සපුගස්කන්ද පොලිසියේ පොලිස් කොස්තාපල්වරයෙකු රුපියල් 40 කට ආසන්න හොරෙයින් මත්කුඩු සමග අද (23දා) වැලිසර ළය රෝහලේ ප්‍රධාන දොරටුව ඉදිරිපිටදී අත්අඩංගුවට ගත් බව පොලිස් විශේෂ කාර්ය බලකා බුද්ධි කොට්ඨාස කියයි.

එක්සත් ජාතීන්ගේ මානව හිමිකම් කොමිෂමට ශ්‍රී ලංකාව සම්බන්ධයෙන් ඉදිරිපත් කළ යෝජනාවට පක්ෂව ඡන්ද 22ක් ලැබී තිබේ. එයට විරුද්ධව ඡන්ද 11ක් ලැබී ඇති අතර රටවල් 14ක් ඡන්දය දීමෙන් වැළකී සිටියේය.

අද (23) දිනය තුළ කොවිඩ් -19 ආසාදිතව සිටි පුද්ගලයින් 248 දෙනෙක් සුවය ලබා ඇතැයි සෞඛ්‍ය අංශ පවසයි.

ව්‍යාජ තොරතුරු ඇතුළත් කර , කූඨ ලෙස සකස් කළ ඉතාලි නේවාසික වීසා බලපත්‍රයක් උපයෝගී කරගෙන එක්සත් අරාබි එමීර් රාජ්‍යයේ ඩුබායි ඔස්සේ ඉතාලිය වෙත පැන යාමට උත්සාහ කළ ශ්‍රී ලාංකික තරුණයකු අද දින අලුයම කටුනායක ගුවන්තොටුපල ආගමන විගමන දෙපාර්තමේන්තු දේශසීමා ආවේක්ෂණ ඒකකයේ නිලධාරීන් පිරිසක් විසින් අත්අඩංගුවට ගෙන තිබේ.

දියගම තාක්ෂණික විශ්වවිද්‍යාලයේ සිසුවෙකුට දියගම රාජ්‍ය බැංකුවක ඒ ටි එම් යන්ත්‍රයක් ඉදිරිපිට දී පහරදුන් බව කියන පුද්ගලයන් තිදෙනෙක් සි සි ටි වි දර්ශන ඔස්සේ හඳුනාගෙන අද 23 අත්අඩංගුවට ගත් බව කහතුඩුව පොලිසිය කියයි .

කොළඹ හා මහනුවර නගර බල සීමා හැරුණු කොට අප රටේ සෙසු ප්‍රදේශ සියල්ලම වායු දූෂණයෙන් අවම මට්ටමක පවතී. එහෙත් කොළඹ හා මහනුවර නගර ආශ්‍රිතව පවතින වායු දූෂණ මට්ටම ලෝක සෞඛ්‍ය සංවිධානය විසින් කර ඇති නිර්දේශිත මට්ටම පවා ඉක්මවා ගොස් ඇති බවට හෙළි වී ඇතැයි පරිසර අමාත්‍ය මහින්ද අමරවීර මහතා පැවසීය.

පාස්කු කොමිෂන් සභා වාර්තා අධ්‍යනය සඳහා පත්කළ කමිටු වාර්තාව ඉදිරි සති දෙක ඇතුළත භාර දීමට අපේක්ෂා කරන බව සංචාරක අමාත්‍ය ප්‍රසන්න රණතුංග මහතා පවසයි.

අපනයන සීමා කර ඇති , මෝර වරල් තොගයක් බලපත්‍ර නොමැතිව හොංකොං වෙත නීතිවිරෝධී ලෙස අපනයනය සදහා කොළඹ වරායේ රේගු අපනයන පහසුකම් සැලසීමේ මධ්‍යස්ථානය වෙත ගෙනැවිත් තිබියදී ශ්‍රී ලංකා රේගුවේ ජෛව විවිධත්ව , සංස්කෘතික සහ ජාතික උරුමයන් ආරක්ෂා කිරීමේ ඒකකයේ නිලධාරීන් පිරිසක් විසින් ඊයේ දින රාත්‍රී අත් අඩංගුවට ගෙන ඇති බව රේගු අධ්‍යක්ෂ ජනරාල් , විශ්‍රාමික මේජර් ජනරාල් විජිත රවිප්‍රිය මහතා පැවසීය .

විපක්ෂය සංවිධානාත්මකව වන විනාශයක් ගැන කියමින් රජයට චෝදනා කොට රටේ ජනමතය වෙනස් කිරීමට උත්සාහ කරන බවත් එමගින් ආණ්ඩුවට එරෙහිව ජනමතයක් නිර්මාණය කිරීම ඔවුන්ගේ උපක්‍රමය වී ඇති බවත් අමාත්‍ය ප්‍රසන්න රණතුංග මහතා පැවසීය.

යාපනය නල්ලූර් කෝවිල අසළ පවත්වාගෙන ගිය සත්‍යග්‍රහ මණ්ඩපයක් යාපනය මහනගර සභාව විසින් ඉවත් කිරීමේ නියෝගයක් ප්‍රකාශයට පත්කිරීමත් සමග සත්‍යග්‍රහයේ නිරත වූවන් හා මහනගරසභා නියෝජිතයින් අතර ඇති වූ උණුසුම් තත්වයක් පොලීසියේ මැදහත් වීමෙන් පාලනය කරන ලදි.

කොවිඩ් දෙවන රැල්ලේ අද (23) උදෑසන වනවිට ගම්පහ දිස්ත්‍රික්කයෙන් ආසාදිතයින් 17,757 දෙනෙකු හමුව ඇති බවත් සපුගස්කන්ද තෙල් පිරිපහදුවෙන් ආසාදිතයින් 521 දෙනෙකු වන බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

වැසි සමය පටන් අරන් කඩින්කඩ ඇදහැළෙන මහ වැස්සත් සමග නැවතත් තැන් තැන්වල වතුර එකතු වෙයි. වැහිපිහිලි, ඉවතලන යෝගට් කෝප්ප, හිස් ටින්, පොල්කටු, ඉටිකොළ, පරණ ටයර් වැනි බඳුන්වල එකතු වෙන වතුරේ ඩෙංගු මදුරුවන් බිත්තර දමයි. ආයෙමත් මදුරු ගහණය වැඩි වී ඩෙංගු රෝගය හිස ඔසවයි.

කොළඹ පිටත වටරවුම් අධිවේගී මාර්ගයේ කිලෝ කොට්ටාව සහ අතුරුගිරිය අතර දී වෑන් රථයක් ඊයේ ( 22දා) රාත්‍රී ගිනි ගෙන විනාශ වූ බව අධිවේගී රථවාහන පොලිසිය කියයි.

කොළඹ හදිසි ඇමතුම් අංශයේ නිලධාරීන් පාර්ලිමේන්තු මාර්ගයේ වාහන පරීක්ෂා කරමින් සිටින විට බත්තරමුල්ල සිට බොරැල්ල දෙසට ධාවනය වූ වෑන් රථයක් එම නිලධාරීන් යටකර ගමන් කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

බද්දේගම තිඹිල්ල රක්ෂිතය එළි පෙහෙළි කිරීම හා දැව කපා දැමීම සම්බන්ධයෙන් බද්දේගම ප්‍රා දේශීය සභාවේ මන්ත්‍රීවරයෙක් අත්අඩංගුවට ගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

ඉතාලියේදි තවත් ශ්‍රී ලාංකික කාන්තාවක් කොවිඩ් 19 උත්සන්න වී ඊයේ (22දා) මියගොස් තිබේ.

මගී ගුවන් යානා 21 ක මෙහෙයුම් කටයුතු සිදු කරමින් , ගුවන් මගීන් 1,260 දෙනෙකුට ගුවන් ගමන් පහසුකම් සළසා දීමට කටුනායක ගුවන් තොටුපළ අද දින උදෑසන 8.30 න් අවසන් පැය 24 ක කාලය තුළ පියවර ගෙන තිබූ බව ගුවන් තොටුපළ කාර්යය භාර නිලධාරීවරයා පැවසීය .

බදුල්ල, බණ්ඩාරවෙල, ඇල්ල ඇතුළු ප්‍රදේශවල මාර්ග ඉතා පටු සහ ප්‍රපාත සහිතව පැවතීමෙන් මාර්ග අනතුරු සිදුවීම බහුලව දක්නට ලැබේ. පසුගියදා මිනිස් ජීවිත 14ක් බිලිගමින් තවත් පිරිසකට තුවාල සිදුකරමින් පස්සර සිදුවූ බස් අනතුර මෑත කාලයේදී සිදුවුණු භයානක අනතුරක් ලෙස සැලකිය හැකිය. එවැනි අනතුරුවලදී උපකාර කිරීමට ස්වේච්ඡාවෙන් ඉදිරිපත් වන කණ්ඩායමක් අපට හමුවිය.

තම රුසියානු සගයා ඝාතකයෙකු බව එක්සත් ජනපද ජනාධිපති ජෝ බයිඩන් සම්මුඛ සාකච්ඡාවකට එක්ව පැවසීමෙන් පසුව පසුගිය බ්‍රහස්පතින්දා රුසියානු ජනපති ව්ලැඩිමීර් පූටින් බයිඩන්ට සජීව මාර්ගගත සාකච්ඡාවකට ආරාධනා කළේ අභියෝගයක් ලෙසිනි.

ගිනිකොනදිග ඕස්ට්‍රේලියාවේ ඇති වූ දැඩි ගංවතුර හේතුවෙන් ඇතැම් සත්ත්ව ප්‍රජාවන් ඉහළ භූමි කරා ඇදී යාමත් සමග, මිනිසුන් ඉවත්වී සිටින නිවාස හා ඉඩම් වෙත විශාල වශයෙන් මකුළුවන් සහ සර්පයන් පැමිණෙමින් ඇති බව එරට මාධ්‍ය වාර්තා කරයි.

එමෙන්ම ලොව ඉහළම ජනගහනයක් සිටින රට ලෙස එන්නත්කරණය වේගවත් කිරීම හරහා 2022 මුල් භාගය වනවිට චීනයට කොවිඩ්-19 වෛරස වසංගතයට එරෙහිව ප්‍රජා ප්‍රතිශක්තිය ලබාගත හැකි බව චීන සෞඛ්‍ය විශේෂඥයන් විශ්වාසය පළ කරයි.

මේ අතර චීනයේ සීනොවැක් බයෝටෙක් විසින් නිපදවන ලද කොවිඩ්-19 මර්දන එන්නතෙහි පළමු මාත්‍රාව බ්‍රසීලයේ හිටපු ජනාධිපති දිල්මා රූසෙෆ් ඊයේ (22දා) ලබාගෙන තිබේ.

පාර්ලිමේන්තුව අද පෙරවරුවේ රැස්වීමට නියමිත අතර අද සිට ලබන 26 වනදා දක්වා දින 04 ක් සභා රැස්වීම පැවැත්වෙන බවයි පාර්ලිමේන්තුවේ සන්නිවේදන දෙපාර්තමේන්තුව නිවේදනය කළේ.

සබරගමුව, බස්නාහිර සහ වයඹ පළාත්වලත් මහනුවර, ගාල්ල සහ මාතර දිස්ත්‍රික්කවලත් සවස් කාලයේ දී රාත්‍රී කාලයේ දී වැසි හෝ ගිඟුරුම් සහිත වැසි ඇති වේ.

ඇස්ට්‍රාසෙනෙකා හි කොවිඩ්-19 මර්දන එන්නත මගින් රෝග ලක්ෂණවලට එරෙහිව 79%ක කාර්යක්ෂමතාවයක් සහ දරුණු රෝග හා රෝහල් ගතවීම්වලට එරෙහිව 100%ක කාර්යක්ෂමතාවයක් පෙන්නුම් කරන බව එක්සත් ජනපදය පදනම් කරගත් මෙම නව සායනික පරීක්ෂණය පෙන්වා දී තිබේ.

එන්නත තුන්වැනි අදියර පරීක්ෂණයට භාජනය කිරීමෙන් පසුව හංගේරියානු ජාතික ඖෂධ හා පෝෂණ ආයතනය ගත් තීරණයකට අනුව කැන්සිනෝ එන්නත මෙසේ අනුමත කෙරී ඇත. මේ වනවිටත් චීනය, පාකිස්තානය සහ මෙක්සිකෝව යන රටවලදී මෙම එන්නත් මාත්‍රා ලබාදීම ආරම්භ කර තිබේ.

බෝල්ඩර් පොලිස් දෙපාර්තමේන්තුවේ අණදෙන නිලධාරී කෙරී යමගුචි පැවසුවේ එක් සැකකරුවෙකු අත්අඩංගුවේ පසුවන නමුත් ඔහු එකම වෙඩික්කරුවා දැයි තවමත් විමර්ශනය කරමින් සිටින බවයි. බලධාරීන් පවසන්නේ සැකකරුටද වෙඩි වැදී ඇති නිසා ඔහු තුවාල සඳහා ප්‍රතිකාර ලබන බවයි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 123,622,000ක් පසුකර ඇති අතර, එන්නත්කරණය සමගම පෙර සිටම සිදුකළ මහජන සෞඛ්‍ය ක්‍රියාමාර්ගවල වැදගත්කම වසංගත රෝග විශේෂඥයන් අවධාරණය කෙරෙයි.

ඔස්ටේ‍්‍රලියානු ජාතිකයෙකුගේ අත්සන ව්‍යාජ ලෙස යොදා සකස් කළ බව කියන ඇටොර්නි බලපත‍්‍රයක් මඟින් මීට වසර 19කට පෙර ඔහුට අයත් සමාගමක කොටස් විකූණා රුපියල් මිලියන 21ක මුදලක් වංචා කිරීමට චෝදනා ලැබ සිටින පිවිතුරු හෙළ උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතාට එරෙහිව පවරා ඇති නඩුව අපේ‍්‍රල් 30 වැනිදා කැදවන ලෙස කොළඹ මහාධිකරණ විනිසුරු නාමල් බළල්ලේ මහතා අද (22) නියම කළේය.