සඳුන් ගමගේ ඡායාරූප දැක්ම Sendal My Brides

දශක දෙකකට ආසන්න කාලයක් ඡායාරූපකරණයේ යෙදී සිටින ප්‍රවීණ මාධ්‍ය‘වේදී ඡායාරූප ශිල්පි සඳුන් ගමගේ විසින් පවත්වනු ලබන සිය දෙවැනි ඒකපුද්ගල ඡායාරූප ප්‍රදර්ශනය 'Sendal My Brides' (මගේ අගනා මනාලියන්) ජුනි මස 27, 28 හා 29 යන තෙදින පෙ.ව 8.30 සිට ප.ව. 8.00 දක්වා කොළඹ 07, ලයනල් වෙන්ඩ්ට් කලාගාරයේදී පැවැත්වේ. Sendal My Brides ප්‍රදර්ශනය සඳහා තේමා වී තිබෙන්නේ මනාලියන්ගේ රිද්මයයි. මෙරට සිටින ප්‍රවීණ සහ ජනප්‍රිය රූපලාවන්‍ය ශිල්පී ශිල්පිනියන්ගෙන් හැඩගැන්වූ මනාලියන්ගේ ඡායාරූප එකතුවක් මෙම ප්‍රදර්ශනයට ඇතුළත්වේ. 
මංගල ඡායාරූපකරණයේ උසස් රසය මෙන්ම සොඳුරු යුවතිය අර්ථවත් මනාලියක් වනදා හැඩවිය යුතු රිද්මය ලොවට ප්‍රකාශ කිරීම මෙම ප්‍රදර්ශනයේ අරමුණ වෙයි. මේ පිළිබඳ වැඩිවිස්තර 0717265318 මගින් හෝ www.sacreations.com මගින් ලබාගත හැකිය.