මේ වසරේ ජනවාරි 01 වැනිදා සිට මේ මස 10වැනිදා දක්වා කාලය තුළදී රිය අනතුරු 10,000කට අධික ප්‍රමාණයක් සිදුව තිබෙන අතර, මෙම අනතුරුවලින් පුද්ගලයන් 1,202ක් මියගොස් තිබේ.

මෙරට තොරතුරු තාක්ෂණ කර්මාන්තය සඳහා තවදුරටත් චීන වෙළෙඳපොළ විවෘත කරදීමට චීනයේ අවධානය යොමුව තිබේ. චීනයේ බීජිං නුවර පැවති 2023 ගෝලීය ඩිජිටල් ආර්ථික සමුළුවේදී ශ්‍රී ලංකා සමුළු නියෝජිතයන් දක්වන ලද අදහස් සැලකිල්ලට ගෙන මෙම අවධානය යොමුව ඇති බව තොරතුරු හා සන්නිවේදන තාක්ෂණ නියෝජිතායතනය පවසයි.

ඇල්ල කුබල්වෙල මහමෙව්නා අසපුවේ පූජාවකට සහභාගි වන අයුරින් පැමිණ එහි පොත් මැදුර කඩා මුදල් රුපියල් 40350ක් සොරකම් කර පලාගොස් සිටි තරුණයකු අසපුවේ සවිකර තිබෙන ආරක්ෂිත කැමරා වල මාර්ගයෙන් හදුනාගෙන අද (19) අත්අඩංගුවට ගත් බව ඇල්ල පොලිසිය පවසයි .

මහා සංඝරත්නයේ ඉල්ලීම පරිදි, ජාතික උරුමයක් ලෙස ප්‍රකාශයට පත්කර ඇති සම්බුද්ධ ජයන්ති ත්‍රිපිටක ග්‍රන්ථ මාලාව ඉංග්‍රීසි අකුරෙන් ලියා අන්තර්ජාලයට මුදා හැරීමටත්, පසුව මුද්‍රණය කිරීමටත් ඉදිරියේ දී කටයුතු කරන බව බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා සඳහන් කරයි.

අම්බලන්තොට, කොග්ගලල ප්‍ර දේශයේ නිවසක සිදුවූ වෙඩි තැබීමකින් පුද්ගලයෙක් ජීවිතක්ෂයට පත්ව ඇතැයි පොලිස් මාධ්‍ය ප්‍රකාශක කාර්යාලය පවසයි.

උතුරු හා නැගෙනහිර ජනතාවගේ ගැටලු විසඳීමට අදාළ හොඳම යෝජනාවලිය මේ වන විට ඉදිරිපත් කර අවසන් එය ක්‍රියාත්මක කරනවාද, නැද්ද යන්න ඔබ තීරණය කළයුතුයි පාර්ලිමේන්තුවේ සියලු පක්ෂ නායකයන් එකඟ නම් 13 වන සංශෝධනය පූර්ණ ලෙස බලාත්මක කළ හැකියි.

මෙරට ජනතාවට අඛණ්ඩ පානීය ජල සැපයුමක් ලබාදීමේ අරමුණ ඇතිව නව ජල ගාස්තු සූත්‍රයක් සහ ප්‍රතිපත්තියක් නුදුරේදීම හඳුන්වා දෙන බව ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් මහතා පැවසීය.

ඉන්දීය අග්‍රාමාත්‍ය නරේන්ද්‍ර මෝදි මහතාගේ ඇරයුමකට අනුව ජනාධිපති රනිල් වික්‍රමසිංහ මහතා 2023 ජූලි 20-21 යන දිනවල ඉන්දියාවේ නිල සංචාරයක නිරත වීමට නියමිතය. දෙරට අතර රාජ්‍යතාන්ත්‍රික සබඳතා ස්ථාපිත කර වසර 75 ක් සපිරීමේ සංවත්සරය මෙම වසරේ දී සමරනු ලබන පසුබිමක මෙම සංචාරය සිදු කෙරේ.

කටුනායක ගුවන් තොටුපොළ වෙත ගොඩ බැස්සවීම සඳහා පැමිණෙමින් තිබූ ගුවන් යානයක්, හදිසියේම යළිත් ඉහළට එසවීම නිසා එම ගුවන් මාර්ගයේ තිබූ තම නිවාස සහ දේපොළ විශාල ලෙස හානියට පත් වූ බව මීගමුව දිසාගෙවත්ත ප්‍රදේශයේ පදිංචි කනිෂ්ක සරත්චන්ද්‍ර මහතා පැවසීය.

මස්කෙළිය ප්‍රදේශයේ වතුයායක තේ පඳුරු අතර සැඟව සිටියදී හමු වු කඳුකර කොටි පැටවුන් දෙදෙනා කොටි මවට රැගෙන යාමට ලබාදීමේ මෙහෙයුමක වනජීවී නිලධාරීන් යෙදී සිටිති.

යාපනය දිස්ත්‍රික්කයේ පැවති ග්ලෝකල් ෆෙයාර් 2023 රැකියා ප්‍රදර්ශන වැඩසටහන සඳහා සුපිරි ක්‍රිකට් ක්‍රීඩක සනත් ජයසූරිය මහතාද ඒක්වීම හේතුවෙන් යාපනයේ වැසියන්ගේ උණුසුම් පිලිගැනීමකට ලක්විය.

රාජ්‍ය වියදම් පාලනය, සෑම රුපියලකටම උපරිම වටිනාකමක් ලබාගැනීම, ආදායම් ඉහළ නංවා ගැනීම සහ රටේ ආර්ථිකය තවදුරටත් ශක්තිමත් කර ගැනීම යන මූල්‍ය වැඩපිළිවෙළ ඔස්සේ රට ඉදිරියට ගෙන යා යුතු බවත්, ඒ සඳහා ශක්තිමත් පරිපාලන යාන්ත්‍රණයක් රටට අවශ්‍ය බවත් ජනාධිපති රනිල් වික්‍රමසිංහ මහතා සඳහන් කළේය.

සුවසැරිය ගිලන් රථ සේවාව සඳහා ඉහළ සහයෝගයක් ලබා දෙන ලෙස ඉන්දියාවේ ටාටා සමාගමේ සභාපති නටරාජන් චන්ද්‍ර සේකර මහතාගෙන් ඉල්ලා සිටි බව පාර්ලිමේන්තු මන්ත්‍රී හර්ෂද සිල්වා මහතා පැවැසීය.

ප්‍රිමා තිරිගු පිටි සමාගමේ නිෂ්පාදිත තිරිගු පිටි කිලෝවක මිල (18) දින සිට රු 10 කින් අඩු කල බව දිවයින පුරා එම සමාගමේ තිරිගු පිටි බෙදා හරින සියළුම අලෙවි නියෝජිතයන් වෙත දැනුම් දි ඇත.

තෙමහල් නිවසක උඩුමහලේ කාමරයක තාවකාලිකව පදිංචිව සිටි පිරිමි පුද්ගලයා අභිරහස් ලෙස මියයාමෙන් අනතුරුව ඔහු සමඟ එම කාමරයේ ගතකළ කාන්තාවගේ සිරුර එම කාමරේම බාල්කයක එල්ලෙමින් තිබියදී සොයාගත් බව කොහුවල පොලිසිය කියයි.

ශ්‍රී ලන්කන් ගුවන් සේවය ප්‍රතිව්‍යුහගත කිරීමේ දී එය මිළදී ගැනීම සදහා ’’ ජනතා සමාගමක් ’’ ස්ථාපිත වෙමින් පවතින බව එම ගුවන් සේවයේ ශ්‍රී ලංකා නිදහස් සේවක සංගමය අද (18දා) උදෑසන පැවති ප්‍රවෘත්ති සාකච්ඡාවකදී අනාවරණය කළේය.

’’සුද්දන් රට පාලනය කරන කාලේ ගිවිසුම් ගහන කොට, එවකට සිටි අස්ගිරි මල්වතු මහා සංඝරාජ උත්තමයාණන් වහන්සේලාට දළදා හාමුදුරුවන්ගේ තේවාව පෙරහැර කරන්න සුදු ජාතිකයන් අනුග්‍රහය ලබා දුන්නා, ගිවිසුම් ගැහුවා, දැන් එම සුද්දන්ට ජාතක වෙච්ච කළු සුද්දන් මෙවර පැවැත්වෙන දළදා පෙරහැර පවත්වන්න ලක්ෂ එකසිය තිහකට වැඩි බිලක් ගෙවන්න කියලා ඉල්ලීම් කිරීම හාස්‍යයට කරුණක්’’

සිල්ලර දේශපාලනය වෙනුවෙන් පාර්ලිමේන්තුවේ න්‍යායපත්‍රය අවභාවිතා නොකරන ලෙස කම්කරු සහ විදේශ රැකියා අමාත්‍ය මනුෂ නානායක්කාර මහතා කතානායකවරයාගෙන් අද (18) උදෑසන කතානායකවරයාගෙන් ඉල්ලා සිටියේය.

මැල්සිරිපුර පොලීසිය අසාධාරණ චෝදනා එල්ල කරමින් අත්අඩංගුවට ගෙන නඩු පවරන බවට චෝදනා කරමින් පුද්ගලයෙකු අද (18දා) පෙරවරුවේ කුරුණෑගල අධිකරණ සංකීර්ණයේ වහල මතට නැඟ පොලීසියට විරෝධය පළ කරමින් විරෝධතාවයක නිරත වූහ.

රජයේ පාසල් සහ රජයේ අනුමත පෞද්ගලික පාසල්වල පළමු පාසල් වාරය 2023 ජූලි මස 21 සිකුරාදායින් අවසන් වන අතර දෙවන පාසල් වාරයේ පළමු අදියර 2023 ජූලි 24 සඳුදායින් ආරම්භ වන බව අධ්‍යාපන අමාත්‍යාංශය පවසයි.

අභිනවයෙන් ඉදිකෙරුනු ත්‍රීකුණාමලය නාවික තඨාකාංගණය නැරඹීමට මාලිමා කිමිදුම් ක්‍රීඩා සමාජය නිරීක්ෂණය සඳහා ශ්‍රී ලංකාවේ ඇමෙරිකා එක්සත් ජනපද තනාපතිනි, ජුලී චන්ග් මහත්මිය සමග නාවික හමුදාධිපති, වයිස් අද්මිරාල් ප්‍රියන්ත පෙරේරා ඇතුළු නැගෙනහිර නාවික විධා‍නයේ ජ්‍යේෂ්ඨ නිලධාරීන් පිරිසක් සහභාගී විය.

රටේ පවතින බිත්තර සහ කුකුල්මස්ප්‍රමාණවත් නොවීම හා මිලගණන් ඉහල යාමට විසඳුමක් වශයෙන් බිත්තර සහ කුකුල්මස් මේන්ම සත්ව නිශ්පාදන උතුරු පළාතෙම නිශ්පාදනය කොට ජනතාවට සහනදායි මිලකට ලබා දීමට පියවරගන්නා බව උතුරු පළාත් ආණ්ඩුකාර කාර්යාලය පවසයි.

ඌව වෙල්ලස්ස විශ්ව විද්‍යාලයේ දෙවන වසර සහ තුන්වැනි වසර සිසුන් දෙපිරිසක් අතර ඇතිවූ මතභේදාත්මක තත්වයක් හේතුවෙන් එම සිසුන් අද දා දවහල් තාවකාලිකව විශ්ව විද්‍යාල පරිශ්‍රයෙන් ඉවත් කිරීමට පාලන අධිකාරිය කටයුතු කළේය.

නිලාවේලි මුහුදේ දියනාමින් සිටියදි ගොඩබිමේ සිට මීටර් 100ක් මුහුදේ හදිසියේ ඇති වු දිය වැලකට හසුව ගසාගෙන යද්දි පාසල් සිසු සිසුවින් හතර දෙනෙකු ඊයේ (17දා) බේරා ගැනිමට පොලිස් ජිවිතාරක්ෂක ඒකකය සමත්විය.

පානදුර දකුණ පොලිස් වසමේ චෙත්‍යයක් වටා තැන්පත් කර තිබූ බුදු පිළිමවහන්සේ කිහිප නමකට කිසියම් පුද්ගලයෙකු හානිකර ඇති බවට පානදුර දකුණ පොලිස් ස්ථානයට ලැබුණ පැමිණිල්ලක් අනුව පරීකෂණ ආරම්භ කර තිබේ.

විදුලිබල සැපයුම සම්බන්ධ සියලු සේවාවන්, ඛනිජ තෙල් නිෂ්පාදන හා ඉන්ධන සැපයීම හෝ බෙදාහැරීම ඇතුළු සේවාවන් හා රෝහල්වල, සාත්තු නිවාසවල සහ වෙනත් සමාන ආයතනවල සියලු සේවා මෙමගින් අත්‍යාවශ්‍ය සේවාවන් බවට පත්කර තිබේ.

බණ්ඩාරවෙල ඇල්ල කරඳගොල්ල ප්‍රදේශයේ දී අද (18දා) උදේ බස්රථයක් ප්‍රපාතයකට පෙරළීමෙන් එහි රියැදුරු එම ස්ථානයේදීම ජීවිතක්ෂයට පත්ව තවත් අට දෙනෙකු තුවාල ලබා වැල්ලවාය දිසා රෝහලට ඇතුළත් කර ඇතැයි පොලිසිය කියයි.

බාල ඖෂධ ගෙන්වා ඇතැයි කියමින් සමහරුන් කරන ප්‍රකාශ සහ පසුගිය දිනවලදී සෞඛ්‍ය ක්ෂේත්‍රයේ සිදුවීම් ආශ්‍රිතව සොයා බැලීමට ඉහලම සුදුසුකම් සහිත විශේෂඥයින්ගෙන් සමන්විත සත් පුද්ගල කමිටුවක් පත් කල බව සෞඛ්‍ය ඇමති ආචාර්ය කෙහෙලිය රඹුක්වැල්ල මහතා කියයි.

පැමිණිල්ලකට අදාළව ඉංගිරිය පොලිසියට රැගෙන ආ පුද්ගලයකු හදිසියේ රෝගාතුර ව ඉංගිරිය දිසා රෝහලට ඇතුළත් කිරීමෙන් අනතුරුව ඊයේ (17) රාත්‍රී මියගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය.