2019 එක්සත් ජනපදය තුළ සමූහ ඝාතන වැඩිම සිදුවූ වසර වෙලාලු

වර්ෂ 2019 දී එක්සත් ජනපදය තුළ වැඩිම සමූහ ඝාතන සංඛ්‍යාවක් වාර්තා වූ වසර බවට එරට දත්ත වාර්තා අනාවරණය කරයි.

ඇසෝසියේටඩ් ප්‍රෙස් (ඒපී), යූඑස්ඒ ටුඩේ සහ ඊසානදිග විශ්වවිද්‍යාලය විසින් සම්පාදනය කරන ලද දත්ත සමුදායක් තුළ සිදුවීම් 41ක් සහ මරණ 211ක් වාර්තා වී ඇත.

සමූහ ඝාතන අර්ථ දැක්වෙන්නේ අපරාධකරු හැර, එකම සිද්ධියෙන් පුද්ගලයන් හතර දෙනෙකු හෝ වැඩි ගණනක් ඝාතනය වීමේ සිද්ධීන්ය.

2019 දී සිදු වූ මාරාන්තික සිදුවීම් අතර මැයි මාසයේ වර්ජිනියා වෙරළ තීරයේ පුද්ගලයන් 12 දෙනෙකු සහ අගෝස්තු මාසයේදී එල් පැසෝ හි 22 දෙනෙකු ඝාතනය කිරීම දැක්විය හැකිය.

2019 දී වාර්තා වූ සිද්ධීන් 41 න් 33 ක්ම ගිනි අවි සම්බන්ධ බව පර්යේෂකයෝ පවසති. කැලිෆෝනියාවේ වැඩිම මිනීමැරුම් සංඛ්‍යාවක් වාර්තා වී ඇති එකම ප්‍රාන්තයයි.

දත්ත සමුදාය 2006 සිට එක්සත් ජනපදයේ සිදු වූ සමූහ ඝාතන පිළිබඳව සොයා බලමින් සිටියද, 1970 දශකය දක්වා කරන ලද පර්යේෂණයන්හි තවත් සමූහ ඝාතන සහිත වසරක් අනාවරණය නොවූ බව ඒපී වාර්තා කරයි. දෙවැනි වැඩිම සමූහ ඝාතන සංඛ්‍යාවක් ඇති වර්ෂය 2006 වන අතර 38ක් විය.

2019 දී වැඩිම සිදුවීම් සංඛ්‍යාවක් සිදුවුවද, 211 දෙනෙකුගේ මරණ සංඛ්‍යාව 2017 දී සමූහ ඝාතනවලින් මියගිය 224 දෙනාට වඩා අඩුය. එම වසරේදී එක්සත් ජනපද ඉතිහාසයේ මාරාන්තිකම වෙඩි තැබීම සිදුවිය. ලාස් වේගාස් හි පැවති උත්සවයකදී පුද්ගලයින් 59 දෙනෙකු වෙඩි තබා ඝාතනය විය.

එක්සත් ජනපදයේ බොහෝ සමූහ ඝාතන සිරස්තල බවට පත් නොවන්නේ ඒවා පවුල් ආරවුල්, මත්ද්‍රව්‍ය ගනුදෙනු හෝ සමූහ ප්‍රචණ්ඩත්වයට සම්බන්ධ වන නිසා සහ ප්‍රසිද්ධ ස්ථානවලට නොපැමිණෙන බැවිනි.