තායිලන්තයෙන් මෙරටට ත්‍යාග කෙරුණු ඇතුන් සම්බන්ධයෙන් සමාජ මාධ්‍යයේ විවිධ පුවත් සංසරණය වුවත් තායි රාජා, කණ්ඩුල රාජා හෝ තායිලන්තයෙන් මෙරටට ලබාදුන් කිසිදු ඇතෙකු යළි ලබාගැනීම සම්බන්ධයෙන් තායිලන්ත රජය කිසිදු තීරණයක් ගෙන නොමැති බව තායිලන්තයේ ශ්‍රී ලංකා තානාපති පොජ් හර්න්පෝල් මහතා පවසයි .

මැතිවරණයක් නොපවත්වා විසුරුවා හරින ලද පළාත් පාලන ආයතන නැවත කැඳවීම සඳහා SLPP පාර්ලිමේන්තු මන්ත්‍රී ජයන්ත කැටගොඩ විසින් පාර්ලිමේන්තුවට ඉදිරිපත් කරන ලද ප්‍රජාතන්ත්‍ර විරෝධී පෞද්ගලික මන්ත්‍රී පනත් කෙටුම්පත් ට්‍රාන්ස්පේරන්සි ඉන්ටනැෂනල් ශ්‍රී ලංකා ආයතනය (TISL) විසින් හෙළා දකියි.

2019 ජනාධිපතිවරණයෙන් පසුව මාසයක් දෙකක් හෝ තුනක් ඇතුළත රටේ සුපිරි ධනවතුන්ට බිලියන 600ත් 700ත් අතර බදු සහන ලබා දුන් බවත් ඒ නිසා රාජ්‍ය ආදායම දළ දේශීය නිෂ්පාදිතයේ ප්‍රතිශතයක් ලෙස සියයට 12 සිට 8 දක්වා පහළ වැටුණු බවත් විපක්ෂනායක සජිත් ප්‍රේමදාස මහතා පැවැසීය.

ඉහළ කොත්මලේ ජලාශයේ ජල පෝෂක ප්‍රදේශවලට මේ දිනවල පවතින අධික වර්ෂාවත් සමග ජල පහරවල් ඔස්සේ ජලාශයට විශාල ලෙස කැළි කසළ එකතුවීමේ අවධානමක් මතුව ඇතැයි උඩරට පරිසර සංගම් නියෝජිතයෝ පවසති.

එක් අලියෙක් පිටරටකට ගෙන ගිය විට ඒ සම්බන්ධයෙන් හඬනගා මෙරට බෞද්ධ සංස්කෘතියට පහර ගැසීමටත් සංස්කෘතිය වෙනස් කිරීමටත් සෝදාපාළුවට ලක් කිරීමටත් නොයෙක් සංවිධාන ක්‍රියා කරමින් සිටින බව අස්ගිරි පාර්ශවයේ අනුනායක පූජ්‍ය ආණමඩුවේ ධම්මදස්සී නාහිමියෝ පවසති .

ශ්‍රී ලංකා මහ බැංකුවේ මුදල් මණ්ඩලය ඊයේ (05දා) පැවැත්වූ රැස්වීමේදී ප්‍රතිපත්ති පොලී අනුපාත තවදුරටත් පහළ දැමිමට තීරණය කර තිබේ.

මන්දමානසික 20 හැවිරිදි තරුණයකු අතවරයට ලක්කළ බව කියන පොලිස් සැරයන්වරයකු සහ බීමතින් කලහකාරී ලෙස හැසිරුණු පොලිස් කොස්තාපලවරයකු ඊයේ (5) අත්අඩංගුවට ගත් බව ඌවපරනගම පොලිසිය පවසයි.

මධ්‍යම කදුකරයේ බටහිර බැවුම් ප්‍රදේශවලට කඩින් කඩ ඇද හැලෙන අධික වැසි සහ දැඩි සුලං තත්ත්වය හේතුවෙන් නුවරඑලිය සහ හැටන් කලාප අධ්‍යාපන කාර්යාල යටතේ පාලනය වන සියළුම පාසල් (06 සහ 07) දෙදින තාවකාලිකව වසා දැමිමට කලාප අධ්‍යාපන අධ්‍යක්ෂකවරුන් විදුහල්පතිවරුන්ට උපදෙස් ලබා දි ඇත.

ශ්‍රී ලංකාව සහ තායිලන්තය අතර සිදු කෙරෙන සත්ව හුවමාරු වැඩසටහනක් යටතේ ’’ ද්විත්ව කරමල් කැසොවරි ’’ ( Double Wattled Cassowary ) කුරුල්ලන් තිදෙනකු 07/05 දින රාත්‍රී තායිලන්තයේ සිට දෙහිවල සත්වෝද්‍යානය සදහා කටුනායක ගුවන් තොටුපොළ වෙත එවා තිබුණි.

මාලදිවයින සහ ඩුබායි අතර මෙරට සිට ක්‍රියාත්මක මෙතෙක් හඳුනා නොගත් මත්ද්‍රව්‍ය ජාවාරමක් මෙහෙයවන සුපිරි කෝටිපති ධනවතකු සහ කෝටිපති ව්‍යාපාරික පුතෙකු මෙන්ම තවත් පුද්ගලයකු මත්ද්‍රව්‍ය සමඟ අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක බලකාය කියයි.

මේ වසරේ ගෙවීගිය කාලය තුළදී ඩෙංගු රෝගීන් 50,264ක් හා ඩෙංගු නිසා පුද්ගල මරණ 31ක් වාර්තා වී තිබෙන බවත්, මීට අමතරව ගම්පහ දිස්ත්‍රික්කයෙන් වාර්තා වන ඩෙංගු රෝගීන්ගේ ප්‍රමාණය 11,003ක් දක්වා ඉහළ ගොස් තිබෙන බවත් සෞඛ්‍ය අංශ සඳහන් කරයි.

ප්‍රතිකාර සඳහා තායිලන්තය වෙත රැගෙන ආ මුතුරාජා හෙවත් සක්සුරින් හස්තියා නැවතත් ශ්‍රී ලංකාව වෙත භාරදීමක් සිදු නොවනු ඇතැයි තායිලන්තයේ ස්වභාවික සම්පත් සහ පරිසර අමාත්‍ය වරාවුට් සිල්පා-අර්චා ඊයේ (05දා) දිනයේ පැවසූ බව එරට මාධ්‍ය වාර්තා කරයි.

කාබනික පොහොර හා රසායනික පොහොර සම සමව භාවිතා කරමින් 2022/2023 මහ කන්නයේදි අක්කරයකින් වැඩිම වී අස්වැන්නක් ලබාගත් හම්බන්තොට රිදියගම ප්‍රදේශයේ ගොවීන් සිවි දෙනෙකුට පසුගියදා ජනාධිපති සම්මානය හිමිවිය.

අද දහවල් කාලයේ අගලවත්ත ප්‍රාදේශීයට හැමු අධික සුළං හේතුවෙන් ගලේවත්තේ පිහිටි පුද්ගලික දුරකතන සමාගමකට අයත් සංඥා කුළුණක් අසළ පිහිටි තේ ඉඩමකට කඩා වැටි ඇත.

කන්ද උඩරට ඓතිහාසික ඇසළ පෙරහැර අගෝස්තු මස 21 සිට 31 දක්වා සිදු සිදුකිරීමට නියමිතය.

ශ්‍රී ලංකාවට ආවේණික කෙතල (කෙටල) විශේෂයක් ගාල්ල, හියාරේ වන රක්ෂිතයෙන් සොයාගැනීමට හැකි වූ බව පර්යේෂකයෝ පිරිසක් කියති.

මහනුවර හා තදාසන්න ප්‍රදේශවල ධාවනය වන පුද්ගලික බස් රථ G.P.S. තාක්ෂණය ඔස්සේ නිරීක්ෂණය කිරීමට මහනුවර නගර සංවර්ධන කමිටුව යටතේ තීරණය වී තිබේ.

රෝහල්ගතව හෝ නිවෙස් තුළ ප්‍රතිකාර ලබාගන්න සමස්ත කෝවිඩ් රෝගීන්ගේ ප්‍රමාණය 05ක් පමණක් බවත්, මේ මස 30වැනිදායින් පසු කෝවිඩ් මරණ වාර්තා වී නොමැති බවත් සෞඛ්‍ය අංශ පෙන්වා දෙයි.

නිවාස ඉදිකර දෙන බවට හා ණය පහසුකම් මත නිවාස ලබාදෙන බවට ගිවිසුම් ලබාදී රුපියල් 19 215 000 ක මුදලක් වංදා කිරිමකට සම්බන්ධ පුද්ගලික සමාගමක හිමිකරුවෙක් අත්අඩංගුවට ගැනීම සඳහා පොලීසිය පරීක්ෂණ ආරම්භ කර තිබේ.

කැලණි ගඟේ සහ මුහුදු තීරයේ පාවෙමින් තිබූ නාඳුනන මළ සිරුරු තුනක් ඊයේ ( 4) එකම දිනක දී හමුවූ බව පොලිසිය කියයි. මළ සිරුරු තුනෙන් දෙකක් පිරිමි පුද්ගලයන්ගේ බවත් අනෙක කාන්තාවකගේ බවත් පොලිසිය කියයි

තරුණියක් සතුව තිබූ රුපියල් ලක්ෂ දෙකක් පමණ වටිනවා රන් මාලයක් සහ ටේලර් කාඩ් පතක් සොරකම් කර, එම කාඩ්පත් භාවිතා කර රුපියල් 18,000කට වැඩි මුදලක් සොරකම් කළ එම තරුණියගේ මාමා, අත්අඩංගුවට ගැනීමට ඊයේ ( 4දා) විමර්ශනයක් ආරම්භ කළ බව අනුරාධපුර පොලිසිය පවසයි.

උඩරට දුම්රිය මාර්ගයේ තලවකැලේ හා වටගොඩ දුම්රිය ස්ථාන අතරදී දුම්රියක් පීළි පැනීම හේතුවෙන් උඩරට දුම්රිය මාර්ගයේ දුම්රිය ගමනාගමනයට අද (05) උදෑසන බාධා එල්ලවී පැවැති බව නාවලපිටිය දුම්රිය පාලක මැදිරිය පවසයි.

වයස අවුරුදු 15-44 අතර ආර්ථික වශයෙන් ඵලදායී වයස් කාණ්ඩයේ මරණ වලට ප්‍රධානතම හේතුව සහ එම වයස් කාණ්ඩයේ ප්‍රධානතම සෞඛ්‍ය ගැටලුව අනතුරු වන බවට සෞඛ්‍ය අමාත්‍යාංශයේ බෝ නොවන රෝග ඒකකය අනාවරණය කරයි.

කෘෂිකර්ම අමාත්‍යාංශය යටතේ ක්‍රියාත්මක කුඩාපරිමාණ කෘෂි ව්‍යවසායකත්ව සහභාගිත්ව වැඩසටහන (SAPP- Small Scale Agri- Business Participation Project) යටතේ ලබන මහ කන්නයේ දී බඩඉරිඟු වගාව සඳහා දිස්ත්‍රික්ක පහක් තෝරාගෙන එහි ගොවීන්ට අවශ්‍ය සහන රැසක් ලබා දීමට පියවර ගෙන තිබේ.

සෝමාවතිය රජ මහා විහාරය වැඳ පුදා ගැනීමට පැමිණි හිමිනමක් වන අලි ප්‍රහාරයකින් අද (05) උදෑසන මරුමුවට පත්ව ඇතැයි පුලස්තිපුර පොලිසිය පවසයි.

සියම් රජතුමා දළදා මාලිගාවට පූජා කළ තායි රාජා හස්තියා නැවත තායිලන්තයට ගෙන යාමට උත්සාහ කළහොත් ඇතාගේ නඩත්තුවට ගිය වියදම ඉල්ලා තමන් නඩු පවරන බව හිටපු දියවඩන නිලමේ නෙරංජන් විජේරත්න මහතා පවසයි .

මෙම වසරේදී මෙරට අපනයන ආදායමෙන් 25%ක් පමණ අඩුවනු ඇතැයි පුරෝකථනය කර ඇති බව වාර්තා වෙයි. යුරෝපයෙන් මෙරටට ලැබුණු ඇනවුම් අඩුවීම ඊට හේතු වී ඇති බව වාර්තා වේ.

ලෝක බැංකුව විිසින් ශ්‍රී ලංකාවට ලබාදීමට අනුමත කළ ඇමෙරිකානු ඩොලර් මිලියන 700ක ණය අධාරයෙන් ඇමෙරිකානු ඩොලර් මිලියන 250ක මුදලක් නිදහස් කර ඇතැයි මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

වැඩි වශයෙන් ශ්‍රී ලාංකික තරුණ තරුණියන් ජපානයේ තාක්ෂණික සීමාවාසික පුහුණු ලාභීන් ලෙස බඳවාගැනීමට ඇති හැකියාව සම්බන්ධයෙන් සොයාබලන ලෙස ශ්‍රි ලංකා විදේශ සේවා නියුක්ති කාර්යාංශයේ සාමාන්‍යාධිකාරි ඩී.ඩී.පී.සේනානායක මහතා, ජපානයේ IRO ආයතනයේ සභාපති Norikai Suga මහතාගෙන් ඉල්ලා සිටියේය.