කැලිෆෝනියා ලැව්ගිනි 13000ක් අවතැන් කරලා

ඇමෙරිකාවේ කැලිෆෝනියා ප්‍රාන්තයට බලපා ඇති ලැව්ගිනි 20කට අධික ප්‍රමාණයක් හේතුවෙන් පුද්ගලයන් 13,000ක් පමණ ප්‍රදේශයෙන් ඉවත්කර තිබේ.

අතිශය අසීරු තත්ත්වයක පවා ගිනි නිවන භටයන් 9,000ක් පමණ මෙම ලැව්ගිනි මැඩපැවැත්වීම සඳහා කටයුතු කරමින් සිටින බව වාර්තා වෙයි.

උතුරුදිග සැන් ෆ්‍රැන්සිස්කෝ වෙත බලපා ඇති ප්‍රබල ලැව්ගිනි තත්ත්වය හේතුවෙන් මේ වනවිට වර්ග කිලෝමීටර් 233ක් පමණ සම්පූර්ණයෙන්ම විනාශ වී තිබේ.

මේ අතර, සඳුදා වන විට ලැව්ගිනි පාලනය සඳහා පහසුකම් සැපයූ අධ්වේගී මාර්ග කිහිපයක්ද ලැව්ගිනිවලට ගොදුරු වී ඇති බව කියැවෙයි.