මත්ද්‍රව්‍ය වැටලීම් කරන පොලිස් නිලධාරීන් සටහන් යෙදීමේදී සිදුකරන දුර්වලතා හේතූවෙන් මහා පරිමාණ කුඩු ජාවාරම්කරුවන් නිදහස්ව යෑම කණගාටුදායක තත්ත්වයක් යැයි කුඩු ග්‍රෑම් 198 ක් ළඟ තබාගෙන සිටියදී මීට වසර 08 කට පෙර පොලිස් විශේෂ කාර්යය බළකායේ නිලධාරීන් විසින් කොළඹ පුරහල ප‍්‍රදේශයේදී අල්ලා ගන්නා ලද කුඩු ජාවාරම්කරුවකු නිදහස් කරමින් කොළඹ මහාධිකරණ විනිසුරු විකුම් කලුආරච්චි මහතා අද (15) පැවසීය.

හිටපු ජනාධිපති මෛත‍්‍රීපාල සිරිසේන මහතා ඇතුළු ප‍්‍රභූන් පිරිසක් ඝාතනය කිරීමට කුමන්ත‍්‍රණය කළැයි කියමින් රහස් පොලිසිය තමන් අත්අඩංගුවට ගැනීමෙන් සිය මූලික අයිතිවාසිකම් උල්ලංඝනය වී ඇතැයි පවසමින් ත‍්‍රස්ත විමර්ශන කොට්ඨාසයේ හිටපු අධ්‍යක්ෂක, නියෝජ්‍ය පොලිස්පති නාලක ද සිල්වා මහතා ශ්‍රේෂ්ඨාධිකරණයට ඉදිරිපත් කොට තිබු මූලික අයිතිවාසිකම් පෙත්සම අද (15) ඉල්ලා අස් කරගත්තේය.

ආබාධිත රණවිරුවන්ගේ විශ්‍රාම වැටුප් ගැටලුවලට විසදුම් ලබාදෙන යහපාලන රජයට බලකරමින් ආබාධිත රණවිරුවන්ට විශ්‍රාම වැටුප් ලබා දෙන්නැයි ඉල්ලා ජනාධිපති ලේකම් කාර්යාලය ඉදිරිපිට පැවැත්වූ උද්ඝෝෂණයකට පොලිසිය එල්ල කළ කඳුළු ගෑස් ප්‍රහාරය සිය ඇසකට හානීවී සදාකාලික අන්ධභාවයට පත් වීමට තමන්ට රු. කෝටියක වන්දියක් අය කර දෙන්නැයි ඉල්ලා ආබාධිත රණවිරුවකු විසින් ගොනු කොට ඇති මූලික අයිතිවාසිකම් පෙත්සමක් ලබන මැයි මස 4 සිට විභාග කිරීමට ශ්‍රේෂ්ඨාධිකරණය අද (15) තීරණය කළේය.

පිහිටීම ප්‍රයෝජනයට ගෙන ශ්‍රී ලංකාව ලොව ප්‍රධානතම නාවික කේන්ද්‍රස්ථානයක් බවට පත් කළ හැකි බව ජනාධිපති ගෝඨාභය රාජපක්ෂ මහතා කියා සිටී.

කැළි කසල ගැටළුවට විද්‍යාත්මක මෙන්ම පරිසර හිතකාමී විසඳුමක් වශයෙන් පුත්තලම අරුවක්කාළු සනීපාරක්ෂක කසල රඳවනයෙහි කටයුතු ජනාධිපතිගේ සහ අගමැතිගේ උපදෙසින් කඩිනම් කෙරේ.

රට ගොඩනැඟීමේ ජාතික ප්‍රතිපත්තිමය ක්‍රියාමාර්ග තුළ ජනාධිපතිතුමන් විසින් වෙන් වෙන්ව පැවති ආයතන රැසක් සාමූහික කොට රාජ්‍ය අමාත්‍යාංශ 4ක් සහිතව අධ්‍යාපන අමාත්‍යාංශයේ කාර්යභාරය වඩාත් පුළුල් කොට ඇත්තේ රටේ සංවර්ධනය වෙනුවෙන් අපට ඇති සහජ සම්පත වන මානව සම්පත වඩාත් ක්‍රමවත්ව ගොඩනැඟීමේ අරමුණින් බවත්, එහිදී රටේ ආගමික සංස්ථාවට විශාල වගකීමක් හා කාර්යභාරයක් පැවරෙන බවත් අධ්‍යාපන අමාත්‍ය මහාචාර්ය ජී එල් පීරිස් මහතා සඳහන් කළේය.

තවත් කෝවිඩ් -19 ආසාදිතයින් තිදෙනෙක් වාර්තා වීමත් සමග මෙරට කෝවිඩ් -19 ආසාදිතයින් ගණන 3266 දක්වා ඉහල ගොස් ඇත.

සාමාන්‍ය පෙළ සහ උසස් පෙළ අවසන් කොට ඇගළුම් ආශ්‍රිත අධ්‍යාපන ආයතනවලින් පාඨමාලා හදාරන සිසුන්ට දේශීය උපාධි ආයතන සමග එක්ව පිළිගැනීමක් ඇති උපාධියක් ලබාදීමට කටයුතු කරන ලෙස කර්මාන්ත අමාත්‍ය විමල් වීරවංශ අද (15) පැවති සාකච්ජාවක දී අදාළ නිලධාරීන්ට උපදෙස් ලබාදෙන ලදී.

පළාත් සභා අහෝසි කරන්නේ නම් පළාත් සභාවල ඇති බලය පළාත් පාලන ආයතනවලට ලබා දෙන බව ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා පසුගිය 11 දා පැවැති සාකච්ඡාවකදී සඳහන් කළ බවට වාර්තා වන තොරතුරු අසත්‍ය බව ශ්‍රී ලංකා පොදුජන පෙරමුණ සඳහන් කරයි.

මාතලේ දිස්ත්‍රික්කයේ ප්‍රජා ජල ව්‍යාපෘති මගින් ලබාදෙන ජලය සියයට 78ක ප්‍රමාණයක් අපිරිසිදු තත්ත්වයේ ඇති බව අද 15දා පැවති මාතලේ දිස්ත්‍රික් සම්බන්ධීකරණ කමිටුවේදි අනාවරණය විය.

පොලිස් මත්ද්‍රව්‍ය නාශක කාර්යාංශයේ නිලධාරින් සමඟ ඒක්ව හෙරෝයින් ජාවාරම් කිරිම සම්බන්ධයෙන් අත්අඩංගුවට ගෙන රඳවාගෙන ප්‍රශ්න කළ චමින්ද දයා මල්ලවආරච්චි හෙවත් ටයිල් චමින්ද ලබන 21 වනදා දක්වා රක්ෂිත බන්ධනාගාරගත කර තිබේ.

එක්සත් ජාතික පක්ෂය යනු රටට සේවයක් කළ පක්ෂයක් බවත් සියලු දෙනා එකතු කර ගනිමින් පක්ෂය ශක්තිමත් කිරීම බලාපොරොත්තුව බවත් එක්සත් ජාතික පක්ෂ නව නියෝජ්‍ය නායක රුවන් විජයවර්ධන මහතා පැවැසීය.

ශ්‍රී ලංකා පොදු ජන පෙරමුණේ ලග්ගල ප්‍රාදේශිය සභාවේ සභාපතිවරයා ඇතුලු පුද්ගලයින් අට දෙනෙකු ලග්ගල හත්තොටඅමුණ ලේල් ඔය ප්‍රදේශයේ මුදලට සුදු ක්‍රිඩාවේ යෙදි සිටිමින් සිටයදි අද (15දා) අලුයම 2.330ට පමණ අත්අඩංගුවට ගත් බව පොලිසිය කියයි.

තවත් කෝවිඩ් - 19 ආසාදිතයෙක් වාර්තා වීමත් සමග මෙරට කෝවිඩ් -19 ආසාදිතයින් ගණන 3263 දක්වා ඉහල ගොස් ඇත.

20 වෙනි ආණ්ඩුක්‍රම ව්‍යවස්ථා සංශෝධනය අධ්‍යයනය කිරීමට පත් කළ කමිටුව විසින් අදාළ වාර්තාව අද (15දා) අරලියගහ මන්දිරයේදී අග්‍රාමාත්‍ය මහින්ද රාජපක්ෂ මහතාට භාර දෙන ලදී.

කොරෝනා උවදුර නිසා සිය රැකියාව කර ගැනීමට නොහැකිව අසරණ තත්වයට පත් වී සිටින ධීවර ජනතාවට ස්වයං රැකියා කර ගැනීම සඳහා සහන පොලියට බැංකු ණය ලබා දීමට කටයුතු කළ හැකි බවත් එවැනි බැංකු ණය ලබා ගැනීමට කැමති අය සදහා විසඳුමක් ලබා දීමට රජය සමග සාකච්ඡා කර අවශ්‍ය කටයුතු කරන බවත් ධීවර අමාත්‍ය ඩග්ලස් දේවානන්දා මහතා ප්‍රකාශ කළේය.

දරුවන් 46 දෙනෙකු සමඟ සිරගතව සිටින මව්වරුන් පිළිබඳ වාර්තාව අග්‍රමාත්‍යතුමාට භාර දිම සිදුව තිබේ.

කාන්තාවන් ගෘහසේවිකාවන් ලෙස රැකියා සඳහා විදේශගත කිරීමට තමන් පෞද්ගලිකව විරුද්ධ බවත්, ඔවුන්ට ගෞරවාන්විත රැකියා ලබා දීම රජයේ අරමුණ බවත්, කම්කරු අමාත්‍ය නිමල් සිරිපාල ද සිල්වා ප්‍රකාශ කළේය. ඒ අනුව, ඉහළ වැටුප් සහිත රැකියා සඳහා කාන්තාවන් මෙන්ම පිරිමි ශ්‍රමිකයන් යොමු කිරීමට ජාතික වැඩපිළිවෙලක් සකස් කරන බවත් අමාත්‍යවරයා සඳහන් කළේය.

බංග්ලාදේශය හා ශ්‍රී ලංකාව අතර පැවැත්වීමට නියමිත ක්‍රිකට් තරගාවලිය සඳහා ශ්‍රී ලංකාවට පැමිණීමට නියමිත බංග්ලාදේශ ක්‍රිකට් කණ්ඩායම සෞඛ්‍ය නිර්දේශ අනුව දින 14ක කාලයක් ස්වයං නිරෝධානයට ලක්විය යුතු බව ශ්‍රී ලංකා ක්‍රිකට් ආයතනය බංග්ලාදේශයට දන්වා තිබේ.

දක්ෂිණ අධිවේගී මාර්ගය හරහා කාර්යාල ප්‍රවාහනය සදහා මාර්ග බලපත්‍ර ලබාගෙන සාමාන්‍ය මගීන් ප්‍රවාහනය කිරීමේ බස්රථ වැටලීමේ මෙහෙයුමකදී,, ගමනාන්ත පුවරු ප්‍රදර්ශනය කරමින් ධාවනය කළ බස්රථ තිස් දෙකක ගමනාන්ත පුවරු ඉවත් කොට, එක් බස් රථයක් සඳහා අධිකරණයේ නඩු පැවරීමට පියවර ගත් බව පළාත් මාර්ගස්ථ මගී ප්‍රවාහන අධිකාරියේ ප්‍රාදේශීය කළමනාකරු චානක ලංකානන්ද පැවසීය.

විදේශ රැකියා කර්මාන්තයේ සංවර්ධනය හා ආදායම් ඉහල නැංවීම සඳහා යෝජනා මාලාවක් සකස් කිරීමට කාර්යාංශයේ සභාපති විසින් පත් කල කමිටුවේ වාර්තාව, ශ්‍රී ලංකා විදේශ සේවා නියුක්ති කාර්යාංශයේ සභාපති කමල් රත්වත්තේ මහතා වෙත, එම කමිටුවේ සභාපති ප්‍රදීප් නියදඬුපොළ මහතා විසින් කාර්යාංශයේ දී භාර දෙන ලදී.

සබරගමුව ,මධ්‍යම සහ බස්නාහිර පළාත්වලත් ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසයි.

පෙරහුරු කාලසීමාවෙන් අනතුරුව මංතීරු නීතිය උල්ලංඝනය රියදුරන්ට රුපියල් 2000ක දඬයක් අයකරන බව පොලීසිය සඳහන් කරයි.

හැටන් මහේස්ත්‍රාත් අධිකරණයෙන් නිකුත් කර තිබු නොතෙසි අනුව ශ්‍රී ලංකා යුධ හමුවේ 58 වෙනි බලසේනාවේ සේනාංකාධිපති මේජර් ජෙනරාල් ප්‍රියංකර ප්‍රනාන්දු මහතා ඇතුළු එම බලසේනාවේ යුධ හමුදා නිලධාරින් රැසක් අද (15දා) දින හැටන් මහෙස්ත්‍රාත් අධිකරණය හමුවේ පෙනි සිටිහ.

රට ඉදිරියටත් කොවිඩ් වෛරසයක් ආරක්ෂා කර ගනිමින් පවත්වාගෙන යාමටත්, ජනතාවට වෛරසයෙන් ආරක්ෂාවීම පිළිබද දැනුම සහ උපදෙස් ලබාදීමටත් ’’නව ජීවන රටාවක් උදෙසා’’ (Towards a New Normal) යන තේමාව යටතේ සෞඛ්‍ය අමාත්‍යාංශය විසින් ක්‍රියාත්මක කරනු ලබන ප්‍රචාරත්මක වැඩසටහන ඊයේ දින (14) සෞඛ්‍ය අමාත්‍යාංශයේ ශ්‍රවණාගාරයේ දී සෞඛ්‍ය අමාත්‍ය පවිත්‍රා වන්නිආරච්චිගේ ප්‍රධානත්වයෙන් නිල වශයෙන් දියත් කරන ලදි.

එල්.ටී.ටී.ඊ.සංවිධානයේ හිටපු නායකයෙකු වූ ත්‍යාගදීපන් දිලීපන් නැමැත්තාගේ 33 වන ගුණ සැමරුම වෙනුවෙන් සැමරුමක් සිදු කිරීමට උත්සාහ ගත් උතුරු පළාත් සභාවේ හිටපු මන්ත්‍රීවරයෙකු වූ එම්.කේ.සිවාජිලිංගම් මහතා අද (15) උදෑසන කෝපායි පොලීසිය විසින් පොලිස් භාරයට ගෙන ඇත.

නීතිවිරෝධී ලෙස උපයා ගත් මුදල්, රථවාහන, ඉඩම්, නිවාස, ගොඩනැගිලි, යනාදියට අදාළ පුද්ගලයන් අත්අඩංගුවට ගෙන රිමාන්ඩ් බන්ධනාගාර ගත කිරීමෙන් පසුවද නඩු විභාගය අවසන් කර දේපල රාජ සන්තක කරන තෙක් ඒවා ඔවුන් විසින්ම භුක්ති විදීම හා ඒවායෙන් මුදල් ඉපයීමත්, එම මුදල් හා දේපල තවරදුටත් නීතිවිරෝධී අරමුණු සඳහා යෙදවීම වැළැක්වීම සඳහාත් ගත යුතු ඉදිරි පියවර සම්බන්ධව සාකච්ඡා කිරීම මෙම සාකච්ඡාවේ මූලික අරමුණ විය.

මධ්‍යම අධිවේගයේ පළමු අදියර ලෙසින් මෙම කොටස ක්‍රියාත්මක වෙයි. චීන එක්සිම් බැංකුවේ ඩොලර් මිලියන 989ක සහන ණයක් යටතේ මෙම ඉදිකිරීම් ආරම්භ කර තිබේ.

හිටපු අමාත්‍යවරුන් වන ලක්ෂ්මන් කිරිඇල්ල සහ රිෂාඩ් බදියුදින් ප්‍රකාශ ලබාදිම සඳහා පාස්කු ප්‍රහාරය සම්බන්ධයෙන් විමර්ශනය කෙරෙන ජනාධිපති කොමිසමේ පොලිස් ඒකකයට අද පැමිණ තිබේ.