අද තරගය නතර කරන විට බංග්ලාදේශ​ට සිය දෙවන ඉනිම වෙනුවෙන් කඩුලු 5 ක් දැවී රැස් කරගෙන සිටි ලකුණු සංඛ්‍යාව 177කි. තරඟය ජයග්‍රහණය සඳහා බංග්ලාදේශය තවත් ලකුණු 260ක් පසු පසින් සිටියි.

අද (02) දිනය තුළ කොවිඩ් ආසාදිතව සිටි 764ක් සුවය ලබා ප්‍රතිකාර මධ්‍යස්ථානවලින් පිටව ගොස් ඇතැයි සෞඛ්‍ය අමාත්‍යාංශය සඳහන් කරයි.

බොරැල්ල ආයුර්වේද රෝහල, යක්කල ආයුර්වේද රෝහල හා නාවින්න ආයුර්වේද රෝහල මේ වෙනුවෙන් යොදා ගැනීමට නියමිත බව ඇය පැවැසුවාය.

මහනුවර දිස්ත්‍රික්කයේ නව ආසාදිතයින් 91ක් වාර්තාවිමත් සමග සමස්ත කොවිඩ් 19 ආසාදිතයින් සංඛ්‍යාව අද (02) පෙරවරු 10.00 වන විට 5945 ක් දක්වා ඉහළ ගොස් ඇති බව මහනුවර දිස්ත්‍රික් ප්‍රාදේශිය සෞඛ්‍ය සේවා අධ්‍යක්ෂ කාර්යාලය පවසයි.

හිගුරක්ගොඩ ප්‍රාදේශීය සභා බල ප්‍රදේශයේ සියලු සති පොළ සති දෙකකට වසා දැමීමට තීරණය කළ බව හිගුරක්ගොඩ ප්‍රාදේශීය සභාවේ සභාපති ආර් ඩී උඩවත්ත මහතා ප්‍රකාශ කළේය.

එහි ආසන්නතම සිදුවීමක් ලෙස පසුගිය මාසය අවසාන භාගයේදී ඉන්දීය රජයේ ඉල්ලීමක් පරිදි කොවිඩ්-19 පිළිබඳ ට්විටර් පණිවුඩ කිහිපයක් ඉවත් කිරීමට ට්විටර් සමාගම කටයුතු කළේය.

කෝවිඩ් 19 හමුවේ ආණ්ඩුව අභ්‍යන්තරයේ තිබෙන පුද්ගලික අරමුණු පසෙකලා රටේ ජනතාව ජීවත් කරන අරගලයට අවධානය යොමු කරන ලෙස ආණ්ඩුවෙන් ඉල්ලීම කරන බව සමගි ජන බලවේගයේ නායක විපක්ෂනායක සජිත් ප්‍රේමදාස මහතා පැවසීය.

පුද්ගලයින් ලියාපදිංචි කිරීමේ දෙපාර්තමේන්තුවේ ප්‍රධාන ශාඛාව ඇතුළු සෙසු සියලු කාර්යාල නැවත දැනුම්දෙන තුරු වසා දමා තිබේ.

ශ්‍රී ලංකා - බංග්ලාදේශ දෙවැනි හා අවසන් ටෙස්ට් ක්‍රිකට් තරගයේ දෙවැනි ඉනිම ක්‍රීඩා කරමින් සිටි ශ්‍රී ලංකා කණ්ඩායම කඩුලු 9ක් දැවී ලකුණු 194ක් ලබා සිටින විට ඉනිම අත්හිටු විය. ​ඒ අනුව බංග්ලාදේශ කණ්ඩායමට ලකුණු 437ක ඉලක්කයක් හිමි වී ති​බේ.

මන්නාරම මුරුන්ගන් ප්‍රදේශයේ පිහිටි දේවස්ථාන දෙකක් නිරෝධායන නීති උල්ලංඝනය කරමින් ජනතාව රැස්කොට දේව මෙහෙයන් පැවත්වීම හේතුවෙන් අදාල දේවස්ථාන දින 14 කට හුදකලා කිරීමට සෞඛ්‍ය නිලධාරීන් විසින් පියවර ගෙන ඇත.

පොලොන්නරුව,අරලගංවිල,කන්දේගම පිහිටි සිවිල් ආරක්‍ෂක බළකා අනුඛණ්ඩයට අනුයුක්තව රාජකාරී කරමින් සිටි සිවිල් ආරක්‍ෂක භටයකු අද (02දා) සිහි සුන්ව බිම ඇඳ වැටී මියගොස් ඇතැයි අරලගංවිල පොලීසිය කියයි.

ශ්‍රී ලංකා ප්‍රමිති ආයතනයේ සභාපති ලෙස කටයුතු කළ නුෂාඩ් පෙරේරා මහතා එම ධුරයෙන් ඉල්ලා අස්වී තිබේ. නැවතවරක් පෞද්ගලික අංශයට එක්වීමේ අපේක්ෂාවෙන් ඔහු මෙසේ සිය ධුරයෙන් ඉල්ලා අස්වී තිබේ.

තෙල්දෙනිය පොලිස් වසමේ කුඹුක්කදුර ප්‍රදේශයේ සැකකටයුතු වාහනයක් නවතා තිබෙන බවට ලද තොරතුරකට අනුව එම වාහනය පරික්ෂා කිරීමට ගිය අවස්ථාවේදී පොලිස් කැබ් රථයකට පෙට්‍රල් බෝම්බ ප්‍රහාරයක් එල්ල කළ බව කියන සිද්ධියක් සම්බන්ධයෙන් සැකකරුවන් අත්අඩංගුවට ගැනීමට ගිය අවස්ථාවේදී පොලිසියෙන් මිදී පලා යාමට තැත් කළ පුද්ගලයකුට පොලීසිය විසින් සිදුකළ වෙඩි තැබීමක දි ඔහුගේ පාදයට වෙඩි වැදී තෙල්දෙණිය මූලික රෝහලට ඇතුළත් කළ බව පොලීසිය කියයි .

හිගුරක්ගොඩ මුලික රෝහල කොව්ඩ් ප්‍රතිකාර මධ්‍යස්ථානයක් බවට පත්කර එහි දැනට සමාන්‍ය රෝගින් නේවාසිකව ප්‍රතිකාර ලබන සියලු දෙනා පොලොන්නරුව මහ රෝහල වෙත යොමු කර අද (02) දින සිට කොවිඩ් ආසාදිත රෝගීන්ට ප්‍රතිකාර කිරීම සඳහා සූදානම් කර ඇති බව පොලොන්නරුව ප්‍රාදේශිය සෞඛ්‍ය සේවා අධ්‍යක්‍ෂක විශේඥ වෛද්‍ය ඩබ්.කේ.ඩබ්. එස්. කුමාරවංශ මහතා පවසයි.

නුවරඑළිය පොලිසියේ කාන්තා උපපොලිස් පරික්ෂකවරියකට සහ රථ වාහන අංශයේ පොලිස් නිලධාරින් සිව් දෙනෙකුට කොවිඩ් 19 වෛරසය අසාදනය වි ඇති බවට තහවුරු වි ඇති බව නුවරඑලිය පොලිසියේ උසස් නිලධාරියෙකු පැවසිය.

කෘෂිකර්ම අමාත්‍ය මහින්දානන්ද අලුත්ගමගේ මහතා හා ඔහුගේ පවුලේ උදවිය ස්වයං නිරෝධානයට ලක්ව තිබේ. ඒ අමාත්‍යවරයාගේ ආරක්ෂක නිලධාරියෙක් හා ඔහුගේ රියදුන් දෙදෙනෙකුට කොවිඩ් ආසාදනය වී ඇති බවට තහවුරු වීම හේතුවෙනි. අමාත්‍යවරයාගේ පළමු පී.සී.ආර්. පරීක්ෂණය සෘණාත්මක වී තිබේ.

රුපියල් මිලියන 86ක මූල්‍ය වංචාවකට අදාළව සැකකරුවෙක් කටුනායක ගුවන් තොටුපොලේදී අත්අඩංගුවට ගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවැසීය.

දන්කොටුව සෞඛ්‍ය වෛද්‍ය නිළදාරි කාර්යාලයට අනුයුක්තව රාජකා‍රියේ යෙදි සිටි මහජන සෞඛ්‍ය පරික්ෂකවරුන් දෙදෙනකු කොරෝනා අසාදිත විමෙන් පසු ඊයේ (01දා) රෝහල් ගත කර ආශ්‍රිතයින් සියක් පමණ නිරෝධානයට යොමු කළ බව දන්කොටුව සෞඛ්‍ය වෛද්‍ය නිලධාරී කාර්යාලයේ ප්‍රකාශකයෙක් පැවසිය.

මෙරටට පැමිණෙන මගී ගුවන් යානයකින් දිවයිනට රැගෙන ඒමට හැකි මගීන් සංඛ්‍යාව 75කට සීමා කර තිබෙන බව ⁣ගුවන් තොටුපොළ හා ගුවන් සේවා සමාගමේ මෙහෙයුම් අධ්‍යක්ෂවරයා සඳහන් කරයි. මෙම සීමා කිරිම හෙට සිට දින 14 ක කාලයක් සඳහා වලංගු වන බව ඔහු සඳහන් කර සිටියේය.

හුස්ම ගැනීමේ අපහසුතාවයක් නිසා හදිසියේ නිවසේ දී මියගිය යක්කලමුල්ල පොල්පාගොඩ ප්‍රදේශයේ එක් දරුපියෙකුට සිදුකළ පී.සී.ආර්. පරික්ෂණයේ දී කොවිඩ් වෛරසය ආසාදනය වී ඇති බවට තහවුරුවී ඇති බව කරාපිටිය ශික්ෂණ රෝහලේ සහකාර අධිකරණ වෛද්‍ය නිලධාරි සමාධි දන්දෙනියආරච්චි මහත්මිය සඳහන් කළාය.

ගාල්ල කරාපිටිය ශික්ෂණ රෝහලේ කොවිඩ් රෝගින් වෙනුවෙන් වෙන් කරණු ලැබු 36 වාට්වුව ඊයේ (01) රාත්‍රිය වන විට කොවිඩ් රෝගින්ගෙන් පිරියාම නිසා රෝහලේ තවත් වාට්ටු දෙකක් කොවිඩ් රෝගින් වෙනුවෙන් වෙන් කිරිමට කටයුතු කළ බැව් කරාපිටිය ශික්ෂණ රෝහලේ වැඩබලන අධ්‍යක්ෂක විශේෂඥ වෛද්‍ය කේ.එච්.ජි.ජිවරත්න මහතා පවසයි.

විවිධ පවුල්වල හා විවිධ ප්‍රදේශවල අය එකම වාහනයක ගමන් කරනවානම් මුහුණු ආවරණ පැළදිය යුතු බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවැසීය.

ඉන්දියාව දේශපාලන රැලි සහ ආගමික උත්සව වැනි සුපිරි ව්‍යාප්ත සිදුවීම් සමග වෛරසයේ දරුණු නව විකෘතිතාවන් එකතු වී ඇති හෙයින්, සමස්ත මරණ සංඛ්‍යාව 200,000ක් ඉක්මවා, සමස්ත ආසාදිතයන් මිලියන 20කට ආසන්න වෙමින් ඇත්තේ, පසුගිය පෙබරවාරි සිට පමණක් එය මිලියන 9කට ආසන්න වැඩිවීමක් පෙන්වමිනි.

ශ්‍රී ලංකා සංචාරක සංවර්ධන අධිකාරියේ ලියාපදිංචි වී ඇති හෝටල්වලින් ලබා ගන්නා සේවා සඳහා ගෙවීම් කිරීමේදී විදේශ ව්‍යවහාර මුදල් වලින් ගෙවීම් කිරීමේ අවස්ථාව උදාවී තිබේ.

අද (02) උදෑසන 06න් අවසන් වු පැය 24 තුළ නිරෝධායන නීති උල්ලංඝනය කළ පුද්ගලයන් 187 දෙනෙකු අත්අඩංගුවට ගෙන තිබේ.

ගාල්ල උණවටුණ ප්‍රදේශයේ පිහිටි සුපිරි හෝටලයක සේවක සේවිකාවන් 22 දෙනෙකුට කොරෝනා වෛරසය ආසාදනය වී ඇති බවට තහවුරුවිම නිසා එම හෝටලය දින 14ක කාලයකට වසා දැමිමට උපදෙස් දුන්බව හබරාදුව සෞඛ්‍ය වෛද්‍ය නිලධාරි වෛද්‍ය ප්‍රමෝද සිරිවර්ධන මහතා පවසයි.

බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී 100 ඉක්මවු වැසි ඇති විය හැකිය.

මෙවැනි පසුබිමක සමහර බටහිර රටවල් ඉදිරි සති කිහිපය තුළ වඩාත් සාමාන්‍ය ජීවිතයකට නැවත පැමිණීමට අපේක්ෂා කළත්, වෛරසයේ ලෝක ව්‍යාප්ත චිත්‍රය දැන් දරුණු තත්ත්වයක පවතී. ගෝලීය කොවිඩ්-19 ආසාදිතයන් සංඛ්‍යාව අඛණ්ඩව නවවැනි සතිය දක්වා ඉහළ ගොස් ඇති අත,ර මරණ සංඛ්‍යාව හයවැනි සතිය දක්වා ඉහළ ගොස් ඇත.

වහාම ක්‍රියාත්මක වන පරිදි තවත් ප්‍රදේශ කිහිපයක් හුදකලා කිරීමට පියවර ගෙන ඇත. ඒ අනුව කොළඹ දිස්ත්‍රික්කයේ පිළියන්දල පොලිස් බලප්‍රදේශය ,ත්‍රිකුණාමලය දිස්ත්‍රික්කයේ ඕර්ස් හිල් සහ අන්පුවාලිපුරම් ග්‍රාම සේවා වසම් 02ක හුදකලා ප්‍රදේශ ලෙස නම් කර තිබේ.