ජනාධිපතිවරණය පැවැත්විමට තවත් වසර දෙකක කාලයක් පවතින බවත්, එම කාලය තුළ ජනාධිපති රනිල් වික්‍රමසිංහ මහතාට තම පක්ෂයේ සහයෝගය ලබාදෙන බවත්, ඉන් අනතුරුව පැවැත්වෙන ජනාධිපතිවරණයේදි ශ්‍රි ලංකා පොදු ජන පෙරමුණෙන් ජනාධිපති අපෙක්ෂකයෙකු ඉදිරිපත් කරනවාද නැතහොත් පොදු අපෙක්ෂකයෙකු ඉදිරිපත් කරනවාද යන්න පිළිබදව සලකා බලන බව මහනුවර දිස්ත්‍රික් පා.ම මහින්දානන්ද අලුත්ගමගේ මහතා පැවසිය.

කළුතර ප්‍රදේශයේ ප්‍රසිද්ධ විහාරස්ථානයක වැඩවසන හිමිනමකට අයත් රුපියල් ලක්ෂ 11 කට ආසන්න මුදලක් සොරකම් කර ඇති බවට පෙරේදා (08) ලද පැමිණිල්ලක් මත පරීක්ෂණ ආරම්භ කල බව කළුතර උතුර පොලිසිය පැවසීය.

ජාත්‍යන්තර මූල්‍ය අරමුදලේ වාර්ෂික රැස්වීම මොරොක්කෝවේ, මරකේච්හිදී අද (09දා) ආරම්භ වේ.

පොලිස් දෙපාර්තමේන්තුවේ තේමා පාඨය වන &ධම්මේ හවේ රක්ඛති ධම්මචාරී” යන පාඨයට අනුව කටයුතු කිරීමට පොලිස්පතිවරයා ඇතුළු පොලිස් දෙපාර්තමේන්තුව වගබලාගත යුතු බව ශ්‍රේෂ්ඨාධිකරණය අවධාරණය කළේය.

ප්‍රවීණ කළාකරුවෙක් වූ ජැක්සසන් ඇන්තනී මහතා කොළඹ ජාතික රෝහලේ දැඩි සත්කාර ඒ්කකයේ ප්‍රතිකාර ලබමින් සිටියදී මියගොස් තිබේ. අනුරාධපුර, තලාවේදී ඔහු ගමන්ගත් කැබ් රථය වන අලියෙකු ගැටීමෙන් සිදුවූ අනතුරක් හේතුවෙන් පසුගිය වසරේ ජුලි මාසයේදී රෝහල් ගත කරනු ලැබීය.

ශ්‍රී ලංකා කෘෂිකර්ම හා පශු සම්පත් බලකායට අයත් කරන්දෙණිය කොහිල වගුර යුධ හමුදා කදවුරෙහි ටී 56 වර්ගයේ ගිනි අවියක් අස්ථානගත වීම සම්බන්ධයෙන් අද (8) පැමිණිල්ලක් ලැබුණු බව කරන්දෙණිය පොලීසිය කියයි.

තලන්ගම දී ව්‍යාපාරික වෙඩි තබා ඝාතනය කිරීමේ සිද්ධියේ තුවක්කුකරු වන හිටපු කොමාන්ඩො සෙබලා වන සුපුන් ආකාශ් නොහොත්කොට සුපුන් නැමැත්තා පොලිස් විශේෂ කාර්ය බලකායේ නිලධාරීන් පිරිසක් සමග සමඟ ඇතිවූ වෙඩි හුවමාරුවෙන් අනතුරුව පාදුක්ක දිසා රෝහලට ඇතුළත් කිරීමෙන් අනතුරුව මිය ගොස් ඇතැයි හංවැල්ල පොලිසිය කියයි.

උඩුගම හෝමදොළවත්තේ පදිංචි 18 හැවිරිදි වියේ පසුවන අවිවාහක තරුණියක් දරුවකු ප්‍රසුත කිරිමෙන් පසු එම බිළිදා නානකාමරයේ බේසමකට දමා උදරයේ ඇති රෝගි තත්වයක් බව පවසමින් උඩුගම රෝහලට ඇතුලත්ව ඇති බව උඩුගම පොලිසිය පවසයි.

මහවැලි ව්‍යාපාරයෙන් මඟහැරුණු මහවැලි ඒ හා බී කලාප දෙක සංවර්ධනයට පියවර. නිලාවේලි සිට පානම දක්වා පුළුල් සංචාරක ප්‍රවර්ධන සැලැස්මක් ජනපති මඩකලපුවේ දී කියයි.

මින් ඉදිරියට කටවුට් සහ පෝස්ටර්වල සිය ඡායාරූපය ප්‍රදර්ශනය නොකරන ලෙස ජනාධිපති රනිල් වික්‍රමසිංහ මහතා උපදෙස් දුන්නේය.

මගීන් නංවා ගැනීම සඳහා තරඟයට ධාවනය යෙදුණු පෞද්ගලික බස් රථ දෙකක් හොරණ බැල්ලපිටිය ප්‍රදේශයේදී එකිනෙක ගැටීමෙන් පුද්ගලයන් 6 දෙනෙකු තුවාල ලබා රෝහල් ගත කළ බව හොරණ මූලස්ථාන පොලීසිය කියයි

පහ වසර ශිෂ්‍යත්ව විභාගය දරුවන්ගේ මානසික ආතතිය වැඩි කරන විභාගයක් බවට පත්ව ඇති බවත් තරගකාරීත්වය කින් තොරව සහජ දක්ෂතාව මත දරුවාගේ දැනුම මට්ටම හඳුනා ගැනීමේ අරමුණෙන් පවත්වනු ලැබූ එම විභාගය මේ වන විට ව්‍යාපාරික අරමුණු ඔස්සේ පෙළගැසුණු අමතර පන්ති හා වැඩමුළු බවට පත්ව ඇති බව මහනුවර ජාතික රෝහලේ හිටපු විශේෂඥ මනෝ වෛද්‍ය ඩබ්ලිව්. ඒ. එල්. වික්‍රමසිංහ මහතා පවසයි.

අනුරාධපුර නව නගර මධ්‍යයේ පිහිටා ඇති කුම්බිච්චන්කුලම වැවේ ලක්ෂ ගණනින් මත්ස්‍යයන් මිය යෑම පාලනය වෙමින් පවතින බවත් ඊයේ (8දා) වන විටත් ජීවිතක්ෂයට පත්ව සිටි මසුන් නගර සභා සේවකයන් මගින් ඉවත් කිරීම සිදු කෙරුණු බව නගර වැසියෝ පවසති.

මාර්ග රාජකාරියේ යෙදී සිටි පොලිස් නිලධාරීන් දෙදෙනෙකුට බැන තර්ජනය කළ කන්ටේනර් රථ රියදුරන් තිදෙනෙකුට දඩ මුදලක් හා වන්දි මුදලක් ගෙවීමට සිදු වු බව මහබාගේ පොලීසිය පවසයි.

මිහින්තලේ පිහිටි රජරට විශ්ව විද්‍යාලයේ ආපන ශාලාවට ආහාර සපයන පුද්ගලයෙකුගෙන් අල්ලස් ලෙස, මත්පැන් බෝතලයක් සහ පැණි බීම බෝතලයක් ලබා ගත් රජරට විශ්වවිද්‍යාලයට අනුයුක්ත මහජන සෞඛ්‍ය පරීක්ෂකවරයෙකු, විශ්ව විද්‍යාල කාර්යමණ්ඩලයේ පිරිසක් රැක සිට අල්ලා ගෙන පොලීසියට භාර දුන් බව මිහින්තලේ පොලිසිය පවසයි.

මහියංගන රජමහා විහාරයේ පෙරහරට සම්බන්ධ වීමට පැමිණි සීතා ඇතින්නට වෙඩි තැබීමේ සිද්ධිය යට ගැසීමට කුමන්ත්‍රණයක් ක්‍රියාත්මක වෙමින් පවතින බවට හැඟී යන බැවින් සිද්ධිය සම්බන්ධයෙන් සාධාරණය ඉෂ්ඨ කරගැනීම සඳහා අපරාධ පරීක්ෂණ දෙපාර්තමේන්තුවට පැමිණිල්ලක් සිදු කළ බව එම ඇතින්නගේ හිමිකරු වන එස්. එම්. රොෂාන් මහතා පවසයි.

අයහපත් කාලගුණය නිසා හෙට (9දා) සහ අනිද්දා(10දා) ගාලු දිසාවේ සියලුම පාසල් වසා දැමීමට දකුණු පළාත් අධයාපන අමාතයාංශය කියයි.

යාපනය චුන්නාකම් පොලිස් වසමේ පුන්නාලෙයි කට්ටුවාන් ප්‍රදේශයේ දෙපිරිසක් අතර ඊයේ (07) රාත්‍රියේ ඇති වූ ගැටුමක් හේතුවෙන් යතුරුපැදි 03 ක් ගිනිගෙන සම්පූරණයෙන්ම විනාශ වී ඇතැයි පොලීසිය පවසයි.

කාසල්රි සහ මවුස්සාකැලේ ජල පෝෂක ප්‍රදේශවලට පසුගිය දින කිහිපය තුල මිලිමිටර් 23 ක වර්ෂාපතනයක් ලැබුණු බවත්, ඒ අනුව කාසල්රි සහ මවුස්සාකැලේ ජලාශවල ජල මට්ටම පිටාර මට්ටමට ඉතා ආසන්න වෙමින් පවතින බව එම ජලාශයන් භාර ඉංජිනේරුවන් පැවසිය.

පාර්ලිමේන්තු මන්ත්‍රී නාමල් රාජපක්ෂ මහතාගේ විවාහ උත්සවය වෙනුවෙන් පාවිච්චි කරන ලදැයි කියන රුපියල් ලක්ෂ විසිහයක හිග විදුලි බිල ගෙවා දැමූ රාජ්‍ය අමාත්‍ය සනත් නිශාන්ත මහතාට තමන්ගේ හිග විදුලි බිල් පත් ද ගෙවා දමන ලෙස ඉල්ලමින් පිටිගල, අමරගම වැසියෝ සිය විදුලි බිල් පත් ඒ මහතා ට ලැබෙනසේ තැපැල් කර යැවීමට පියවර ගත්හ.

බද්දෙගම හරහා ගලා බසින ගිංගගේ ජල මට්ටම පිටාර මට්ටමේ පවතින බැවින් මහා ගංවතුරක් පැමිණිය හැකි හෙයින් බද්දෙගම ජනතාවට ආරක්ෂිත ස්ථාන කරා ගමන් ගන්නා ලෙස් ගාල්ල දිස්තික් ලේකම් ශාන්ත වීරසිංහ මහතා නිවේදනයක් නිකුත් කරමින් ඉල්ලා සිටී.

කොළඹ සිට බදුල්ල බලා ධාවනය වෙමින් තිබූ මෝටර් රථයක් අද (8) අළුයම 1 .00 ට පමණ බදුල්ල - කොළඹ මහා මාර්ගයේ 5 කනුව ප්‍රදේශයේදී මාර්ගයෙන් ඉවතට පැන අඩි 70 පමණ පහලින් පිහිටි බදුළුඔයට වැටී අනතුරට ලක්වී තිබේ.

ලෝක කුසලාන තරගාවලියේ දකුණු අප්‍රිකාව හා ශ්‍රි ලංකාව අතර පැවැති තරගයෙන් ලකුණු 102ක ජයක් වාර්තා කිරිමට දකුණු අප්‍රිකා කණ්ඩායම සමත්විය.

අනුරාධපුර දිස්ත්‍රික්කයේ, තඹුත්තේගම පොලිස් වසමේ රාජාංගනය නවසිරිගම ප්‍රදේශයේදී පුද්ගලයකු විසින් තියුණු ආයුධයකින් ඇණ කාන්තාවක ඝාතනය කර ඇත.

ලෝක කුසලාන තරගාවලිය යටතේ ශ්‍රී ලංකාව හා දකුණු අප්‍රිකාව අතර පැවැත්වෙන තරගයේ පළමුවෙන්ම පන්දුවට පහරදුන් දකුණු අප්‍රිකානු කණ්ඩායම පන්දුවාර 50 තුළදී කඩුලු පහකට ලකුණු 428ක් රැස්කරමින් ලංකාවට දැවැන්ත ඉලක්කයක් ලබාදුන්නේය.

මාධ්‍ය මගින් මත් දුම්වැටි හා මත්පැන් ප්‍රවර්ධනය වීම වැලැක්වීට කමිටුවේ අවධානය මන්ත්‍රීවරු 225 දෙනාගේම අත්සනින් මත් උවදුර තුරන් කරන්න, පාර්ලිමේන්තුවට යෝජනාවක් ඉදිරිපත් කරන්න - විපක්ෂ නායක වරයාගෙන් යෝජ නාවක් දුම්වැටි හා මත්පැන් අලෙවියෙන් ආණ්ඩුවට ලැබෙන බදු ප්‍රමාණයන් ගැන පැහැදිලි කිරීමක් අවශ්‍යයි - ඒ සඳහා අවශ්‍ය නිලධාරීන් කමිටුව හමුවට කැඳවීමට තීරණයක්.

ගිංගඟ පිටාර ගැලීම නිසා ගාල්ලේ නගොඩ ප්‍රාදේශීය ලේකම් කොට්ඨාස යට අයත් නාගොඩ නගරය මාපලගම නගරය උනන්විටිය කුරුපනාව ගොනලගොඩ පාතවැලිවිටිය වාඩුවැලිවිටිය ආදී ප්‍රදේශවල මාර්ග රැසක්ම සෙනසුරාදා (07) සවස්වෙද්දී ජලයෙන් යටවෙමින් තිබූ අයුරුයි මේ.

විදේශ ගත ශ්‍රි ලාංකිකයින් නීත්‍යානුකූල ක්‍රම ඔස්සේ දිවයිනට එවූ ප්‍රේෂණවල කැපී පෙනෙන වර්ධනයක් පෙන්නුම් කරමින් 2023 වසරේ මුල් මාස 8 තුළ ඇමරිකානු ඩොලර් මිලියන 3863 විදෙස් ප්‍රේෂණ ප්‍රමාණයක් දිවයිනට ලැබී තිබේ.

එක්දින ලෝක කුසලාන තරගාවලිය යටතේ ශ්‍රී ලංකා කණ්ඩායම මුහුණ දෙන පළමු තරගය අද (07දා) දකුණු අප්‍රිකවට එරෙහිව පැවැත්වෙයි.