ආයතනිකව හා පෞද්ගලිකව ලැබෙන පරිත්‍යාග හා සෘජු තැන්පතු සමග ඉටුකම COVID – 19 සෞඛ්‍ය හා සමාජ ආරක්ෂණ අරමුදලේ ශේෂය රුපියල් මිලියන 1423 ඉක්මවා තිබේ.

ජනාධිපතිතුමා සමඟ එකට වැඩ කරන්න පුළුවන් පිරිසකට ආණ්ඩු ලබා දිය යුතු බැවින් මහින්ද රාජපක්ෂ මැතිතුමා අගමැති කර තුනෙන් දෙකක බලයක් ශ්‍රී ලංකා පොදු ජන පෙරමුණට ලබා දිය යුතු බව ශ්‍රී ලංකා පොදු ජන පෙරමුණේ මහනුවර දිස්ත්‍රික්ක අපේක්ෂ කණ්ඩායම් නායක හිටපු අමාත්‍ය මහින්දානන්ද අලුත්ගමගේ මහතා ප්‍රකාශ කර සිටියේය.

තවත් කොරෝනා ආසාදිතයින් දෙදෙනෙකු වාර්තා විමත් සමඟ මෙරට සමස්ත කොරෝනා ආසාදිතයින් ගණන 2053ක් දක්වා ඉහළ ගොස් තිබේ.

ලෝකයේ බලවත් රටවල් ඇමරිකාව, ඔස්ටේ‍්‍රලියාව, චිනය, රුසියාව යන කිසිවෙකුට බැරිවුණ මේ කොරෝනා මර්දනය ලංකාව ඉතා හොඳින් මර්දනය කරලා තියෙනවා යැයි පොදුජන පෙරමුණේ හිටපු පාර්ලිමේන්තු මන්ත්‍රී ඩි.වි චානක සඳහන් කරයි.

නාවලපිටිය සිට නානුඔය දුම්රිය ස්ථානය දක්වා භාණ්ඩ ප්‍රවාහන කල 1059 දුම්රිය හැටන් දුම්රිය ස්ථානය අසලදි පිළි පැනිමට ලක් වු බව දුම්රිය පාලක මැදිරිය පැවසිය.

නවීන් කියන උස මිනිසා කවුද?

විශ‍්‍රාමිකයින්ගේ වැටුප් විෂමතා ඉවත් කරනතුරු තමන්ගේ විශ‍්‍රාම වැටුප් අත්හිටුවීමට අමාත්‍ය මණ්ඩලය ගත් තීරණය මඟින් තම අයිතිවාසිකම් කඩවී ඇති හෙයින්, අමාත්‍ය මණ්ඩලයේ එම තීරණය අඩංගු චක‍්‍රලේඛය බලරහිත කරන්නැයි ඉල්ලමින් හිටපු විශ‍්‍රාම වැටුප් අධ්‍යක්ෂක ජනරාල්වරයා, විශ‍්‍රාමිකයින්ගේ අයිතීන් සුරැකිමේ සංවිධානයේ කැඳවුම්කරු ඇතුළු විශ‍්‍රාමිකයින් 95 දෙනෙකු අභියාචනාධිකරණයට අද (01) රිට් පෙත්සමක් ගොනු කළහ.

පාසල්වල පළමු සහ දෙවැනි ශ්‍රේණිවල ඉගෙනුම් කටයුතු ද සියලුම පෙර පාසල් නැවත විවෘත කිරීමට ද අගෝස්තු 10 වැනිදා ආරම්භ කරන බව අධ්‍යාපන අමාත්‍යාංශය සඳහන් කරයි.

ශ්‍රී ලංකාවට පැමිණීමට නොහැකිව ඉන්දියාවේ රැදී සිටි ශ්‍රී ලාංකිකයන් 63 දෙනෙකු රැගෙන ශ්‍රී ලන්කන් ගුවන් සේවයේ විශේෂ ගුවන් යානයක් 7/01 දින සවස චෙන්නායි නුවර සිට කටුනායක ගුවන් තොටුපළ වෙත පැමිණ ඇත.

යාපනය සිට කොළඹට වෑන් රථයකින් ප්‍රවාහනය කරමින් තිබූ රුපියල් කෝටි දෙකහමාරකට අධික වටිනාකමින් යුත් අයිස් මත්ද්‍රව්‍ය කිලෝ දෙකක් සහ කේරළ ගංජා කිලෝ 25 ක් සමඟින් පුද්ගලයකු අද (01) දින යාපනය පේදුරුතුඩුව ප්‍රදේශයේදී අත්අඩංගුවට ගත් බව යාපනය පොලිස් විශේෂ කාර්ය බළකාය පවසයි.

මත්ද්‍රව්‍ය ජාවාරම්කරුවන් සමග සම්බන්ධතා ඇතැයි පැවසෙන පොලිස් මත්ද්‍රව්‍යනාශක කාර්යාංශයේ නිලධාරින් පස්දෙනා පිළබඳව සොයා බැලීමට පොලිස් කණ්ඩායම් 3ක් යොදවා තිබෙන බව අද (01) සවස පැවති මාධ්‍ය හමුවකදි නියෝජ්‍ය පොලිස්පති අජිත් රෝහණ මහතා සඳහන් කර සිටියේය.

පසුගිය පාලන සමයේ දී රටේ ආර්ථිකයට ‘බිම්බෝම්බ’ ගණනාවක් සවිකර ඇති බවත් හොර රහසේ අත්සන් කර ඇති එම්සීසී ගිවිසුම් 02, කොළඹ වරායේ නැගෙනහිර පර්යන්තය විකුණා දැමීමේ එකඟතාව, මත්තල ගුවන්තොටුපොළ විකුණා දැමීමේ ගිවිසුම ආදිය එවැනි‘බිම්බෝම්බ’කිහිපයක් බවත් ඒවා නිෂ්ක‍්‍රීය කළ හැකි බලකායක් අගෝස්තු 05 වැනිදා පාර්ලිමේන්තුවට පත් කර යැවීමට රටට ආදරය කරන සියලූ ජනබලවේග කටයුතු කළයුතු බවත්ජානිපෙ නායක, අමාත්‍ය විමල් වීරවංශ මහතා පවසයි.

තවත් කෝවිඩ් - 19 ආසාධිතයෙකු හඳුනා ගැනීමත් සමග මෙරට කෝවිඩ් - 19 ආසාධිතයින් ගණන 2050ක් දක්වා ඉහල ගොස් ඇත.

කළුතර උතුර දිස්ත්‍රික් ලේකම් කාර්යාලය තුළදී කම්කරු නිලධාරීනියකට බැණ වැදී ආවේගශීලීව හැසිරීම සම්බන්ධයෙන් අත්අඩංගුවට ගෙන පොලිස් සිරමැදිරියේ රඳවා සිටි කළුතර ප්‍රාදේශීය සභාවේ ස්වාධීන මන්ත්‍රී චන්දන ශ්‍රීනාත් ප්‍රනාන්දු මහතාව හා පොලිස් ස්ථානය ජංගම දුරකථනයෙන් වීඩියෝගත කර පුද්ගලයෙකු අද (01) අත්අඩංගුවට ගත් බව කලුතර උතුර පොලීසිය පවසයි.

කොල්ලූපිටිය සමුද්‍ර මාවතේ පිහිටි රුපියල් කෝටි ගණනක් වටිනා ඉඩමක් ව්‍යාජ ඔප්පුවක් මඟින් පිටස්තර පුද්ගලයකුට විකිණීමේ චෝදනාවන්ට වරදකරු වු එකම පවුලේ සිවුදෙනෙකු ඇතුළු පස්දෙනෙකුට බරපතළ වැඩ සහිත 67 වසරක සිරදඬුවම් නියම කළ කොළඹ මහාධිකරණ විනිසුරු ගිහාන් කුලතුංග මහතා මෙම වංචනික ඉඩම් විකිණීම හේතූවෙන් අගතියට පත් පාර්ශවයට රුපියල් කෝටි 1 1/2කට ආසන්න වන්දියක් ගෙවීමට අද (01) නියම කළේය.

හෝමාගම, පිටිපන නිවසකින් අත්බෝම්බ 7, රීපීටර් ෂොට්ගන් 01ක්, උණ්ඩ 04ක්, ආරක්ෂක කබා 02ක්, හඳුනා නොගත් උණ්ඩ 04 ක් සමග කාන්තාවක් අත්අඩංගුවට ගෙන ඇති බව පොලීසිය පවසයි.

තවත් කෝවිඩ් - 19 ආසාධිතයින් දෙදෙනෙකු හඳුනා ගැනීමත් සමග මෙරට කෝවිඩ් - 19 ආසාධිතයින් ගණන 2049ක් දක්වා ඉහල ගොස් ඇත.

මහ මැතිවරණයට අදාළ මාතලේ දිස්ත්‍රික්කය තුළ අද ( 01) දා උදැසන වන විට මැතිවරණ නිති උල්ලංඝණය කිරිමේ සිද්ධින් 73ක් වාර්තා වි ඇති බව මාතලේ දිස්ත්‍රික් මැතිවරණ පැමිණිලි කළමණාකරණ මධ්‍යස්ථානය පවසයි.

මේ චන්දෙදී රාජපක්ෂවරුන්ට විරුද්ධව තනියෙන් හරි සටන් කරනවා .පාර්ලිමේන්තුවටත් ගිහින් හිටගන්නේ රාජපක්ෂවරුන්ට විරුද්ධවයි.මේ චන්දෙන් රාජපක්ෂවරුන්ට ආණ්ඩුවක් පිහිටුවන්න හම්බවෙන්නේ නැහැ.

ශ‍්‍රී ලංකා කණ්ඩායමේ ආරම්භක පිතිකරුවෙකු වන උපුල් තරංග, ක්‍රීඩා වැරදි සම්බන්ධයෙන් විමර්ශනය කෙරෙන විශේෂ ඒකකය වෙත අද (01) කැඳවා තිබිණි.

2011 ලෝක කුසලාන ක්‍රිකට් තරගාවලියේ අවසන් මහා තරගය පාවාදීමේ චෝදනාව සම්බන්ධයෙන් ප්‍රකාශ සටහන් කරගැනීමට එවකට ශ්‍රී ලංකා කණ්ඩායමේ නායකත්වය දැරූ කුමාර් සංගක්කාර මහතා ක්‍රීඩා වැරදි පිළිබඳ විශේෂ පොලිස් විමර්ශන ඒකකයට හෙට (02දා) කැඳවීමට නියමිතය.

රටේ සංවර්ධනයට සහ ජන ජීවිතය නැංවීමට ව්‍යාපෘති ක්‍රියාත්මක කිරීමේදි උතුර සහ දකුණ කියා වෙනසක් නැතැයි අග්‍රාමාත්‍ය මහින්ද රාජපක්ෂ මහතා පවසයි.

මහනුවර සිට බදුල්ල දක්වා ධාවනය වු 1126 භාණ්ඩ ප්‍රවාහන දුම්රිය අඹේවෙල සහ පට්ටිපොළ දුම්රිය ස්ථාන දෙක අතර පිළි පැනිමට ලක් විම හේතුවෙන් උඩරට දුම්රිය මාර්ගයේ ගමනාගමන කටයුතු වලට බාධා පැමිණ ඇති බව දුම්රිය පාලක මැදිරිය පැවසිය.

තවත් කෝවිඩ් - 19 ආසාදිතයින් 37 දෙනෙක් පූර්ණ සුවය ලබා ඇතැයි සෞඛ්‍ය අමාත්‍යාංශය පවසයි.

මෙවර මැතිවරණය සඳහා කොළඹ දිස්ත්‍රික්කයෙන් පොදුජන පෙරමුණ යටතේ තරඟ කරන බන්දුල ගුණවර්ධන මහතාගේ සම නිෂ්පාදනයක් වූ ’’ද නිවුස් පේපර් ’’ නැමති චිත්‍රපටය මඟින් අපේක්ෂකත්ව ප්‍රවර්ධනයක් සිදුවන බව කැෆේ සංවිධානය මැතිවරණ කොමිසම වෙත දැනුම් දෙයි.

නැගෙනහිර පර්යන්තයේ මෙහෙයුම් කටයුතු ශ්‍රි ලංකා වරාය අධිකාරිය මගින් පමණක්ම ක්‍රියාත්මක කරන ලෙස හා රැගෙන ආ ග්‍රැන්ටි දොඹකර ECT පර්යන්තයේ ගොඩ බෑම සිදු කරන ලෙස ඉල්ලා එහි සේවකයින් තිදෙනෙක් විසින් අඛන්ඩ වෘත්තීය ක්‍රියමාර්ගයක් වරාය පරිශ්‍රයේ ආරම්භ කර ඇත.

විදේශ රැකියාවල නිරත වී සිටින ශ්‍රී ලාංකික ශ්‍රමිකයින්ගේ ඉදිරි සුබසාධන කටයුතු සැලසුම් කිරීම සඳහා ශ්‍රී ලංකා විදේශ සේවා නියුක්ති කාර්යාංශය විසින් තොරතුරු සංගණනයක් ආරම්භ කර ඇත.

වේදිකා නාට්‍ය ප්‍රදර්ශනය හා වෙනත් ප්‍රසංග සඳහා රංග ශාලාවන්හි ආසන ධාරිතාවයෙන් 50%ක් සඳහා වන ප්‍රේක්ෂකයින් සංඛ්‍යාවක් පමණක් ඒක් දර්ශන වාරයකට සහභාගි කරවිමේ සිමාවට යටත්ව ජුලි 15 වන දින පටන් රංග ශාලාවන් විවෘත කිරිමට සෞඛ්‍ය සේවා අධ්‍යක්ෂ ජනරාල් විසින් උපදෙස් දි තිබේ.

වව්නියාව සෙට්ටිකුලම් තුඩරික්කුලම් ප්‍රදේශයේදී දුම්රිය හරස් මාර්ගයකදී අද (01) උදෑසන ධාවනය වූ ත්‍රී රෝද රථයක් දුම්රියේ ගැටීමෙන් එක් අයෙකු මිය ගොස් අති බවට සෙට්ටිකුලම් පොලීසිය පවසයි.