11/01 දින රාත්‍රී 8.00 වනවිට ගම්පහ දිස්ත්‍රික්කය තුළ කොරෝනා ආසාදිත රෝගීන් 111 දෙනෙකු සොයාගෙන ඇති අතර , ඒ අනුව මේ දක්වා මෙම දිස්ත්‍රික්කය තුළින් කොරෝනා ආසාදිත රෝගීන් 3137 ක් හමු වී ඇති බවත් , ඒ සදහා පී.සී.ආර්.පරීක්ෂණ 47258 ක් සිදු කර ඇති බවත් ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය මිගාර ඈපා මහතා පැවසීය .

බලපිටිය සෞඛ්‍ය වෛද්‍ය නිලධාරී කොට්ඨාසයෙන් කොරෝනා ආසාදිත පුද්ගලයන් 05 දෙනකු වාර්තා වී ඇතැයි සෞඛ්‍ය අංශ පවසයි.

කොවිඩ් 19 වසංගතය හමුවේ දැඩි අවදානම් සහිත සේවාවක් ඉටු කරනු ලබන ගම්පහ මහ නගර සභාවෙහි විෂබීජහරණය කිරීමේ කටයුතුවල නිරත සේවක පිරිස සහ මහජන සෞඛ්‍ය පරීක්ෂකවරුන් වෙනුවෙන් විශේෂ දීමනාවක් ලබාදීමට නගර සභාවේ අවධානය යොමුව ඇත.

කිලිනොච්චිය දිස්ත්‍රීක්කයේ ප්‍රදේශ කිහිපයකට වර්ෂාව නොමැති වීමෙන් පවතින වියලි කාලගුණය හේතුවෙන් පවුල් 300 කට ආසන්න පිරිසක් පානීය ජලය නොමැති වීමෙන් දැඩි සේ පීඩා විඳින බවට එම වැසියන් පවසති.

අද (02දා) උදෑසන වන විට ශ්‍රී ලංකාවෙන් වාර්තා වී ඇති සමස්ත කොවිඩ් ආසාදිතයන්ගේ සංඛ්‍යාව 11060ක් බව සෞඛ්‍ය ප්‍රවර්ධන කාර්යාංශය සඳහන් කරයි.

ඌව, නැගෙනහිර සහ මධ්‍යම පළාත්වලත් පොළොන්නරුව දිස්ත්‍රික්කයේත් ස්ථාන ස්වල්පයක සවස 2න් පසු වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

කොවිඩ් 19 ආසාදිත පොකුරු බස්නාහිර පළාතේ පැතිර ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.

මෙම පුවත මුලින්ම හෙළි කළ බ්‍රිතාන්‍යයේ සන් පුවත්පතට අනුව, 38 හැවිරිදි විලියම් කුමරු විසින් රට සහ ජනතාව බිය ගැන්වීම වළක්වා ගැනීම සඳහා ඔහුගේ රෝග විනිශ්චය පෞද්ගලිකව තබා ගැනීමට කටයුතු කර ඇත.

උසස්පෙළ සිසුන්ට හා කාර්ය මණ්ඩලයට කැමති ප්‍රවාහන මාධ්‍යයක් උපයෝගී කරගනිමින් ඇඳිරි නීතිය පවතින ප්‍ර දේශවල විභාගයට එක්වීමට පැමිණීමට අවස්ථාව ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.

’’මම කියන්නෙ, අපේ වෛද්‍යවරු හරිම දක්ෂ මිනිස්සු’’ ට්‍රම්ප් සිකුරාදා මිචිගන් හි පැවති රැලියකදී පැවසීය. ’’ඒත් ඔවුන් කරන, කියන දේ ගැන මට කණගාටුයි. ඔවුන් කියන්නෙ, සෑම කෙනෙක්ම කොවිඩ්-19 නිසා මිය යාවිලු.’’

ඇමෙරිකානු ජනාධිපතිවරණය නිල වශයෙන් හෙට (03දා) දිනයේ පැවැත්වූවද, මේ වනවිටත් ඇමෙරිකානුවන් මිලියන 92කට වඩා වැඩි සංඛ්‍යාවක් තැපෑලෙන් හෝ වේලාසනින් ඡන්දය ප්‍රකාශ කර ඇත.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 46,400,000ක් ඉක්මවා ඇති අතර, මුඛ ආවරණය, නිතර දෑත් සේදීම, මීටරයක හෝ දෙකක දුරස්ථභාවය අනිවාර්ය කරන ලෙස ලෝක සෞඛ්‍ය අංශ අවධාරණය කරයි.

උතුරු පළාතේ ධීවරයින් විසින් නෙලා ගන්නා මත්ස්‍යයින් ඇසුරුම් කර විදේශ රටවලට ආපනයනය කිරීම සදහා කර්මාන්ත ශාලාවක් යාපනයේදී ධීවර අමාත්‍ය ඩග්ලස් දේවානන්දා මහතාගේ ප්‍රධානත්වයෙන් විවෘත කෙරිණි.

තවත් කෝවිඩ් ආසාදිතයින් 204ක් වාර්තා වෙයි.

මෙරට 21 වන කොවිඩ් ආසාදිත මරණය වාර්තා වෙයි. මෙලෙස මියගොස් ඇත්තේ මහර ප්‍රදේශයේ පදිංචි 40 හැවිරිදි පිරිමි පුද්ගලයෙක් වෙයි.

මධ්‍යම පළාත තුළින් මේ වන විට කොවිඩ් 19 ආසාදිතයන් 106 දෙනෙකු හඳුනාගෙන ඇති වන බවත් ඔවුන් සියලු දෙනා මේ වන විටත් නිරෝධායන මධ්‍යස්ථාන වලට යොමු කොට ඇති බවත් මධ්‍යම පළාත් සෞඛ්‍ය සේවා දෙපාර්තමේන්තුව කියයි .

හෙට සිට නැවැත දැනුම් දෙන තුරු ආගමන හා විගමන දෙපාර්තමේන්තුවේ බත්තරමුල්ල ප්‍රධාන කාර්යාලය වෙත ජනතාව පැමිණිම තාවකාලිකව අත්හිටුවා ඇත.

ශ්‍රී ලංකාවේ පොලිස් බල ප්‍රදේශ 118ක නිරෝධායන ඇඳිරි නීතිය ලබන 9 දා තෙක් ක්‍රියාත්මක බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.

රජය නිරෝධායන ඇඳිරිනීතිය ප්‍රකාශයට පත්කිරීමත් සමඟ එම ප්‍රදේශවල පවතින ශ්‍රී ලංකා ආයෝජන මණ්ඩලයට අයත් කර්මාන්ත ශාලාවන් හි නිෂ්පාදන කටයුතු අඛණ්ඩව පවත්වාගෙන යාම අපේක්ෂා කරයි. ආයෝජන කලාප වලින් බැහැරව ඇති ශ්‍රී ලංකා ආයෝජන මණ්ඩලය යටතේ ලියාපදිංචි කර්මාන්තශාලා ද මේ අනුවම ක්‍රියාත්ම වීම අපේක්ෂා‍ කෙරේ.

තවත් කෝවිඩ් ආසාදිතයින් 193ක් අද දිනය තුළ වාර්තා වෙයි.

කොළඹ අපරාධ කොට්ඨාසයේ නිලධාරිනියන් දෙදෙනෙක් ඇතුළු නිලධාරීන් 26 දෙනෙකුට කොරෝනා වෛරසය ආසාදිත වී ඇතැයි ජ්‍යෙෂ්ඨ පොලිස් නිලධාරියෙක් පැවැසීය

ජන ජීවිතයට පීඩාවක් සහ ආර්ථිකයට හානිකර බලපෑමක් නොවන පරිදි කොවිඩ් ව්‍යාප්තිය මර්දනය පිණිස ජනාධිපති ගෝඨාභය රාජපක්ෂ තීරණ රැසක් ගනී.

ඇඳිරිනීතිය පවතින කාලසීමාවේදී මෙවරත් අඩු ආදායම් පවුල් සඳහා රු.5000 දීමනාව ලබා දෙන බව රජය දන්වා සිටියි.

කොරෝනා වෛරසය හේතුවෙන් කළුතර දිස්ත්‍රික්කයේ පවුල් 2717 ස්වයං නිරෝධායනයට ලක්කර ඇතැයි කළුතර දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂක වෛද්‍ය උදය රත්නායක මහතා පැවසීය

තවත් කෝවිඩ් ආසාදිතයින් 506 දෙනෙක් සුවය ලබා පිටව ගොස් තිබේ.

පිළියන්දල පෞද්ගලික වෛද්‍ය මධ්‍යස්ථානයක් තාවකාලිකව වසා දමා එහි රැඳී සිටි වෛද්‍යවරයෙක්,හෙදියන් ඇතුළු කාර්ය මණ්ඩලයේ 14 දෙනෙක් ස්වයං නිරෝධායනයට ලක් කළ බව පිළියන්දල සෞඛ්‍ය වෛද්‍ය නිලධාරී කාර්යාලයේ කියයි .

මේ වන විට බස්නාහිර පළාතට පවතින නිරෝධාය​න ඇඳිරිනීතිය හෙට උදෑසන 5 සිට නෙවැම්බර් 9 වනදා උදෑසන 5 දක්වා දීර්ඝ කරන බවට යුධහමුදාපති ශවේන්ද්‍ර සිල්වා සඳහන් කර සිටියි.

ගාල්ල මාගාල්ලේ පිහිටි කොහු නිෂ්පාදන කර්මාන්තශාලාවක සේවකයන් 04 දෙනකුටද කොවිඩ් 19 ආසාදනය වී ඇති බව දකුණු පළාත් කොවිඩ් 19 මෙහෙයුම් මධ්‍යස්ථානය කියයි.

කොවිඩ් 19 ආසාදිතයින් සදහා ප්‍රතිකාර කිරීම පිණිස ගම්පහ සහ වතුපිටිවල යොවුන් සේනාංක මධ්‍යස්ථාන දෙකද යොදා ගැනීමට පියවර ගෙන ඇති බව ගම්පහ දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.