මායාවරුන්ගේ ඉපැරණි මාලිගයක් මෙක්සිකෝවෙන් සොයා ගැනෙයි

මෙක්සිකෝවේ පුරාවිද්‍යාඥයන් විසින් මීට වසර 1,000කට පෙර මායා ශිෂ්ටාචාරයේ උච්චතම කාලයට අයත් යැයි විශ්වාස කරන විශාල මාළිගාවක නටබුන් සොයාගෙන තිබේ.

මීටර හයක් (අඩි 20 ක්) උස, මීටර් 55ක් දිග සහ මීටර් 15ක් පළල ගොඩනැගිල්ලක නටබුන් යුකැටින් ප්‍රාන්තයේ පුරාණ නගරයක් වන කුලුබේ භූමියේ කැණීම්වලදී හමු විය.

මෙම ව්‍යුහය ක්‍රි.ව. 600 තරම් ඈත අතීතයේ මායා ඉතිහාසයේ කාල පරිච්ඡේද දෙකක් පුරා භාවිත වූ බව විශ්වාස කෙරෙයි.

අතීතයේදී මායාවරුන් වර්තමානයේ දකුණු මෙක්සිකෝව, ග්වාතමාලාව, බෙලීස් සහ හොන්ඩුරාස් යන රාජ්‍යයන්හි විශාල භූමි ප්‍රමාණයක් පාලනය කළහ.

මාළිගා ඉතිහාසයේ කාල පරිච්ඡේද දෙකක් තුළ මෙම මාළිගාව භාවිතයට ගෙන ඇති බව ජාතික මානව විද්‍යා හා ඉතිහාස ආයතනය පවසයි: ඒ ක්ලැසික් (ක්‍රි.ව. 600-900) සහ ටර්මිනල් ක්ලැසික් (ක්‍රි.ව. 850-1050) පාලන යුගයන්හිදීය.