විදුලි බිල්පත් ගෙවීමේ දී නිවැරදිම බිල්පත වන්නේ අවසානයට නිකුත් කර ඇති බිල්පත වන බවත් එය නිකුත් කර තිබෙන්නේ පාරිභෝගිකයින් පාවිච්චි කරන ලද විදුලි ඒකක ගණන සඳහා පමණක් බවත් එම අවසන් බිල වාරික කිහිපයකින් ගෙවීමට අවස්ථාව සලසා දි ඇති බව ලංකා විදුලි බල මණ්ඩලය පවසයි.

පාස්කු ප්‍රහාරය එල්ල කළ ත්‍රස්තවාදීන්ට ශ්‍රී ලංකාවේ ඇතැම් නීත්‍යානුකූල ව්‍යාපාරවලින්ද මුදල් ලැබී ඇති බව පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා පැවැසීය.

තලාතුඔය පොලිසියට ලද තොරතුරකට අනුව ඊයෙ (17) සිදුකළ හදිසි සෝදිසියකදී ගංජා මත් ද්‍රව්‍ය සහ අයිස් මත්ද්‍රව්‍ය සමග කාන්තාවන් දෙදෙනෙකු ඇතුළු පුද්ගලයන් හය දෙනෙකු සැක පිට අත්අඩංගුවට ගෙ​න තිබේ.

මූල්‍ය සමාගම් සහ ලීසිං සමාගම්වල සිදුවන්නා වූ අක්‍රමිකතාවයන් සහ නීතිවිරෝධී ක්‍රියාවන් සොයාබලා වාර්තා කිරීමට මහ බැංකුවේ අධිපති මහාචාර්ය ඩබ්.ඩී. ලක්ෂ්මන් මහතා විසින් කමිටුවක් පත් කර තිබේ.

පාස්කු ප්‍රහාරය සම්බන්ධයෙන් මේ වන විට සැකකරුවන් 237ක් අත්අඩංගුවට ගෙන ඇති බව පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා පැවැසීය.

රුවන්වැලි චෛත්‍ය රාජයාණන්වහන්සේට පළදා තිබු වසර අසුවකට වඩා පැරණි චුඩා මාණික්‍ය ලබන 20 දා සිට බැතිමතුන් හට වන්දනාමාන කිරිම සදහා අවස්ථාව සලසන බව රුවන්වැලි චෛත්‍යරාමාධිපති පුජ්‍ය පල්ලේගම හේමරතන නාහිමියෝ පැවසුහ.

කොළඹ වරාය නගරයේ (PORT CITY COLOMBO) වෙරළ තීරය පොදු මහජනතාව වෙනුවෙන් ලබන වසරේ දී විවෘත කිරීම කොළඹ වරාය නගර පෞද්ගලික සමාගම (Port City Colombo pvt/ Ltd) සැලසුම් කර තිබෙන බව නාගරික සංවර්ධන, ජල සම්පාදන සහ නිවාස පහසුකම් අමාත්‍යාංශය ප්‍රකාශ කරයි.

කොවිඩ් 19 වසංගතය හේතුවෙන් රජය ජනතාවට ලබා දුන් සහන ලබාදීම මූල්‍ය ආයතන මගින් කඩාකප්පල් කරන බවත් එවැනි මූල්‍ය ආයතන වලට එරෙහිව වහා පියවර ගත යුතු බවත් කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා අවධාරණය කරයි.

ජනාධිපති ගෝඨාභය රාජපක්ෂ මහතා මහබැංකුවට දෙහි කැපුවට රටට හරි යයි කියා සමහරු සිතා සිටින බව ජනතා විමුක්ති පෙරමුණ සඳහන් කරයි. පසුගිය දිනවල රටේ ආයෝජකයින්ට ණව දෙන බවට සඳහන් කළත්, ණය පහසුකම් ලබාදී තිබෙන්නේ 50% කට පමණක් බවද එම පක්ෂයේ මධ්‍යම කාරක සභික වසන්ත සමරසිංහ මහතා සඳහන් කළේය.

අභිරහස් අයුරින් මියගිය ධීවරයකුගේ මල සිරුරක් අද (17 ) දහවල් මාදු ගගේ පාවෙමින් තිබියදි සොයා ගැණුනු බව අහුන්ගල්ල පොලීසිය කියයි.

ඉන්දියාව අවට සාගරයේ ධීවර කටයුතු වල යෙදෙන ධීවරයින් ඒ පිළිබඳව ඉතාමත්ම සැලකිලිමත් වී තම කර්මාන්තය කළ යුතු අතර ඉන්දියාවේ සිටින තම ඥාතීන් යාත්‍රාවට නංවා ගැනීම, ආහාර පාන හුවමාරු කරගැනීම කිසිදු ලෙසකින් සිදු කර නොගන්නා ලෙසද අමාත්‍ය ඩග්ලස් දේවානනදා මහතා ඉල්ලා සිටි.

2016 දී සිදුවූ බැඳුම්කර වංචා වලට අදාලව අර්ජුන මහේන්ද්‍ර සහ අජහං පුංචිහෙවට එරෙහිව නිකුත්කළ වරෙන්තු ක්‍රියාත්මක කරන ලෙස කොටුව මහේස්ත්‍රාත් අධිකරණයෙන් අපරාධ පරීක්ෂණ දෙපාර්තමේන්තුවට නියෝග කර තිබේ.

ශ්‍රී ලංකාවේ ප්‍රථම වතාවට දිය යට ඉදිකරන ලද කෞතුකාගාරය නාවික හමුදාධිපති වයිස් අද්මිරාල් පියල් ද සිල්වා විසින් ගාල්ල මුහුදු තීරයේ දී විවෘත කිරීම සිදු කරන ලදී.

පාලන මිලට වඩා වැඩි මිලට කුකුල් මස් අලෙවි කරන වෙළඳුන් සම්බන්ධයෙන් වන වැටලීම් මේ දිනවල සිදුකරන බව පාරිභෝගික කටයුතු පිළිබද අධිකාරිය සඳහන් කරයි.

හිටපු පාර්ලිමේන්තු මන්ත්‍රී නාමල් රාජපක්ෂ මහතා නිකුත් කල යැයි සඳහන් කරමින් සමාජ්‍ය මාධ්‍ය තුළ හුවමාරු වන ට්විටර් පණිවිඩය අසත්‍ය පණිවිඩයක් බව ඔහුගේ මාධ්‍ය ඒකකය නිවේදනය කරයි.

කොවිඩ් 19 ආසාදනය වීම හේතුවෙන් රෝහල්ගතව ප්‍රතිකාර ලැබූ තවත් රෝගීන් 26ක් සුවය ලැබීමෙන් අනතුරුව රෝහල්වලින් පිටව ගොස් ඇති බව වසංගත රෝග විද්‍යාතයනය සඳහන් කරයි.

අගෝස්තු පළවෙනිදායින් පසු දිවයිනට පැමිණෙන සංචාරකයින් සියලුදෙනා පී.සී.ආර් පරීක්ෂණ 03කට ලක්කෙරෙන බව කාර්මික අපනයන, ආයෝජන ප්‍රවර්ධන, සංචාරක හා ගුවන්සේවා ඇමති ප්‍රසන්න රණතුංග මහතා පවසයි.

කොරෝනා වෛරසයේ ව්‍යාප්තිය හේතුවෙන් වසා තබන ලද පාසල් නැවත ආරම්භ කිරීමෙන් පසු සිසුන් ප්‍රවාහනය සිදුකළ යුතු ආකාරය පිළිබඳ විශේෂ සාකච්ඡාවක් අධ්‍යාපන අමාත්‍ය ඩලස් අලහප්පෙරුම මහතාගේ සහ ප්‍රවාහන අමාත්‍ය මහින්ද අමරවීර මහතාගේ ප්‍රධානත්වයෙන් සමස්ත ලංකා පාසල් වෑන් රථ හිමියන්ගේ සංගමය ඇතුළු පෞද්ගලික ප්‍රවාහන සංගම් නියෝජිතයන් රැසක සහභාගීත්වයෙන් ඊයේ (16) අධ්‍යාපන අමාත්‍යාංශ පරිශ්‍රයේ දී පැවැත්විණි.

අපේ ආණ්ඩුව ධනවතුන්ට බදු ගසා දුප්පතුන්ගේ බදු අඩු කිරීමට පියවර ගත් බවත් එහෙත් වර්තමාන ආණ්ඩුව පොහොසතුන්ගේ බදු අයින් කොට දුප්පතුන්ට බදු ගසා ඇතැයි සමගි ජන බලවේගයේ මහ ලේකම් රංජිත් මද්දුමබණ්ඩාර මහතා පැවැසීය.

හිටපු මහබැංකු අධිපතිවරයෙකු වන අර්ජුන් මහේන්ද්‍රන් මහතා අර්ජන් ඇලෙක්සැන්ඩර් ලෙස තමන්ගේ නම වෙනස් කර ගැනීමත් සමග ඔහුව සිංගප්පූරුවේ සිට නැවත ශ්‍රී ලංකාවට ගෙන්වා ගැනීම සඳහා යළිත් වතාවක් ලියකියවිලි සකස්කරන්නට වේදෝයි බොහෝ දෙනා අතර කතා බහක් ඇති විය.

කොවිඩ් වසංගත සමයේදී නීතිවිරෝධී අයුරින් පුද්ගලයන් ශ්‍රී ලංකාවට පැමිණීම වැළැක්වීම සඳහා නාවික හමුදාව කටයුතු කර ඇති බව නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුරු සූරියබණ්ඩාර මහතා පැවැසීය.

කොවිඩ් - 19 වෛරසය ආසාදනයවී රෝහල් ගතව ප්‍රතිකාර ලැබූ තවත් නාවික හමුදා පුද්ගලයින් 06ක් වෛරසය ශරීර තුල නොමැති බවට සිදු කල පීසීආර් පරීක්‍ෂණ මගින් තහවුරු කර ගැනීමෙන් අනතුරුව ඊයේ ( 16) දින එම රෝහල් වෙතින් මුදා හැරීමට කටයුතු කර ඇත.

එළැඹෙන පාර්ලිමේන්තු මැතිවරණයෙන් සමගි ජනබලවේගයේ අගමැති අපේක්ෂක සජිත් ප්‍රේමදාස මහතා ජයග්‍රහණය කර අගමැති තනතුරට පත්විමෙන් තෙමසක් ගතවීමට පෙර වතු කම්කරුවන් වෙනුවෙන් දිනකට රුපියල් 1500ක වැටුපක් ලබාදෙන බව හිටපු පාර්ලිමේන්තු මන්ත්‍රී වඩිවේල් සුරේෂ් මහතා පැවැසීය.

ගම්පහ දිස්ත්‍රික්කයේ ස්ථාන කිහිපයකට හෙට (18) උදෑසන 9 සිට පස්වරු 9 දක්වා පැය 12 ක කාලයක් ජල සැපයුම අත්හිටුවා ඇ​ත.

2015 වසරේදී තරුණයෙක් පැහැරගෙන යාමේ සිදුවීමට අදාළව හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර මහත්මියට එළැඹෙන ජුලි මස 10 දා අධිකරණය හමුවේ පෙනී සිටින ලෙස දන්වමින් කොළඹ මහාධිකරණය නොතීසි නිකුත් කර තිබේ.

බස්නාහිර පළාත තුළ ඊයේ පෙ.ව 6 සිට අද අලුයම 5 දක්වා සිදු කළ වැටලිම්වලදි 404 දෙනෙකු අත්අඩංගුවට ගෙන තිබේ.

ජීවන් තොණ්ඩමන් ලංකා කම්කරු කොංග්‍රසයේ මහලේකම් තනතුරට පත්කර තිබේ.

ඊයෙ (16) දිනය අවසන්වන විට ඉතාලියේ සමස්ත කොවිඩ් ආසාදිතයන් සංඛ්‍යාව 2,37,500 දක්වාත් සමස්ත මරණ සංඛ්‍යාව 34,405 ක් දක්වාත් වර්ධනය වි තිබෙන බව ඉතාලි සෞඛ්‍ය අමාත්‍යාංශය පවසයි.

නවසීලන්තයට COVID රහිත තත්ත්වය අහිමි වූයේ බ්‍රිතාන්‍යයේ සිට පැමිණීමෙන් පසු සානුකම්පිත හේතුන් මත නිරෝධායනය සඳහා පිටත්ව යාමට අවසර ලබා දුන් කාන්තාවන් දෙදෙනෙකුට කොරෝනා වෛරසය සඳහා ධනාත්මක බව පරීක්ෂා කිරීමෙනි.