපති ලේකම් පී.බී. ජයසුන්දර මහතා අතින් පත්වීම් ලිපි ප්‍රධානය සිදු කෙරිණ.

දකුණු ආසියානු ක්‍රීඩා උළෙලට සහභාගී වීම සඳහා ශ්‍රී ලංකාව නියෝජනය කරමින් නේපාලයට ගොස් සිටින ශ්‍රී ලාංකේය ක්‍රිඩක ක්‍රීඩිකාවන් දහතුන් දෙනෙකුට ඩෙංගු උණ සහ තවත් හත් දෙනෙකුට උණ රෝගය වැළඳී ඇත්තේ ඔවුන් ශ්‍රී ලංකාවේ දී තාවකාලිකව නවාතැන් ගත් සුගතදාස හෝටලයේ මදුරු කීටයන් රැඳී සිටීම හේතුවෙන් බව අනාවරණය විම නිසා ක්‍රීඩා අමාත්‍ය ඩලස් අලහප්පෙරුම මහතා අද එහි නිරික්ෂණ චාරිකාවකට එක්විය.

ජල විදුලි බලාගාර ආශ්‍රිත ජලාශවල ජල මට්ටම පොදුවේ 90.5% ක් බවට පත්වී තිබෙන බවත්, මේ අනුව ජල විදුලි නිෂ්පාදන 55%ක් බවට පත්ව තිබෙන බව විදුලි බල මණ්ඩලය සඳහන් කරයි.

සාමාන්‍ය පෙළ විභාගය මේ මස 12 වන දින අවසන් වෙන බවත්, විභාගය අවසන් වූ පසු සියලුම සිසුන් සාමකාමී ලෙස විසිර යා යුතු බව විභාග දෙපාර්තමේන්තුව සඳහන් කරයි.

අර්ධ සුඛෝපභෝගී බස් රථ සේවාව (සෙමි ලක්‍ෂරි) කෙටිකාලයක් තුළ අහෝසි කිරීමට ප්‍රවාහන අමාත්‍යාංශයේ අවධානය යොමු වී තිබේ.

එළඹෙන මාර්තු මස ජිනීවාහි පැවැත්වෙන මානව හිමිකම් සමුළුවේදී ගතයුතු ක්‍රියාමාර්ග සම්බන්ධව විදේශ කටයුතු රාජ්‍ය අමාත්‍ය සුසිල් ප්‍රේමජයන්ත හා ගෝලීය සංසදය විධායක සභාවේ නියෝජිතයින් සහ ජාතික සංවිධාන සම්මේලනයේ නියෝජිතයින් අතර සාකච්ඡාවක් අද (09) පැවැත්විය.

ආණමඩුව පොලිස්ථානයේ පොලිස් නිලධාරින් දෙදෙනෙකුට පහර දිම සම්බන්ධව සැකකාර තරුණයින් තිදෙනෙකු අද (9) අත්අඩංගුවට ගත් බව ආණමඩුව පොලීසිය පවසයි.