මෙරට එන්නත්කරණ ක්‍රියාවලියේදී අවශ්‍යතාවන් අනුව රටම ආවරණය වන පරිදි සමානව එන්නත් බෙදා දෙමින් එම ක්‍රියාවලිය සාර්ථකව සිදු කෙරෙන බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි.

පූජ්‍ය රාජකීය පණ්ඩිත ගලගොඩඅත්තේ ඥානසාර හිමියන් මන්නාරම ප්‍රදේශයේ සිදුකල සංචාරයක් අතරතුර ගොවි ගැටළු ඉදිරිපත් කිරීම සඳහා ප්‍රදේශයේ ගොවිජනතාව සිදුකල ඉල්ලීමකට මඩු, කෝවිල් මෝට්ටේ වගා භුමි තිබෙන ප්‍රදේශයට වැඩම කරන ලදි.

පතල්කරුවන් මතුපිටට ගැනීම සඳහා ගලවා ගැනීමේ කණ්ඩායමක් එම ස්ථානයේම වෙහෙසකර ව්‍යායාමයක නිරතව සිටින බවද පැවසෙයි.

2015 වසරේ පැවති ජනාධිපතිවරණ සමයේදී රජයේ මුදල් සාවද්‍ය ලෙස පරිහරණය කළ බවට චෝදනා කරමින් වත්මන් මුදල් අමාත්‍ය බැසිල් රාජපක්ෂ සහ දිවිනැගුම සංවර්ධන දෙපාර්තමේන්තුවේ හිටපු අධ්‍යක්ෂ ජෙනරාල් කිත්සිරි රණවක යන මහත්වරුන්ට එරෙහිව ගොනු කර තිබූ නඩුවක් නොවැම්බර් මස 16 වනදා යළි කැදවන ලෙස කොළඹ මහාධිකරණය නියෝග කළා.

චීන රාජ්‍ය මන්ත්‍රී සහ විදේශ ඇමති වැන්ග් යී එක්සත් ජාතීන්ගේ මහලේකම් ඇන්ටෝනියෝ ගුටේරස් වීඩියෝ සබැඳියක් හරහා සම්බන්ධ වෙමින් සාකච්ඡා පවත්වා තිබේ.

බණ්ඩාරවෙළ නගරයේ උපස්ථායක සේවා මධ්‍යස්ථානයක් පවත්වාගෙන යමින් එහි සේවයට පැමිණෙන රුමත් තරුණියන් සිහිමුජාවට ලක්කර දුෂණයට ලක්කර තිබෙන බව කියන එම ආයතනයේ හිමිකරු අද (27දා) අත්අඩංගුවට ගත් බව පොලිසිය කියයි.

ශ්‍රී ලංකාවෙන් තවත් කොවිඩ් මරණ 51ක් වාර්තා වී තිබේ. මෙම මරණ සෞඛ්‍ය සේවා අධ්‍යක්ෂ ජනරාල්වරයා විසින් ඊයේ (26දා) තහවුරු කර තිබේ.

ළමා අයිතිවාසිකම් සුරක්ෂිත කිරීම සඳහා සෑම දරුවෙකුටම උපතේදී ම ජාතික හැදුනුම්පත් අංකයක් නිකුත් කරන ලෙස රජයේ වෛද්‍ය නිලධාරීන්ගේ සංගමය ඉල්ලා සිටියි.

ගුවන් මගීන් සඳහා පී.සී.ආර් පරීක්ෂණ සිදුකිරීමේ ක්‍රියාවලිය නතර කර නැතැයි ගුවන්තොටුපල හා ගුවන්සේවා සමාගමේ උප සභාපති රජීව් සූරියාරච්චි මහතා පවසයි. මෙම පී.සී.ආර් පරීක්ෂණ සිදුකිරීමේ ක්‍රියාවලිය අත්හිටුවා ඇති බවටත් අලුතින් ආරම්භ කෙරුණු පී.සී.ආර් පරීක්ෂණාගාරය වසා දමා ඇති බවටත් පල වන වාර්තා පදනම් විරහිත බවද උප සභාපතිවරයා පෙන්වා දෙයි.

ශ්‍රී ලංකාව හා ඊජිප්තුව අතර සංචාරක සහයෝගිතාව වර්ධනය සදහා ඒකාබද්ධ කමිටුවක් පිහිටුවීම කෙරෙහි අවදානය යොමුව තිබෙනවා.

ඉදිරියේදී පොදු ස්ථාන කරා ඇතුළු වීමේදී පූර්ණ එන්නත්කරණ කාඩ්පත සලකා බැලිය හැකි ක්‍රමවේදයක් පිළිබඳව අධ්‍යයනය කෙරෙන බව සෞඛ්‍ය අමාත්‍ය ආචාර්ය කෙහෙළිය රඹුක්වැල්ල මහතා පැවැසීය.

කොවිඩ් 19 සමයේ පීඩාවට පත් කොළඹ දිස්ත්‍රික්කයේ ප්‍රාදේශීය ලේකම් කොට්ඨාස 13හි ජනයාගේ සුබ සාධනය සඳහා රුපියල් මිලියන 7947ක් වැයවී ඇතැයි කොළඹ දිස්ත්‍රික් ලේකම් ප්‍රදීප් යසරත්න මහතා පැවසිය.

රත්නපුර දිස්ත‍්‍රික්කයට ඇදහැලෙන අධික වර්ෂාව හේතුවෙන් අද (27) උදැසන වන විට කළු ගඟ ජල මට්ටම, රත්නපුර මුවගම සවිකර තිබෙන ජල මාපකයට අනුව මීටර් පහ ඉක්මවා ගොස් ඇති අතර එය ගං වතුර අතතුරු ඇඟවීමේ මට්ටම පසුකිරිමක් බව රත්නපුර දිස්ත‍්‍රික් ලේකම් කාර්‍යලය නිවේදනය කරයි.

යුගදනවි බලාගාරයේ කටයුතුවලට ඇතැමුන් විරෝධය දක්වන්නේ කුහකත්වය මත පමණක් පදනම්වී බව ශ්‍රී ලංකා පොදුජන පෙරමුණේ මහලේකම් සාගර කාරියවසම් පවසා සිටියි.

ශ‍්‍රී ලංකා ගුවන් හමුදා රෙජිමේන්තු විශේෂ බලකාය විසින් ප‍්‍රථම වරට සංග‍්‍රාමික සෙවිම් සහ මුදා ගැනීමේ පුහුණු අභ්‍යාසයක් තොප්පිගල, නරකමුල්ල ප‍්‍රදේශයේදී සිදුකරනු ලැබීය.

දිස්ත්‍රික් මට්ටමින් වාර්තා වන කොරෝනා ආසාදිතයින්ගේ අඩුවක් සිදුව ඇති බව යුද හමුදාපති ජෙනරාල් ශවේන්ද්‍ර සිල්වා මහතා පවසනවා.

කොළඹ හොරණ මාර්ගයේ පාමංකඩ - ශ්‍රී සම්බුද්ධ ජයන්ති මාවත - W.A.සිල්වා මාවත හරහා වැල්ලවත්ත දක්වා මංතීරූ 4ක් යටතේ පුළුල් කොට සංවර්ධනය කල මාර්ගයේ වැඩ අවසන් අදියරේ ඇති බව ආණ්ඩු පක්ෂයේ ප්‍රධාන සංවිධායක, මහාමාර්ග අමාත්‍ය ජොන්ස්ටන් ප්‍රනාන්දු මහතා ප්‍රකාශ කරයි.

අයහපත් කාලගුණය හේතුවෙන් දිස්ත්‍රික් පහක ප්‍රදේශ කිහිපයක් සඳහා ඊයේ දිනයේ නිකුත් කළ නායයාමේ අනතුරු ඇඟවීම් අද රාත්‍රී හත දක්වා ක්‍රියාත්මක බව ජාතික ගොඩනැගිලි පර්යේෂණ සංවිධානය පවසනවා.

කෙරවලපිටිය යුගදනවී විදුලි බලාගාරය අමෙරිකානු සමාගමකට ලබාදීමේ ගිවිසුම් අත්සන් තැබීම සම්බන්ධයෙන් ක්‍රීඩා හා තරුණ කටයුතු අමාත්‍ය නාමල් රාජපක්ෂ අදහස් දක්වමින් කියා සිටියේ එම ගිවිසුම අත්සන් තැබීම සම්බන්ධයෙන් විදුලිබල අමාත්‍යවරයා මේ වන විටත් අදහස් දක්වා ඇති බවයි.

ලෝක සංචාරක දිනය අදට යෙදී තිබෙනවා.

ශ‍්‍රී ලංකාවේ පළමු මහ දිසාපතිනියන් දෙදෙනාගෙන් කෙනෙක් වූ කුසුමා විලේගොඩ මහත්මිය ඊයේ (26දා) රාත‍්‍රී අභාවප‍්‍රාප්ත වූවාය.

සැමියා විසින් සිය බිරිඳට වෙඩි තබා ඝාතනය කර ඇති සිද්ධියක් ඇඹිලිපිටිය, කරදමණ්ඩිය ප්‍රදේශයෙන් වාර්තා වෙයි.

සිදුකරන ලද නිරීක්ෂණ අනුව කාලයක් තිස්සේ බුත්ගමුව ඇළට අපද්‍රව්‍ය බැහැර කිරීම සහ ඇළෙහි ජලය නිසි ලෙස ගලා නොයෑම හේතුවෙන් ඇල්ගී/ බැක්ටීරියා වර්ධනය වීම මත මෙම තත්ත්වය වර්ධනය වී ඇති බව මෙහිදී අණාවරණය කරගෙන තිබේ.

නියමිත කාලයට පැවැත්විය යුතු පළාත් සභා සහ පළාත් පාලන මැතිවරණ පැවැත්වීමට කටයුතු කරන ලෙස ආණ්ඩුවට අභියෝග කරන බව විපක්ෂ නායක සජිත් ප්‍රේමදාස පවසා සිටියි.

[LONG READS] සෝවියට් සංගමය සමග එකතු වී අමින් ඝාතනය කිරීම සමාජය ඉදිරියේ සාධාරණීකරණය කිරීම සඳහා කර්මාල් බලයට පත් වූ වහාම කටයුතු කෙරිණි. ජර්මන් බසින් පළ වූ ස්පීගල් සඟරාවට සම්මුඛ සාකච්ඡාවක් ලබාදෙමින් කර්මාල් සඳහන් කළේ අමින් සී.අයි.ඒ. ඔත්තුකරුවෙකු බවයි. එසේම ටරාකිගෙන් බලය පැහැරගත් අමින්, නිරායුධ ඇෆ්ගන් ජනතාව මිලියන 1.5ක් පමණ මරා දැමූ බවත්, එය කාම්බෝජයෙදී පොල්පොට් එරට ජනතාව මරා දැමූ ප්‍රමාණයට වඩා දසගුණයකින් පමණ වැඩි බවත් සඳහන් කළේය

පසුගිය වසරේ පැවති සාමාන්‍ය පෙළ විභාගයේ ප්‍රායොගික පරික්ෂණ ප්‍රතිඵල අන්තර්ගත නොවිම හරහා දරුවන් අසරණ වි ඇති බව රජයේ ගුරුවරුන්ගේ සංගමය පවසයි.

කොවිඩ් මර්දන එන්නත්කරණය යටතේ තවත් ෆයිසර් එන්නත් මාත්‍රා 31,560ක් අද දිවයිනට ලැබි තිබේ.

අත්‍යවශ්‍ය භාණ්ඩ කිහිපයක මිල සංශෝධනය සම්බන්ධයෙන් අද (27) පැවැත්වෙන අමාත්‍ය මණ්ඩල රැස්වීමේදී අවසන් තීරණයක් ගැනීමට නියමිතව තිබේ.

“පසුගිය දවස් ටිකේම ජනපතිතුමාට අලියෙක් දුන්නෝ අලියෙක් දුන්නෝ කියලා කෑ ගැහුවා. ඔව් එතුමට 2015 දුන්න අලියෙක් හිටියා පින්නවල උද්‍යානයේ. ඒ අලියට උසාවි නියෝගයක් තිබුණා. එතුමා අපිට දැන්නුවා අලිය එතුමට එපා පන්සලකට දෙන්න කියලා.අලිය පන්සලට දුන්නා. මාධ්‍ය කියන්නේ ගෝඨාභය රජපක්ෂ අලියෙක් ගත්තා කියලා. එතුමා ගත්ත අලියෙක් නෑ.”