ඔස්ට්‍රේලියානු සෞඛ්‍ය නිලධාරීන් පවසා ඇත්තේ සිඩ්නි සහ මෙල්බර්න් නගරවල අගුලු දැමීම ඉවත් කිරීමට පෙර මහජනතාව අතර ගැවසෙන ආසාදිත පුද්ගලයන්ගේ සංඛ්‍යාව ශුන්‍යයට ආසන්න විය යුතු බවයි.

කොරෝනා ව්‍යාප්තිය සැලකිල්ලට ගනිමින් ප්‍රධාන තැපැල් කාර්යාල හා උපතැපැල් කාර්යාලවල සේවා දින හතරකට සීමා කර තිබේ. එම තැපැල් කාර්යාල ක්‍රියාත්මක වන්නේ සඳුදා, අඟහරුවාදා, බ්‍රහස්පතින්දා සහ සෙනසුරාදා දිනවල පමණයි.

කොරෝනා මර්දන සියලු එන්නත් එක සමාන වැදගත්කමකින් යුතු අතර සිදුකළ යුත්තේ කිසියම් හෝ එන්නතක් ලබා ගැනීම බව සෞඛ්‍ය අංශ පෙන්වා දෙනවා.

ළමයින් සහ වැඩිහිටියන් හැර එන්නත් ලබාගත් පුද්ගලයන් සඳහා පමණක් 25%ක ධාරිතාවකින් වෙළඳසැල් නැවත විවෘත කරන අතර, එසේ වෙළෙඳ සැල්වලට ඇතුළු වීමේදී ඩිජිටල් යෙදුමක් භාවිතයෙන් මිනිසුන් තම එන්නත් කිරීමේ සාක්ෂි පෙන්විය යුතුය.

විසල් මාතලේ ජල ව්‍යාපෘතියේ නල මාර්ග ඉදිකිරීමේ දී සිදුවන අවහිරතා හේතුවෙන් හෙට උදෑසන අටේ සිට බදාදා පෙරවරු අට දක්වා පැය 24 කා කාලයක් ප්‍රදේශ කිහිපයකට ජල සැපයුම අත්හිටුවනවා.

ජනාධිපති ගෝඨාභය රාජපක්ෂ මහතාගේ සෞභාග්‍යයේ දැක්ම ජාතික වැඩසටහනට අනුව යමින් පුනර්ජනනීය බලශක්තිය ඉහළ නැංවීම සදහා සූර්ය පැනල සවි කිරීමේ වැඩසටහන පුළුල් කරන බව රාජ්‍ය අමාත්‍ය දුමින්ද දිසානායක මහතා පවසයි.

ඩෙල්ටා වෛරසය ප්‍රචාරය වන වේගයට වඩා සියයට 100 ක වේගයකින් සමාජය තුළ පැතිර යන බව රාජ්‍ය ඖෂධ නීතිගත සංස්ථාවේ සභාපති, විශේෂඥ වෛද්‍ය ප්‍රසන්න ගුණසේන පවසා සිටියි.

සිය බිරිද සහ මාස හයක් වයසැති දියණිය ඝාතනය කර මල සිරුරු දෙක පුළුස්සා වසර හයක කාලයක් සැගවී සිටි පුද්ගලයෙකු අත්අඩංගුවට ගැනීමට පොලිසිය සමත් වුණා.

හිටපු අමාත්‍ය රිෂාඩ් බදියුදීන්ගේ බිරිඳ ඇතුළු සිවුදෙනෙකු ඉදිරිපත් කළ ඇප ඉල්ලුම්පත කොළඹ මහෙස්ත්‍රාත් අධිකරණය විසින් ප්‍රතික්ෂේප කර තිබේ.

යාපනය තීවගම් මාර්ගයේ පන්නෙයි පාලම මතදී සෙල්ෆි ඡායාරූපයක් ගැනීමට උත්සහ ගත් තරුණයෙකු ඊයේ (08) සවස එම පාලමින් වැටී මුහුදු ජලයට ගසාගෙන ගොස් දියේ ගිලීමෙන් පසු මළ සිරුර අද (09) උදෑසන සොයාගත් බවට යාපනය පොලීසිය පවසයි.

සැලසුම් කළ පරිදි එළඹෙන සැප්තැම්බර් පළමු සතියේදී පාසල් යලි ආරම්භ කිරීමට නොහැකි තත්ත්වයක් පවතින බව අධ්‍යාපන අමාත්‍ය ජී.එල්. පිරිස් ප්‍රකාශ කර සිටියි.

කොවිඩ් වසංගතය හේතුවෙන් පීඩාවට පත් සංචාරක සංවර්ධන අධිකාරියේ ලියාපදිංචි මාර්ගෝපදේශකයන් හා රියදුරන්ට සහන සැලසීම සඳහා මේ වන විට රුපියල් මිලියන 81.64 ක මුදලක් වැය කර ඇතැයි සංචාරක ඇමති ප්‍රසන්න රණතුංග මහතා පවසයි. මේ අනුව සංචාරක සංවර්ධන අධිකාරියේ ලියාපදිංචි සංචාරක මාර්ගෝපදේශකයන් හා රියදුරන් 4746ක් සඳහා රුපියල් 20,000 බැගින් හා රුපියල් 15,000 බැගින් ගෙවා ඇතැයිද ඇමතිවරයා කියයි.

සමගි ජන බලවේගයේ පාර්ලිමේන්තු මන්ත්‍රී රිෂාඩ් බදියුදීන් මහතාගේ නිවසේ මෙහෙකාර සේවයේ යෙදී සිටියදී මියගිය ඉෂාලිනී දැරියගේ මරණය සම්බන්ධයෙන් අත්අඩංගුවට ගත් ඒ මහතාගේ බිරිඳ ඇතුළු සිවු දෙනා අද යළිත් අධිකරණයට ඉදිරිපත් කිරීමට නියමිතයි.

කොවිඩ් 19 ප්‍රතිශක්තීකරණ වැඩසටහන යටතේ එන්නත්කරණය රටපුරා සාර්ථකව ක්‍රියාත්මක කෙරෙනවා.

කොරෝනා මර්ධන ජනාධිපති කාර්ය සාධක බලකාය මගින් සිදු කරන කාර්යභාරය සහ ත්‍රිවිධ හමුදාව මගින් සිදුකරනු ලබන එන්නත් කරන වැඩපිළිවෙළ හිටපු අග්‍රාමාත්‍ය එක්සත් ජාතික පක්ෂ නායක රනිල් වික්‍රමසිංහ මහතා විසින් විවේචනයට ලක් කළත් ඒ මහතා ද කෝවිඩ් එන්නත ලබා ගනු ලැබුවේ ශ්‍රී ලංකා යුද හමුදාවේ මූලික රෝහල වන නාරාහෙන්පිට රෝහලට පැමිණ යුධ හමුදා එන්නත් කරන මධ්‍යස්ථානයෙන් බව යුද හමුදාපති ශවේන්ද්‍ර සිල්වා මහතා පවසයි .

මහවැලි ගඟ ආශ්‍රිතව ඉදිකර ඇති සියලු අනවසර ඉදිකිරීම් පිළිබඳ විමර්ශනයක් කර වාර්තාවක් ලබාදෙන ලෙස අමාත්‍ය මහින්ද අමරවීර මහතා මධ්‍යම පරිසර අධිකාරියට උපදෙස් ලබා දී තිබෙනවා.

කළුබෝවිල රෝහලේ පසුගිය දිනවල පැවති තත්ත්වය මේ වන විට යථා තත්ත්වයට පත් කර ඇති බව රාජ්‍ය අමාත්‍ය මහාචාර්ය චන්න ජයසුමන පවසා සිටියි. මාධ්‍ය වෙත අදහස් දක්වමින් රාජ්‍ය අමාත්‍යවරයා සඳහන් කර සිටියේ එය තාවකාලිකව ඇති වු තදබදයක් බවය.

කොවිඩ් 19 ආසාදිතයින් 2961 දෙනෙකු ඊයේ දිනයේ මෙරටින් හඳුනාගත්තා.

ශ්‍රී ලංකාවේ කොවිඩ් මරණ සංඛ්‍යාව සලකා බැලීමේදී එම සංඛ්‍යාව ඉන්දියාවේ මරණ සංඛ්‍යාවට වඩා 10 ගුණයකින් වැඩි බව රජරට විශ්ව විද්‍යාලයේ වෛද්‍ය පීඨයේ මහාචාර්ය සුනෙත් අංගම්පොඩි මහතා පවවසයි.

අපි ඉන්දියාවේ ,ඉන්දුනීසියාවේ තිබූ තත්ත්වයට මේ වන විට ලගා වෙමින් පවතින අතර වර්තමානයේ කොරෝනා වසංගතයට ජනතාව සහ රජය සම සමව වගකිව යුතු බවත් ඉදිරියේ දී උද්ගත වී තිබෙන තත්ත්වය පාලනය කිරීම සඳහා දෙපාර්ශ්වයම වගකීමෙන් යුතුව කටයුතු නොකොළොත් ඉතිහාසයේ කිසිදු දිනයක නොවු ව්‍යසනයකින් පිඩාවට පත් විමට සිදුවනු ඇතැයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසයි.

එන්නත් ලබා නොගත් වයස අවුරුදු 60ට වැඩි සියලු දෙනා හැකි ඉක්මණින් එන්නත්කරණයට යොමු විය යුතු බව යුද හමුදාපති ජෙනරාල් ශවේන්ද්‍ර සිල්වා මහතා පවසනවා.

ත්‍රීරෝද රථ රියදුරන් විසින් රාත්‍රී කාලයේ දී මගීන් රැගෙන යෑමේ දී විමසිලිමත්ව කටයුතු කරන ලෙස පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ සඳහන් කර සිටියි.

වැලිසර පිහිටි ශ්‍රී ලංකා ගුවන් හමුදාවට අයත් පුපුරන ද්‍රව්‍ය ගබඩාවකින් පුපුරන ද්‍රව්‍ය තොගයක් අතුරුදන් වීමේ සිද්ධියට අදාලව පුද්ගලයින් හතර දෙනෙකු අත්අඩංගුවට ගෙන තිබෙනවා.

දුම්රියවල මගී තදබදය අවම කිරීම සඳහා අද සිට විශේෂ වැඩපිළිවෙළක් ක්‍රියාත්මක බව දුම්රිය දෙපාර්තමේන්තුව නිවේදනය කර සිටියි.

පිඹුර රෝහලේ තාවකාලිකව ඉදිකළ කොව්ඩ් වාට්ටුව මාස තුනක් තිස්සේ භාවිතයට නොගත් නිසා තාවකාලික ඉවත් කළ බව කළුතර දිස්ත්‍රික් පාර්ලිමේන්තු මන්ත්‍රී සංජීව එදිරිමාන්න මහතා පවසයි.

පොදු ප්‍රවාහන සේවා භාවිතා කරන පුද්ගලයින්ගේ රාජකාරී හැදුනුම්පත් පරීක්ෂා කිරීම් අද සිට ආරම්භ කරන බව ප්‍රවාහන රාජ්‍ය අමාත්‍ය දිලුම් අමුණුගම පවසනවා.

කොළඹ සුගතදාස ක්‍රීඩාංගණයේ ආරම්භ කළ එන්නත් වැඩසටහන අද දිනයේත් ක්‍රියාත්මක බව පොලීසිය පවසයි.

බස්නාහිර, සබරගමුව, වයඹ සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇති විය හැකිය.

ගතවූ පැය විසි හතරක කාලය තුළ නිරෝධායන නීති උල්ලංඝනය කළ පුද්ගලයින් 130දෙනෙකු පොලිස් අත්අඩංගුවට ගෙන ඇති බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ සඳහන් කර සිටියි.