මාධ්‍ය සාකච්ඡාවක් පවත්වමින් හා සමාජ මාධ්‍ය සම්මුඛ සාකච්ඡාවක් පවත්වමින් තම කීර්ති නාමයට හානි කළ බවත් ඒ අනුව වන්දි ඉල්ලා නඩු ගොනුකරන බවත් සඳහන් කරමින් සංගිතවේදී ඉරාජ් වීරරත්න මහතා හිටපු පාර්ලිමේන්තු මන්ත්‍රී හරීන් ප්‍රනාන්දු මහතාට එන්තරවාසියක් යොමුකර තිබේ.

අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය රාජිත සේනාරත්න මහතා යළිත් එළැඹෙන 10 දා තෙක් බන්ධනාගාර ගත කර තිබේ.

ඒ අනුව සුවය ලැබූ සම්පූරණ සංඛ්‍යාව 732ක් දක්වා වර්ධනය වී තිබේ. එසේම තවත් රෝහල්ගතව ප්‍රතිකාර ලබන සංඛ්‍යාව 577ක් දක්වා අඩුවී තිබේ.

තාවකාලිකව වසා දැමුණු අබුඩාබි හි ශ්‍රී ලංකා තානාපති කාර්යාලය හෙට (28දා) යළි විවෘත කිරීමට නියමිතය.

පසුගිය පැය 24 තුළ ඇතිවූ වර්ෂාපතනයත් සමගින් රත්නපුර, කෑගල්ල, මහනුවර හා නුවරඑළිය යන දිස්ත්‍රික්ක වෙත තවදුරටත් නාය යෑමේ අවධානනම් නිකුත් කිරීමට ජාතික ගොඩනැගිලි පර්යේෂණ ආයතනය විසින් නිකුත් කර තිබේ.

කෘෂිකර්ම ක්ෂේත්‍රය තුළ වගා කටයුතුවල නිරත ව සිටින ගොවි ජනතාව විසින් වගා කරන බෝගවර්ග වලින් ඉහළ ආදායමක් උපයා ගත නොහැකිව තිබෙන්නේ ඔවුන් භාවිත කරන කෘමිනාශක සඳහා අති විශාල මුදලක් වැය කිරීමට සිදු වී ඇති නිසා බව අමාත්‍ය මහින්ද අමරවීර මහතා කීය.

කොවිඩ් 19 හෙවත් කොරෝනා වසංගතය පාලනය කිරීම සඳහා රජයට ලබාදෙන සෞඛ්‍ය උපකරණ හා උපාංග සියලු බදු වලින් නිදහස් බව කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා පවසයි.

සහල් හිගයක් රටේ නොමැති බවත් සහල් ඒකාධිකාරියක් ඇතිවීම නිසා ඇති වු තත්ත්වයක් රටේ නිර්මාණය වී ඇති බවත් හිටපු කෘෂිකර්ම අමාත්‍ය මහින්ද යාපා අබේවර්ධන මහතා පැවසිය.

අවසන් වරට දකුණු කොරියාවේ දෛනික සිද්ධි සංඛ්‍යාවේ යම් ඉහළ අගයක් පෙන්වා තිබුණේ පසුගිය අප්‍රේල් 8 වැනිදාය.

1 සහ 2 ශ්‍රේණිවල සිසුන් වෙනුවෙන් අන්තර්ජාල හෝ රූපවාහිනී පහසුකම් නොමැතිව වුවද, නිවසේ සිට ක්‍රියාකාරකම් පාදකව අධ්‍යාපනය අඛණ්ඩව කරගෙන යාමට ඉඩප්‍රස්ථා සලස්වමින් ඔස්ට්‍රේලියානු රජය සහ Unicef Sri Lanka, Save the Children, Room to Read, Child Fund Sri Lanka යන ආයතන, අධ්‍යාපන අමාත්‍යංශය සහ ජාතික අධ්‍යාපන ආයතන සමග එක්ව ඉගෙනුම් ද්‍රව්‍ය පැකේජයක් හඳුන්වා දී තිබේ.

කොරෝනා හේතුවෙන් මාස 2යි දවස් 7 ක් ඇණ හිට තිබූ උඩරට දුම්රිය මාර්ගයේ බදුල්ල හා මහනුවර දුම්රිය ධාවනය අද (27දා) උදේ ආරම්භ විය.

නෙදර්ලන්තයේ අග්‍රාමාත්‍යවරයා රට තුළ ක්‍රියාත්මක වූ සියලු ආකාරය කොරෝනා වෛරස සීමා කිරීමේ ක්‍රියාමාර්ගවලට අනුකූලව කටයුතු කර ඇත.

ඉතාලියෙ ඊයේ (26) දිනයේදි කොවිඩ් ආසාදිතයන් හදුනාගැනිමේ පරික්ෂණ 57,674 ක් සිදු කර නව ආසාදිතයන් 397 ක් සොයාගත හැකිවු බව ඉතාලි සෞඛ්‍ය අමාත්‍යාංශය පැවසීය.

වීසා රහිතව නීති විරෝධිව කුවේට් රටේ රැඳී සිටින සහ එරට රැකියාවල නිරත ශ්‍රී ලාංකිකයන් විශාල පිරිසක් මේවනවිට කොරෝනා වෛරසයට ගොදුරුව ඇති බවත් සිවු දෙනෙක් මියගොස් ඇති බවත් කුවේට් ශ්‍රී ලංකා එකමුතු සංවිධානය පවසයි.

හදිසියේ ඇති වු හෘද්‍යාබාධයකින් මිය ගිය ලංකා කම්කරු කොන්ග්‍රසයේ නායක සහ ප්‍රජා සවිබල ගැන්විමේ සහ වතු යටිතල පහසුකම් අමාත්‍ය ආරුමුගන් තොණ්ඩමන් මහතාගේ අවසන් කටයුතු මේ මස 31 දින නොර්වුඩ් ක්‍රිඩාංගණයේදි සිදු කරන බව ලංකා කම්කරු කොන්ග්‍රසයේ ජ්‍යෙෂ්ඨ උපසභාපති එස්.සත්‍යවේල් මහතා පැවසිය.

යුරෝපයේ දෙවැනි ලෝක සංග්‍රාමයේ අවසානය සනිටුහන් කළ 75 වැනි සංවත්සර ප්‍රධාන සැමරුමක් ලෙස මෙවර විජයග්‍රාහී දින පෙළපාළිය පැවැත්වීමට නියමිත විය.

ඊයේ (26) අම්බලන්ගොඩ දුම්රිය ස්ථානයේ දී දුම්රියෙන් යාමට පැමිණි මගීන් පිරිසක් විසින් කළහකාරි ලෙස හැසිරීම හා එමගින් උද්ගත වූ තත්ත්වය සම්බන්ධයෙන් ඊයේ පස්වරුවේ ප්‍රවාහන සේවා කළමනාකරණ අමාත්‍ය මහින්ද අමරවීර මහතා විසින් කරුණු විමසීය.

දිවයිනේ නිරිත දිග කොටසේ (විශේෂයෙන්ම දකුණ , බස්නාහිර , සබරගමුව සහ මධ්‍යම පළාත් වල) දැනට පවතින වැසි තත්ත්වය තවදුරටත් පැවතිය හැකි බවත් ඇතැම් ස්ථානවලට මි.මී.200 වෙඩි ඉතා තද වර්ෂාපතනයක් ඇති විය හැකි බවකාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කරයි.

මෙම පිරිස මියන් මර ගුවන් සේවයට අයත් MAI 8M801 දරන ගුවන් යානයෙන් පිටත්ව ගියේය. මත්තල මහින්ද රාජපක්ෂ ජ්‍යාත්‍යන්තර ගුවන්තොටුපොලින් දකුණු කොරියාවේ සෝල් නුවර බලා පිටත්ව ගිය පළමු ගුවන්යානයද වේ .

පේරු රාජ්‍ය තුළ අනිවාර්ය සමාජ හුදකලා පියවර ඇතුළත් ජාතික හදිසි තත්ත්වය ජුනි 30දා දක්වා දීර්ඝ කරන එරට ජනපති කියයි.

නිවාඩුවට නිවෙස්වලට ගොස් ආපසු පැමිණි මඩකලපුව දිස්ත්‍රික්කයේ සේවය කරමින් සිටින පොලිස් නිලධාරින් 141 දෙනෙකු කල්ලඩි පොලිස් පුහුණු කදවුරේ නිරෝධායනයට ලක් කල බව පොලිස් උසස් නිලධාරියෙක් පැවසිය.

කැනඩාවේ සිදුවන කොරෝනා මරණවලින් 80% කට ආසන්න ප්‍රමාණයක් වැඩිහිටියන් සඳහා වූ දිගු කාලීන සත්කාර ආයතන හා සම්බන්ධ බව හෙළි වෙයි.

ඊයේ හඳුනාගත් කොවිඩ් ආසාදිතයන් 137 දෙනාගෙන් 127ක්ම කුවේටයේ සිට ශ්‍රී ලංකාවට පැමිණි පිරිස් බව වසංගත රෝග විද්‍යාතනය සඳහන් කරයි.

කටාර් රාජ්‍යයේ රැකියා සඳහා ගොස් සිටියදී, ශ්‍රී ලංකාවට පැමිණීමට නොහැකිව සිටි ශ්‍රී ලාංකිකයන් 268 දෙනෙකු අද(27දා) අලුයම ශ්‍රී ලන්කන් ගුවන් සේවයේ විශේෂ ගුවන් යානයකින් දෝහා සිට කටුනායක ගුවන් තොටුපළ වෙත පැමිණ තිබේ.

අමාත්‍යවරු දෙදෙනා ජනපති හෝ සෙසු කැබිනට් අමාත්‍යවරු හමුවී නැති බව කීවත්, එරට කැබිනට් මණ්ඩලයම යම් තැතිගැන්මක බව වාර්තා වෙයි.

ලොව දෙවැනියට වැඩිම ආසාදිතයන් වාර්තා වන බ්‍රසීලයේ මේ වනවිට සමස්ත කොවිඩ්-19 ආසාදිත අගය 400,000ක සීමාව කරා පැමිණ තිබේ.

මෙක්සිකෝව එක් දිනක් තුළ මරණ 500කට වැඩි සංඛ්‍යාවක් වාර්තා කළ පළමු වැනි අවස්ථාව මෙයයි.

එක්සත් ජනපදයේ සමස්ත කොරෝනා ආසාදිතයන් සංඛ්‍යාව ලක්ෂ 17ක සීමාව කරා පැමිණෙමින් ඇති බව දත්ත වාර්තා පෙන්වා දෙයි.

ලොව පුරා නව කොරෝනා වෛරසය ආසාදිත සමස්ත අගය ලක්ෂ 56 සීමාවට පැමිණ ඇති බව දත්ත වාර්තා පෙන්වා දෙයි.