පේරාදෙණිය රෝහලේ ඇතිවී තිබූ ඖෂධ හිඟය සම්බන්ධයෙන් ඉන්දියානු විදේශ අමාත්‍යවරයාගේ මැදිහත් වීම පිළිබඳව බරපතල ගැටළුවක් මතුවන බව රජයේ ඖෂධවේදීන්ගේ සංගමය පවසයි.

පානදුර, පින්වත්ත ප්‍රදේශයේ සංචාරක හෝටලයක වැසිකිළි වලක් තුල තිබී තරුණ කාන්තාවකගේ මළසිරුරක් අද (29දා) පස්වරුවේ ගොඩගත් බව පින්වත්ත පොලිසිය පවසයි .

සමස්ත ලංකා ගොවිජන සම්මේලන සංවිධානය කරන ලද පොළොන්නරුව ගොවි පා ගමන 5000 කට වැඩි වැඩි පිරිසකගේ සහභාගිත්වයෙන් යුතුව අද (29දා) දහවල් පොලොන්නරුව ජාතික වකුගඩු රෝහල වකුගඩු රෝහල ඉදිරිපිට දී ආරම්භ කෙරුණු අතර එය ඓතිහාසික දීප උයන දක්වා ගමන් කෙරිණි.

නිවස අසල කපමින් තිබූ පොල්ගසක් ඇඟ මතට කඩාවැටීමෙන් අද (29දා) දහවල් දෙදරු පියෙකු මියගොස් ඇතැයි මොනරාගල පොලීසිය පවසයි. මෙම අනතුරෙන් මියගොස් ඇත්තේ මොනරාගල තිස්සපාර පදිංචි කේ.ඩබ්ලිව්.ආර්.පී ශාන්ත ලංකා (46) නැමති අයෙකි.

රුසියාව හා යුක්රේනය අතර මේ මස මුලදී පැවති සාම සාකච්ඡාවලට එක්වූ රුසියානු ප්‍රකෝටිපතියෙකු වන රෝමන් ඒබ්‍රමොවිච්ට විෂ ශරීරගත වූ බවට සැක කෙරෙන සිද්ධිය අසත්‍ය බව රුසියාව පවසයි.

ඉන්දියාවේ නාගලන් ප්‍රාන්තයේ පැවති , දකුණු ආසියානු රට හරහා දිවීමේ තරඟාවලියේදී රිදී පදක්කමක් ශ්‍රී ලංකාවට අත්කර දුන් වැලිවේරිය පදිංචි ජාලිය සංජීව ක්‍රීඩකයා පිළිගැනීමේ උත්සවයක් අද (29දා) වැලිවේරිය නගරයේදී සවස පැවැත්විණි.

මධ්‍යම කඳුකරයේ පවතින වැසි රහිත අධික වියලි කාලගුණය හේතුවෙන් වික්ටෝරියා ජලාශයේ ජල මට්ටම මේ වන විට පතුලටම සිඳී පැරණි තෙල්දෙණිය නගරයේ නටබුන් මතු වී ඇති අයුරු දක්නට ලැබෙයි.

නිර්වින්දය සඳහා භාවිතා කරන Neostigmin නමැති ඖෂධ ප්‍රමාණවත් ‍තරම් නොමැතිවීම හේතුවෙන් එම ඖෂධ්‍ය අවශ්‍ය විය හැකි ජීවිත අවධානමක් නොමැති සියලුම සැත්කම් තාවකාලිකව දැමීමට කරාපිටිය රෝහල් අධ්‍යක්ෂවරයා තීරණය කර තිබේ.

විදේශ විනිමය මෙරටට ඉතිරි කර ගැනීම සඳහා අග්‍රාමාත්‍ය මහින්ද රාජපක්ෂ මහතාගේ උපදෙසින් රථ වාහන අංක තහඩු මෙරට ප්‍රථම වරට නිෂ්පාදනය කිරීම සඳහා කොළොන්නාවේ පිහිටි රජයේ කර්මාන්තශාලාව තීරණය කර ඇති බව නාගරික සංවර්ධන හා නිවාස අමාත්‍යාංශය ප්‍රකාශ කරයි.

ශ්‍රී ලංකාව බංග්ලාදේශයෙන් තවත් ඇමෙරිකානු ඩොලර් මිලියන 250ක මූල්‍ය පහසුකමක් ඉල්ලා ඇති බව අභ්‍යන්තර වාර්තා උපුටා දක්වමින් ඩෙිලි මිරර් පුවත්සේවය තොරතුරු වාර්තා කරයි.

රජයේ ආයතන පරිශ්‍රවල සහ ඉඩම්වල ගෙවතු වගාව ප්‍රචලිත කිරීම වෙනුවෙන් වූ හරිත ලංකා ජාතික ගෙවතුවගා සංග්‍රාමයට සමගාමීව ශ්‍රී ලංකා යුද හමුදා මූලස්ථාන පරිශ්‍රයේ ගෙවතු වගාව ආරම්භ කිරීමේ අවස්ථාව හරිත කෘෂිකර්ම ක්‍රියාන්විත මධ්‍යස්ථාන ප්‍රධානී, ආරක්ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වාගේ ප්‍රධානත්වයෙන් ශ්‍රී ජයවර්ධනපුර ශ්‍රී ලංකා යුද හමුදා මූලස්ථාන ගොවිපළ පරිශ්‍රයේ දී අද (29දා) ආරම්භ කරන ලදී.

පොලීසියේ රාජකාරියට බාධා කිරීමේ චෝදනා යටතේ ඉන්ධන පෝලිමක රැදී සිටි පුද්ගයෙක් හබරණ පොලීසිය විසින් අත්අඩංගුවට ගෙන තිබේ.

තෙදින නිල සංචාරයක් සඳහා දිවයිනට පැමිණ සිටින ඉන්දීය විදේශ අමාත්‍ය ආචාර්ය එස්. ජයශංකර් මහතා සහ අග්‍රාමාත්‍ය මහින්ද රාජපක්ෂ මහතා අතර හමුවක් ඊයේ (28දා) අරලියගහ මන්දිරයේදී පැවැත්විණි.

ප්‍රමාණවත් පරිදි රුපියල් පැවැතියත් වෙළඳපොළින් මිලදී ගැනීමට ඩොලර් නොමැතිවීම හේතුවෙන් මෙවර ඉන්දීය ප්‍රිමියර් ලීග තරගාවලියේ තරග පියෝ ටීවී හරහා විකාශය කිරීමට නොහැකි තත්ත්වයක් උද්ගත ව තිබෙන බව වාර්තා වෙයි.

පානදුර සංචාරක හෝටලයක් තුලදී තරුණ කාන්තාවක ඝාතනය කොට වැසිකිළි වලක් තුල දමා ඇති බවට ලද පැමිණිල්ලක් ඔස්සේ පින්වත්ත පොලිසිය අද (29දා) පරීක්ෂණ ආරම්භ කර තිබේ.

කොළඹ, පැජට් පාරේ පවතින නිවස හිටපු ජනපති මෛත්‍රීපාල සිරිසේන මහතාට පැවැරීමට කැබිනට් මණ්ඩලය ගත් තීරණය අත්හිටුවමින් ශ්‍රේෂ්ඨාධිකරණය නියෝගයක් නිකුත් කර තිබේ.

බදුල්ල දුම්රියපොල පාලමට යටින් දිවෙන එම්.ඩී. සුගතදාස මාවතේ දී අද (29දා) ත්‍රීරෝද රථයක් හා පෞද්ගලික බස් රථයක් මුහුණට මුහුණ ගැටී සිදු වූ අනතුරින් ත්‍රී රෝද රථයේ ගමන් ගත් පුද්ගලයෙකු තුවාල ලබා ඇති අතර ත්‍රී රෝද රථයට බරපතල හානි සිදුව ඇතැයි පොලීසිය පවසයි.

මධ්‍යම කදුකරයේ බටහිර බැවුම් ප්‍රදේශවල මේ දිනවල පවතින අධික වියළි කාලගුණයත් සමග කොත්මලේ ජලාශයේ ජල ධාරිතාව තවදුරටත් පහල බසිමින් පවතින බව එම ජලාශය භාර ඉංජිනේරුවරුන් පැවසිය.

පාකිස්තාන අග්‍රාමාත්‍ය ඉම්රන් ඛාන්ගේ පාලනය සම්බන්ධයෙන් විශාල කඩයිමක් පැමිණ තිබේ. ඒ ඔහුට එරෙහිව විපක්ෂය විසින් ගෙන එන ආ විශ්වාසභංගයේ ඡන්ද විමසීම එළැඹෙන 31දාට යෙදී තිබීම හේතුවෙන්

ශ්‍රී ලංකා නාවික හමුදාව ඩෙල්ෆ්ට් දූපතට දකුණු දෙසින් වූ මුහුදු තීරයේ සිදුකළ මුර සංචාරයකදී, මෙරට මුහුදු සීමාව තුළට ඇතුළු වී අනවසර ධීවර කටයුතුවල නිරතව සිටි ඉන්දීය ට්‍රෝලර් යාත්‍රාවක් සමඟ ඉන්දීය ජාතික ධීවරයින් සිව් දෙනෙකු ඊයේ (28දා) රාත්‍රියේ නාවික හමුදා භාරයට ගැනීමට කටයුතු කෙරිණි.

සියලු කොටස් මිල දර්ශකය සියයට පහකින් කඩා වැටීම හේතුවෙන් කොටස් වෙළඳපොළ කටයුතු පැය භාගයකට අත්හිටුවීමට කොළඹ කොටස් හුවමාරුව තීරණය කර තිබේ.

“ශ්‍රී ලංකා නිදහස් පක්ෂය තීරණය කරන්න ඕන කොතනද හරියට හිට ගන්නේ කියලා. ඒ අයට අවස්ථාවක් තියෙනවා. ඕනනම් ආණ්ඩුවේ ඉදලා වැනසෙන්න අවස්ථාව තියෙනවා. ශ්‍රී ලංකා නිදහස් පක්ෂය දෙලොවක් අතර ඉන්නේ. මාලු කනවද මස් කනවද කියලා කල්පනා කරන මීයා වගේ අන්තිමට බෙල්ල කැපිලා යනකම් දන්නේ නෑ.”

බදුල්ල -පස්සර මාර්ගයේ 5 කණුව ප්‍රදේශයේදී ගිලන්රථයක ගැටනු කාන්තාවක් බරපතල තුවාල ලබා බදුල්ල මහ රෝහලට ඇතුලත්කර ඇතැයි බදුල්ල පොලිසිය පවසයි .

ඉන්දියාව තුළ පසුගිය දින 8 තුළ හත්වැනි වරටත් ඉන්ධන මිල ඉහළ දැමීමට ඉන්දියාව කටයුතු කර තිබේ. මේ අනුව ඉන්දියාවේ දිල්ලිහි පෙට්‍රල් ලීටරයක මිල ඉන්දීය රුපියල් 100 සීමාව ඉක්මවා ගොස් තිබේ. පෙට්‍රල් ලීටරයක මිල ඉන්දීය සත 80කින් හා ඩීසල් ලීටරයක මිල ඉන්දිය ශත 70කින් ඉහළ දැමීමට අඟහරුවාදා කටයුතු කර තිබේ.

මිතුරන් තිදෙනකු සමග දිය නෑමට ගොස් දින තුනක් තිස්සේ අතුරුදහන් ව සිටි 15 හැවිරිදි පාසල් සිසුවාගේ මරණය ගැන තොරතුරු වසන් කිරිම සම්බන්ධව එම පාසල් සිසුන් තිදෙනා පැල්මඩුල්ල පොලිසිය විසින් අත්අඩංගුවට ගෙන තිබේ .

දකුණු පළාතේ ඉඩමක් විකිණීමට පුවත්පතක පළ කර තිබූ දැන්වීමක දුරකථන අංකයකට ඇමතුමක් ලබාදී, එම ඉඩම මිලදී ගන්නා බවට හිතවත්කමක් ඇති කර ගෙන එම ඉඩම් හිමිකාර විශ්‍රාමික ගුරුවරිය අනුරාධපුරයට ගෙන්වා රුපියල් ලක්ෂ දහයකට වැඩි මුදලක් රැගෙන පළා ගිය පියෙකු සහ පුතෙකු අත්අඩංගුවට ගැනීමට ඊයේ (28දා) විමර්ශන ආරම්භ කල බව අනුරාධපුර මූලස්ථාන පොලීසිය පවසයි.

ඖෂධ හා උපකරණ හිඟවීම හේතුවෙන් තාවකාලිකව නවතා දමා ඇති පේරාදෙණිය ශික්ෂණ රෝහලේ සැත්කම් නැවත ආරම්භ කිරීම වෙනුවෙන් ඉන්දියාව මැදිහත්ව තිබේ.

මාර්ග රිය අනතුරු හේතුවෙන් දිනකට අට දෙනෙකු මියගොස් අසූ දෙනකු පමණ තුවාල ලබන බවත් 2030 වන විට රිය අනතුරු වලින් එක් පුද්ගලයෙකු හෝ මිය නොයන තත්ත්වයට පත් කිරිම තම ආයතනයේ අරමුණ බවත් ඒ සඳහා අවශ්‍ය සැලසුම් මේ වන විට දියත් කරමින් සිටින බවත් ජාතික ප්‍රවාහන වෛද්‍ය ආයතනයේ සභාපති වෛද්‍ය ශවීන්ද්‍ර ගමගේ මහතා පැවසීය .

2022 පෙබරවාරි 27 සිට මාර්තු 28 දක්වා මාසයක කාලය තුල මහ බැංකුව විසින් රු. මිලියන 216,470 ක් අච්චු ගසා ඇති බව හිටපු ආණ්ඩුකාර , ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ රජිත් කීර්ති තෙන්නකෝන් මහතා පවසයි.