මහනුවර ඓතිහාසික පෙරහර පැවති දින 15 තුළ දී මහනුවර නගරයෙන් කසල ටොන් 250ක් පමණ ගුහාගොඩ කසල අංගනයට බැහැර කිරීමට සිදු වූ බව මහනුවර මහ නගර සභාවේ කසළ කළමනාකරණ ඒකකයේ ප්‍රධාන ඉංජිනේරු නාමල් දිසානායක මහතා පවසයි .

වත්මන් ජනාධිපති රනිල් වික්‍රමසිංහ මහතා ජනාධිපතිවරයා වශයෙන් මේ රටේ පත් නොවන්නට ඉන්ධන පෝලිම් ගෑස් පෝලිම් නිමා නොවනු ඇති බවත් රටේ පවතින ආර්ථික ප්‍රශ්නවලට විසඳුම් ලබා දිය හැකි බව ක්‍රියාවෙන් ඔහු ඔප්පු කොට තිබෙන බැවින් එම වැඩපිළිවෙළ ඉදිරියට ගෙන යාම සඳහා තවත් අවස්ථාවක් ලබා දිය යුතු යැයි නැගෙනහිර පළාත් ආණ්ඩුකාර සෙන්දිල් තොණ්ඩමන් මහතා පවසයි.

හෝමාගම කටුවාන කර්මාන්ත පුරයට යාබද දෙල්ගහවත්ත ප්‍රදේශය හරහා වෙල් යායක් මැදින් ගලා බසින ඇල වේල්ලක දින පහක පමණ සිට සුදුපැහැති විශාල ප්‍රමාණයේ හදුනා නොගත් පුලුන් රොදක් වැනි යමක් හට ගැනීමෙන් පාරිසරික හා සෞඛ්‍ය ගැටළු රැසක් මතුව ඇතැයි ජනතාව චෝදනා කරති.

මැලේරියා රෝගය වැළඳුණු යුද හමුදා සෙබලෙකු අනුරාධපුරයෙන් සොයා ගැනුණු බවත්, විදේශ ගතව සිට පැමිණ සිටි මෙම සෙබලා, මේ වන විට අනුරාධපුර පිහිටි වික්ටරි යුධ හමුදා රෝහලේ ප්‍රතිකාර ලබන බව අනුරාධපුර ප්‍රාදේශීය සෞඛ්‍ය සේවා කාර්යාලය පවසයි.

තමා විසින්ම අනවසර ලෙස වගාව ආරක්ෂා කර ගැනීම සඳහා ඇද තිබු විදුලි රැහනක පැටලීමෙන් මධ්‍යම පළාත් සභාවේ හිටපු ජනතා විමුක්ති පෙරමුණේ පළාත් සභා මන්ත්‍රීවරයෙකු ජීවිතක්ෂයට පත්ව ඇතැයි නුවරඑළිය පොලීසිය පවසයි.

ශ්‍රී ලංකාව සදහා වන ජාතික හයිඩ්‍රජන් මාර්ග සිතියම විදුලිබල හා බලශක්ති අමාත්‍යාංශයේ දී නිකුත් කර තිබේ.

මුදල් රාජ්‍ය අමාත්‍ය රංජිත් සියඹලාපිටිය මහතා හදිසියේම රෝහල් ගතකර තිබෙන බව සඳහන්.

රටේ සියලු ජනතාවගේ පානීය ජල අවශ්‍යතාව සපුරාලීමේ ඉලක්කය ජය ගැනීම සඳහා ප්‍රජා ජල ව්‍යාපෘති ඉදිකිරීම කඩිනම් කර තිබෙන බව ජල සම්පාදන රාජ්‍ය අමාත්‍ය සනත් නිශාන්ත මහතා පැවසීය.

ආණමඩුව වෙම්බුවැව වෙල්යායෙ වල් ඌරන් මැරිම සදහා අටවා තිබු නිති විරෝධි විදුලි රැහැනක පැටලුන සද්ධන්ත ඇතෙකු විදුලි සැර වැදි එම ස්ථානයෙදීම මරණයට පත්ව ඇති බව පුත්තලම වනජීවි පාලන ඒකකය කියයි.

කුකුල් මස් කිලෝවක් රු 1250 මිලකට අලෙවි කල නොහැකි බව හැටන් ප්‍රදේශයේ කුකුල් මස් අලෙවිකරුවන් පවසයි.

සැප්තැම්බර් මස පළමු දින වන විට මෙම QR ක්‍රමවේද පද්ධතියේ ලක්ෂ 65ක් ඉක්මවූ පිරිසක් සහ රථ වාහන සංඛ්‍යාවක් ලියාපදිංචි කිරීමට සහ මෙම පද්ධතිය හරහා ඉන්ධන බෙදා හැරීමේ ගණුදෙණු ලක්ෂ 3500ක් ඉක්මවා සිදු කර ඇති බවද ඔහු පවසයි.

ග්ලෝබල් ෆිනෑන්ස් සඟරාව විසින් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා ‘ඒ-’ ඉහළ ශ්‍රේණිගත කිරීමට ලක්කර ඇති බව ශ්‍රී ලංකා මහ බැංකුව සඳහන් කරයි.

ආණ්ඩුක්‍රම ව්‍යවස්ථාවෙන් බුදුදහමට උත්තරීතර තැනක් හිමිවන බැවින් බුදු දහම සුරක්ෂිත කර ආරක්ෂක කිරීම පුරවැසියන් ලෙස අපේ වගකීම නමුත් විවිද පාලන. තන්ත්‍රවල දී සම්බුද්ධ සාසනයට ලැබිය යුතු ගෞරවය ලබා දීමට අපොහොසත් වී ඇති බවත් විපක්ෂ නායකවරයා පැවසීය.

වසර 4කට පමණ පසුව ඉන්දියාව හා පාකිස්තානය අතර පැවැති එක්දින තරගයට වර්ෂාවෙන් බාධා ඇති වීම හේතුවෙන් එම තරගය විසඳුමකින් තොරව අවසන් විය.

සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහි විශ්වාස භංග යෝජනාව ලබන 6,7 සහ 8 තෙදින විවාදයට ගැනීමට ඊයේ (01) පෙරවරුවේ කථානායක මහින්ද යාපා අබේවර්ධන මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබද කාරක සභාවේදී තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

වතු කම්කරුවන් සහ කළමණාකාරිත්වය අතර ඇතිවන්නා වූ විවිධ වෘත්තීය සමිති ගැටුම්වලට පොලිසියේ මැදිහත් වීම ගැටලුවක් බව පසුගියදා පැවති මහජන ආරක්ෂක කටයුතු පිළිබඳ අමාත්‍යාංශයීය උපදේශක කාරක සභාවට සහභාගී වූ මන්ත්‍රීවරයන් විසින් ඉස්මතු කරන ලදී.

මුල්ලේරියාව පොලිස් වසමේ මෙගොඩ කැළණිය පාලම අසන්නයේ පොලිස් මාර්ග බාධකයේදී අංගෝ දෙස සිට කැළණිය දෙසට පසු පැදිකරුවෙකුත් සමග ධාවනය වූ යතුරුපැසියක් පරීක්ෂා කිරීම සඳහා නැවැත්වීමට සංඥා කළ අවස්ථාවේදී එම යතුරුපැදියේවේගය අඩාල කර නැවත එකවර නොනවත්වා ධාවනය කර ඇති අතර පසු පැදිකරු විසින් ඔහුගේ ඉනේ සඟවාගෙන සිටි පිස්තෝල අවියට සමාන අවියක් අතටගෙන පොලිස් විශේෂ කාර්ය බලකා නිලධාරීන් වෙඩි තැබීමට සූදානම් වී ඇතැයි පොලීසිය කියයි.

ආසියානු කුසලාන එක්දින තරගාවලිය යටතේ ඉන්දියාව හා පාකිස්තානය අතර පැවැත්වෙන තරගය අද නුවර පල්ලෙකැලේ පිටියේදී පැවැත්වීමට නියමිතය.

13 වැනි ආණ්ඩුක්‍රම ව්‍යවස්ථා සංශෝධනය යටතේ ක්‍රියාත්මක ඉඩම් හා පොලිස් බලතල හැරුණුකොට අනෙක් සියලුම බලතල පළාත් සභාවලට දියයුතු බවට ජනාධිපතිවරයා ප්‍රමුඛ රජයේ ස්ථාවරය වී තිබෙන බව ආණ්ඩු පක්ෂයේ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

ඖෂධ සැපයීමේ ක්‍රියාවලිය කඩිනම් කිරීම සඳහා ඒ ඒ ඖෂධ සඳහා වන සුදුසුකම් ලත් ලියාපදිංචි සැපයුම්කරුවන් ප්‍රමාණය ඉහළ නැංවීමට අවශ්‍ය පියවර ගන්නා ලෙස සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා ජාතික ඖෂධ නියාමන අධිකාරියට අද (01) උපදෙස් ලබා දුන්නේ ය.

රජය විසින් ඉන්ධන මිල වැඩි කිරීමට සාපේක්ෂව බස් ගාස්තු සියයට 4කින් ඉහළ නැංවීමට ජාතික ගමනා ගමන මණ්ඩලය අවසර දී තිබේ.

ශ්‍රී ලංකාව, ඉන්දියාව සහ නේපාලයේ ත්‍රිවිධ හමුදාවන් සහ තරුණ තරුණියන්ගේ සහභාගිත්වයෙන් බුදුන් උපන් ලුම්බිණියේ සිට කොළඹ දක්වා පැවැත්වීමට නියමිත ප්‍රදර්ශනාත්මක යතුරුපැදි සවාරිය පිළීබඳ මූලික සාකච්ඡාවක් අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් අද (01දා) දින අරලියගහ මන්දිරයේදී පැවැත්විණී.

මතුගම සිරි කඳුර ප්‍රදේශයේ මත්ද්‍රව්‍ය ජාවාරමක් සිදු වන බවට සුරාබදු විශේෂ මෙහෙයුම් ඒකකයට ලද තොරතුරකට සුරාබදු නිලධාරීන් ද වෙස් වලාගෙන මත්ද්‍රව්‍ය ජාවාරම්කරුවන් සේ එම මත්ද්‍රව්‍ය මිලදී ගන්නා මුවාවෙන් එම ප්‍රදේශයට පැමිණ මත්ද්‍රව්‍ය ජාවාරම්කරුවන් මුණගැසී ඇතැයි පොලිසිය කියයි.

ආසියානු කුසලාන තරගාවලියේ පාකිස්තානයේ පැවැත්වෙන තරග සදහා එක්වීමට ශ්‍රී ලංකා ක්‍රිකට් කණ්ඩායම අද (01දා) පස්වරුවේ කටුනායක ගුවන් තොටුපොළෙන් පකිස්තානය බලා පිටත්ව ගියහ.

සමනල වැව ජලාශයේ ජල කාන්දුව සිදුවන ස්ථාන 6ක් හඳුනාගෙන තිබේ. බලශක්ති අමාත්‍යංශය පවසන්නේ එම ජල කාන්දු සිදුවන ස්ථාන වසා දැමීමට කටයුතු කළ බවයි. එහි පිළිසකර කිරීමේ කටයුතු ද කඩනමින් සිදු කරන බව ද අමාත්‍යංශය පවසයි.

ඉන්ධන බෙදා හැරීම වෙනුවෙන් පැවැති ඉන්ධන බලපත්‍ර ක්‍රමය හෙවත් කිව් ආර් ක්‍රමවේදය ඉවත් කිරීමට ඛනිජ තෙල් නීතිගත සංස්ථාව කටයුතු කර තිබේ.

අරගල සමයේ කොටුව ජනාධිපති මන්දිරයේ විශේෂ රාජකාරි සදහා යොදවා සිටියදි අරගලකරුවන් සමග එක්ව එහි පියානෝවක් වාදනය කළ පොලිස් කොස්තාපල්වරයකු සිද්ධියෙන් වසරකට පසුව පොලිස්පතිවරයාගේ නියමයෙන් වහාම ක්‍රියාත්මක වන පරිදි වැඩතහනම් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පැවසීය.

හිටපු පාර්ලිමේන්තු මන්ත්‍රීවරයෙකු විසින් බලහත්කාරයෙන් අල්ලාගෙන අල්ලා ගෙන තිබූ බව කියන වනාතවිල්ලුව වීරක්කොඩි චෝලයි රක්ෂිත වනාන්තරයට අයත් අක්කර 165 ක ඉඩම වන සංරක්ෂක ජනරාල්වරයා වෙත වහාම ආපසු භාර දීමට පුත්තලම මහේස්ත්‍රාත් මිහිල් සතුරුසිංහ මහතා නියම කළේය.

කොළඹ ප්‍රධාන පෙළේ පෞද්ගලික රෝහලක සිදු වි යැයි කියන රුපියල් කෝටි ගණනාවක මුදල් වංචාව සම්බන්ධයෙන් හිටපු ගණකාධිකාරි, සහකාර ගණකාධිකාරිවරිය ඇතුළු හත් දෙනකු ඊයේ (31) අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන ඇතැයි එම රෝහල් ආරංචිමාර්ග සඳහන් කරයි.