සරම්ප වසංගතය හේතුවෙන් වූ සමෝවා හදිසි තත්ත්වය ඉවතට

සරම්ප වසංගතයක් හේතුවෙන් පුද්ගලයින් 81 දෙනෙකු මිය ගොස්, තවත් 5,600කට වැඩි පිරිසකට ආසාධනය වූ පරිසරයක සමෝවාහි පැවති සති 6ක හදිසි තත්ත්වය ඉවත් කර තිබේ.

දකුණු පැසිෆික් දූපත් රාජ්‍යයේ ලක්ෂ 200,000ක පමණ ජනතාවක් ජීවත් වන අතර, එන්නත් කිරීමේ අනුපාතය අසල්වැසි රටවලට වඩා බෙහෙවින් අඩු ය.

මෙම වසංගතය පැතිරීම නිසා මියගිය අයගෙන් බහුතරය ළදරුවන් සහ කුඩා දරුවන්ය.

එන්නත් කිරීමේ ක්‍රියාවලියක් මගින් ප්‍රතිශක්තිකරණ අනුපාතය 95%ක් දක්වා පුළුල් කිරීමෙන් පසුව මෙම මාසය මුලදී ආසාදන අනුපාතය මන්දගාමී වී තිබුණි.

ආධාර ආයතනවලට අනුව, රෝගයට එරෙහිව සමූහ ප්‍රතිශක්තිය ලබාගැනීම සඳහා අවශ්‍ය මට්ටම මෙයයි.

පසුගිය මාසයේදී ක්‍රියාත්මක කරන ලද හදිසි තත්ත්වය යටතේ පාසල් වසා දමා, සංචාර සහ මහජන රැස්වීම් සීමා කරන ලද අතර, එන්නත් ලබා නොගත් අයගේ නිවෙස්වලින් පිටත රතු කොඩි එල්ලනු ලැබිණි.