රුසියාව සහ යුක්රේනය අතර සිරකරුවන් හුවමාරුවේ මතභේද

රුසියාව සහ යුක්රේනය දිගු කලක් තිස්සේ බලා සිටි සිරකරුවන් හුවමාරුවක අවසන් අදියර ආරම්භ කර ඇති බව යුක්රේන ජනාධිපති කාර්යාලය ඉරිදා පැවසීය.

දෙරට අතර සබඳතා වැඩිදියුණු කිරීම අරමුණු කරගත් මෙම හුවමාරුවට බලධාරීන් එකඟ වූයේ දෙසැම්බර් මාසයේදී ය.

යුක්රේනය බෙදුම්වාදීන් 87 දෙනෙකු භාරදීමට අපේක්ෂා කරන අතර රුසියාව යුක්රේන ගැති සටන්කරුවන් 55 ක් ආපසු ලබාදීමට නියමිතය.

රුසියාව යුක්රේනයේ ක්‍රිමියානු අර්ධද්වීපය ඈඳා ගත් විට 2014 දී දෙරට අතර සබඳතා පිරිහී ගියේය.

රුසියානු පිටුබලය ලත් කැරලිකරුවන් නැගෙනහිර යුක්රේනයේ ඩොනෙට්ස්ක් සහ ලුහාන්ස්ක් ප්‍රදේශවල කැරැල්ලක් ආරම්භ කළ අතර ගැටුමෙන් පුද්ගලයින් 13,000 කට වැඩි පිරිසක් මිය ගියහ.

මෙය දෙරට අතර දෙවැනි සිරකරුවන්ගේ හුවමාරුවයි. සැප්තැම්බර් මාසයේ දී, 2018 නොවැම්බරයේ ක්‍රිමියාවේ කෙර්ච් සමුද්‍ර සන්ධියේදී රුසියාව විසින් අල්ලා ගන්නා ලද නැවියන් 24 දෙනෙකු නිදහස් කරන ලදී.