අනියම් බිරිඳගේ නොමේරු දරු ගැබ ඉවත් කර ගබ්සාවක් කර දෙන ලෙසට තර්ජනය කරමින් කුරුණෑගල ශික්ෂණ රෝහලේ මාතෘ හා නාරිවේද වෛද්‍ය ප්‍රතිකාර වාට්ටුවේ ජ්‍යෙෂ්ඨ වෛද්‍යවරයෙකුට පහර දීමට තැත් කළ තරුණයෙකු අත්අඩංගුවට ගැනීම සඳහා මැල්සිරිපුර පොලීසිය පරීක්ෂණ පවත්වයි.

ප්‍රජාතන්ත්‍රවාදය උල්ලංඝනය කරමින් කටයුතු කරන ජන පීඩක ආණ්ඩුව සමඟ එක්නොවිය යුතු බවත්, තනතුරු ලබා නොගතයුතු බවත් සමගි ජන බලවේගයේ කෘත්‍යාධිකාරි මණ්ඩලය ඒකමතිකව තීරණය කර තිබේ.

ලාංකීය ලියෝ බහු මණ්ඩල දිස්ත්‍රික් 306 විසින් මෙවර ලියෝ සමාජ වැඩසටහන සඳහා තවත් නවමු පියවරක් තබා ඇත එනම්, මාලදිවයිනට ලියෝ සමාජ වැඩසටහන ව්‍යාප්ත කරමින් මාලදිවයිනේ නැගී එන තරුණ නායකයින් සවිබල ගැන්වීමට එක්වීමයි. මෙසේ මාලදිවයිනේ ලියෝ සමාජ වැඩසටහන දියත් කිරීමේ මාධ්‍ය සාකච්ඡාව පසුගිය අප්‍රේල් 25 වැනි දින රාජගිරිය සිංහ ක්‍රියාකාරී මධ්‍යස්ථානයේදී පැවැත්විණි.

පාඩු ලබන රාජ්‍ය ආයතන ප්‍රතිව්‍යුහගතකරණය යටතේ ශ්‍රී ලංකන් ගුවන් සමාගම සතු කොටස් ඉන්දියාවේ ටාටා සමාම වෙත පැවරීමට මූලික වටයේ සාකච්ඡාවක් සිදුවන බවට රජයේ ආරංචි මාර්ග සඳහන් කරයි.

නාථගනේ ස්තූපය හා පුරාවිද්‍යාත්මක නටබුන් සහිත ප්‍රදේශයේ කැනීම් කටයුතු මේවන විට සිදු කර අවසන් බවත්, මෙම පුරාවිද්‍යාත්මක ස්ථානය ඉදිරි පරම්පරාවන් වෙත ද දායාද කිරීමට ආරක්ෂා කරන ලෙස ජනතාවගෙන් ද ඉල්ලා සිටින බව බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා සඳහන් කරයි.

මේ වන විට ඩෙංගු රෝගී තත්ත්වයේ වැඩිවීමක් පෙන්නුම් කෙරෙන ගම්පහ දිස්ත්‍රික්කය තුළ විශේෂිත ඩෙංගු මර්දන වැඩසටහනක් කඩිනමින් ක්‍රියාවට නැංවීමට පියවර ගැනෙන බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.

විස්සයි විස්ස තරග 5කින් යුත් සංචාරයක් සඳහා ශ්‍රී ලංකා නැගී එන කණ්ඩායම ජපානයේ සංචාරයක නිරත වේ. 15 දෙනෙකුගෙන් යුත් මෙම කණ්ඩායමේ නායකත්වය ඩෙලන් පීරිස්ට හිමිවී ඇත. ජපානය අන්තර්ජාතික ක්‍රිකට් කවුන්සිලයේ (අයි.සී,සී.) අර්ධ සාමාජික රටක් වේ.

කළුතර ලැගුම්හලක පස් වන මහලින් බිමට ඇද වැටී අභිරහස් ලෙස මියගිය බව කියන 16 හැවිරිදි රූමත් පාසල් සිසුවිය එම ලැගුම්හලට රැගෙන ආ බව කියන මෝටර් රථය කළුතර පලාතොට ප්‍රදේශයේ සඟවා තිබියදී සොයා ගත් බව කළුතර දකුණ පොලිසිය කියයි.

මේ වසරේ මැයි මස මුල් සතිය වන විට දොම්පේ සෞඛ්‍ය වෛද්‍ය නිලධාරී කොට්ඨාසය තුළින් ඩෙංගු රෝගීන් විසි දෙදෙනෙකු වාර්තා වී ඇති බව එම කාර්යාල තොරතුරු සඳහන් කරයි.

වලසකුගේ දරුණු ප්‍රහාරයකට ලක් වූ සිවිල් ආරක්ෂක භටයකු ඊයේ (7දා) වැඩි දුර ප්‍රතිකාර සඳහා අනුරාධපුර ශික්ෂණ රෝහලට ඇතුළත් කළ බව තන්තිරිමලේ පොලීසිය පවසයි.

නුවරඑළිය නගරයේ ඉදිකිරීම් හා සම්බන්ධව ජනාධිපති රනිල් වික්‍රමසිංහ මහතා විසින් ඉදිරිපත් කල විශේෂ කැබිනට් පත්‍රයට අනුව මධ්‍යම පළාත් ආණ්ඩුකාර නීතිඥ ලලිත් යු ගමගේ මහතාගේ ප්‍රධානත්වයෙන් සැලසුම් කමිටුව ස්ථාපනය කිරීම අද (08) නුවරඑළිය දිස්ත්‍රික් ලේකම් කාර්යාලයේ දි සිදු කෙරිණ.

ශ්‍රී ලංකා විදුහල්පති සේවයේ III ශ්‍රේණියට බඳවා ගැනීමට 2019.02.10 දින පැවති සීමිත තරග විභාගය සමත් අයදුම්කරුවන් සම්මුඛ පරීක්ෂණයට කැඳවීම මැයි 22 සිට ජුනි 01 දින දක්වා අධ්‍යාපන අමාත්‍යංශයේදී සිදු කරන බව අධ්‍යාපන අමාත්‍යාංශය කියයි. මේ පිළිබඳව වැඩිදුර තොරතුරු සඳහා www.moe.gov.lk වෙත පිවිසෙන්න.

උතුරු පළාතේ දේශාපාලන පක්ෂ නියෝජිතයින්ට මේ මාස ජානාධිපතිවරයා හමුවී සාකච්ඡාවක් සඳහා ඇරයුම් ලබා තිබුණද නැගෙනහිර පක්ෂ සඳහා කිසිදු ඇරයුමක් නොලැබීම හේතුවෙන් උතුරු නැගෙනහිර දේශපාලන පක්ෂ අතර මතභේදයක් හටගෙන ඇත.

එංගලන්තයේ චාල්ස් රජුගේ රාජාභිෂේක උත්සවයට සහභාගී වීම සදහා එරටට ගොස් සිටි ජනාධිපති රනිල් වික්‍රමසිංහ මහත ඇතුළු දූත පිරිස අද (08දා) උදෑසන කටුනායක ගුවන් තොටුපළ වෙත පැමිණි බව ගුවන් තොටුපළ කාර්යය භාර නිලධාරීවරයා සනාථ කළේය.

වරකාපොල, හොරගස්මංකඩ පවත්වාගෙන යන ප්‍රකට පෙළේ රබර් කර්මාන්ත ශාලාවක හදිසි ගින්නක් ඇතිව තිබේ. ගින්න හේතුවෙන් එම කර්මාන්තශාලාවට දැඩි අලාභ හානි සිදුව තිබේ.

ගම්පහ සාම මහා විහාරය මගින් ඊයේ (6දා) පවත්වන ලද පෙරහරේ ගමන්ගත් නිලමේවරයෙකු අලියා පිටෙන් බිමට ඇද වැටිණි.

ඉන්දියාවෙන් ගෙන්වූ බෙහෙතක විෂබීජ තිබීමෙන් නුවරඑළිය දිස්ත්‍රික් මහ රෝහලේ අක්ෂි සැත්කම් කළ දහ දෙනෙකුගේ ඇස් පෙනීම දුර්වලවී ඇති බව නුවරඑළිය මහ රෝහල අධ්‍යක්ෂක විශේෂඥ වෛද්‍ය මහේන්ද්‍ර සෙනෙවිරත්න මහතා පැවසිය.

2027 සිට 2030 දක්වා පුනර්ජනනීය බලශක්ති ඒකාබද්ධ කිරීමේ සැලැස්ම පසුගිය සතියේ ලංවිම විසින් ඉදිරිපත් කරන ලද බව විදුලි බල හා බලශක්ති අමාත්‍ය කංචන විජෙසේකර මහතා කියයි.

මාතර ප්‍රදේශයේ පැවති මංගල උත්සවයකට සහභාගි වී යළි නිවෙස කරා යමින් සිටි වෑන් රථයක පිටුපසින් පැමිණි මෝටර් රථයක් අධිවේගී මාර්ගයේ කිලෝමීටර් 8 දශම 4 කහතුඩුව වෙනිවැල්කොළ ප්‍රදේශයේදී 07 දා දහවල් අනතුරක් සිදුව ඇති බව අධිවේගී මාර්ග සංචාරක පොලිස් කොට්ඨාශය පවසයි.

අලුතින් ආණ්ඩුකාරවරුන්, ඇමතිවරුන් පත් කිරිමට රජය කටයුතු කරමින් සිටින බවත්, එසේ කවුරු පත් කළත් පැවැත්වීමට නියමිත කිසිදු මැතිවරණයකින් වත්මන් රජයට බලයට ඒමට නොහැකි බව දමිල ප්‍රගතිශිලි සන්ධානයේ නියෝජ්‍ය නායක නුවරඑලිය දිස්ත්‍රික් පා.ම පලනි දිගම්බරම් මහතා පැවසිය.

හපුතලේ දුම්රිය ස්ථානය අසල දුම්රිය හරස් මාර්ගයේදී අද (7) බඩු ප්‍රවාහන දුම්රියක මෝටර් රථයක් ගැටී සිදුවූ අනතුරකින් මෝටර් රථයට හානි සිදුවී එහි සිටි එකම පවුලේ සිව් දෙනෙකුගේ ජීවිත බේරී ඇතැයි හපුතලේ පොලීසිය කියයි.

රුමේනියා රැකියා ලබා දෙන බව පවසමින් කොළඹ ප්‍රදේශයේ තරුණයින් පස් දෙනෙකුගෙන් රුපියල් ලක්ෂ 25ක මුදලක් වංචා කළ බවට සැකපිට කොලොන්න ප්‍රදේශයේ පදිංචි කාන්තාවක් බත්තරමුල්ල ප්‍රදේශයේ සුප්‍රසිද්ධ හෝටලයක රැදී සිටියදී අත්අඩංගුවට ගැනීමට ශ්‍රී ලංකා විදේශ සේවා නියුක්ති කාර්යාංශයයේ විශේෂ විමර්ශන අංශය සමත්විය.

ඌව අමරපුර මහ නිකායික මූලස්ථාන විහාරස්ථානය වන බදුල්ල හිදගොඩ මහ තපෝධනාරාම විහාරස්ථානයේ විදුලිය වෙසක් පොහොය පෙනි පෙනි ලංකා විදුලි බල මංඩලයේ සේවකයන් විසින් විසන්ධි කිරිමත් සමඟ එම පුවත සැලවීමෙන් විහාරස්ථානයට පැමිණි ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතාගේ ධන පරිත්‍යාගයෙන් රුපියල් 70000ක මුදලක් ගෙවා කඩිනමින් විහාරස්ථානයට යළි විදුලිය පහසුකම් ලබා දුන් බව බදුල්ල හිදගොඩ මහ තපෝධනාරාම විහාරස්ථානයේ විහාරාධිපති ඇකිරියේ සීවලි හිමියෝ පැවැසූහ.

පෞද්ගලික විශ්ව විද්‍යාලයක 18 හැවිරිදි සිසුවෙකු පදවාගෙන ආ වි 8 වර්ගයේ සුඛෝපභෝගී ජීප් රථයක් බම්බලපිටිය මුහුදු මාවතේදී මෝටර් රථ දෙකක හා විදුලි කණුවක ගැටී අනතුරට පත්ව ඇතැයි බම්බලපිටිය පොලිසිය කියයි.

කතරගම දෙවියන් උදෙසා පූජාවන් සිදුකිරීමට පයින්ම උතුරේ සිට කතරගම දක්වා දින ගණනාවක් ගමන් කරන ලංකාවේ දිගම පාද යාත්‍රාව ලෙසින් සැලකෙන යාපනය කතරගම පාද යාත්‍රාව ඊයේ (06) සවස යාපනය තොණ්ඩමනාරු සෙල්වශාන්ති මුරුගන් හින්දු කෝවිලෙන් ආරම්භ විය.

පෙරේදා දිනයේදී ශ්‍රී ලංකාවෙන් කොවිඩ් මරණ තුනක් වාර්තා වි ඇතැයි සෞඛ්‍ය සේවා අධ්‍යක්ෂ ජනරාල්වරයා ඊයේ තහවුරු කළ බව රජයේ ප්‍රවෘත්ති දෙපාර්තමේන්තුව සඳහන් කරයි.

2023/24 මහ කන්නයේ සිට පොහොර සැපයීමේ වගකීමෙන් රජය ඉවත්වන අතර, රටට අවශ්‍ය පොහොර සැපයීම සම්පූර්ණයෙන් ම පුද්ගලික අංශය වෙත පැවරීමේ වැඩපිළිවෙලක් ක්‍රියාත්මක කරන බව කෘෂ්කර්ම අමාත්‍යාංශය පවසයි.

2022/23 මහ කන්නයේ දී බන්ඩි පොහොර මිල දී ගැනීම සඳහා ආසියානු සංවර්ධන බැංකුව විසින් රුපියල් බිලියන 08ක මුදලක් රජයට ලබා දුන් අතර එම මුදල් ගොවිජන සංවර්ධන දෙපාර්තමේන්තුව විසින් ගොවි ජනතාවගේ ගිණුම්වලටම මුදල් බැර කරනු ලැබීය.

කටුනායක සිට ඉන්දියාවේ චෙන්නායි බලා ඊයේ දින දහවල් පිටත්ව යාමට නියමිත ගුවන් යානයේ ආරක්ෂක නිලධාරීවරයා ( Sky Marshall) සිය උණ්ඩ පිරවූ ගිනි අවිය (පිස්තෝලය) සමග කටුනායක ගුවන් තොටුපළ සංක්‍රමණික ගුවන් මගී පර්යන්තය (Transit Passenger Terminal) වෙත පැමිණ සිටියදී කටුනායක ගුවන් තොටුපළ ආරක්ෂක නිලධාරීන් භාරයට ගැනීම නිසා එම ගුවන් යානය පිටත්ව යාම පැය හතරකින් පමණ ප්‍රමාද වීමකට ලක් වූ බව ගුවන් තොටුපළ ආරංචි මාර්ග සදහන් කළේය .