ජපානයේ තවත් ප්‍රාන්ත 4ක හදිසි තත්ත්වයක් ප්‍රකාශ වේ

ජපාන රජය ටෝකියෝ නගරයේ අසල්වැසි චිබා, කනගාවා සහ සයිටමා යන ප්‍රාන්ත තුන තුළ මෙන්ම, ඔසාකා ප්‍රාන්තයේ එලැඹෙන අගෝස්තු 2දා සිට 31දා දක්වා පැවැත්වෙන කොවිඩ්-19 ට එරෙහිව හදිසි තත්ත්වයක් ප්‍රකාශයට පත්කර තිබේ.

හොක්කයිඩෝ, ඉෂිකාවා, හියෝගෝ, කියෝතෝ සහ ෆුකූකා සඳහා ලිහිල් සීමා සහිත හදිසි තත්වයක්ද බලපැවැත්වෙන අතර, මේ වනවිටත් වෛරස් හදිසි පියවර යටතේ ඇති ටෝකියෝ සහ ඔකිනාවාවල අගෝස්තු 22දා දක්වා වූ හදිසි තත්ත්වය දීර්ඝ කරන බවද රජය පවසයි.

බ්‍රහස්පතින්දා ප්‍රථම වරට ජපානයේ දෛනික වෛරස් ආසාදිතයින් 10,000ක සීමාව ඉක්මවා ගිය පසු මෙම නිවේදනය නිකුත් වූ අතර, වඩාත් බෝවන ඩෙල්ටා ප්‍රභේදය භයානක උච්චාවචනයකට හේතු වී ඇති බව රජයේ නිලධාරීන් සහ සෞඛ්‍ය විශේෂඥයින් අනතුරු අඟවා තිබේ.

ඔලිම්පික් උළෙල මෙම සමස්ත සන්දර්භයේම කොටසක් වන අතර, ඔලිම්පික් උළෙල වටා අවදානම් කළමනාකරණය අතිශයින්ම පුළුල් ක්‍රියාවලියක් බව ජපානය පවසයි.