ඉවතලන ලීවලට නව හැඩයක් එක් කරන Vladimir

අතීතයේ සිට පැවතගෙන ආ දේවල් වර්තමානයේ සිතාගත නොහැකි මට්ටමකට වෙනස් වී තිබේ. එයට හේතුව වන්නේ දියුණ වන ලෝකය තුළ තාක්ෂණයත් සමග ඉදිරියට යාමට මිනිසුන් දරණා උත්සාහයයි. විනාශ වෙමින් යන වනාන්තර හේතුවෙන් ලෝකයේ ස්වාභාවික සම්පත් බෙහෙවින් විනාශයට පත්ව තිබේ. එවැනි සම්පතක් ලෙස ගස් වර්ගද අද වන විට ලෝකයෙන් තුරන් වෙමින් පවතී.

අද අප මෙම ලිපිය ඔස්සේ ගෙන එනු ලබන්නේ විශේෂ කලාකරුවෙකු පිළිබඳවයි. Vladimir Davydov නම් වූ ඔහු බොහෝ ජනප්‍රියත්වයට පත්ව ඇත්තේ Davydov Art ලෙසයි. 1980 වර්ෂයේදී සෝවියට දේශයේ උපන් ඔහු කලාකරුවෙකු වුවත් කලාව පිළිබඳව කිසිදු විෂය මට්ටමක් තුළ අධ්‍යාපනය නොලැබූ අයෙකි. ඔහු විසින් වෘත්තියෙන් විදුලි කාර්මික ඉංජිනේරුවරයෙකු ලෙස කටයුතු කරයි. 2003 වර්ෂයේදී විදුලි ඉංජිනේරුවරයෙකු වශයෙන් කටයුතු කළ මොහු  Kyrgyz Technical University හි උපාදිධාරියෙකි.

ඔහු අවුරුදු කිහිපයක් කාර්මික ඉන්ජිනේරුවරයෙකු ලෙස සේවය කරමින් සිටි අතර, 2010 වර්ෂයේදී ඔහු රැකියාවෙන් ඉවත්ව තිබේ. ඉන්පසු ඔහු ලී කැටයම් ශිල්පය සඳහා යොමු වී ඇති අතර, ඒ සඳහා අවශ්‍ය සියලුම යන්ත්‍රෝපකරණයන් ඔහු විසින්ම නිෂ්පාදනයකර ඇත. ඒ සඳහා ඔහුට වසරක කාලයක් ගතව ඇති අතර, 2011 වර්ෂයේදී ඔහුගේම කලාගාරයක්ද ආරම්භකර තිබේ.

ඔහු 2011 වර්ෂයේ මුල් කාලයේදී කිසිදු කැටයම් මූර්තියක් අලෙවිකර නොමැති අතර, මුල්ම වශයෙන් තමාගේ නිර්මාණ තම පාසල් මිතුරන් සහ අවට අයට නොමිලේ ලබා දී තිබේ. ඉන්පසු ඔවුන්ගේ අගය ලබමින් තම නිර්මාණ ශක්තිය දියුණු කරගත් ඔහු විශාල අලෙවිකරණයක් සමගින් වෙළෙඳපොළ ජයගැනීමට සමත් වී තිබේ.

ඔහු සිය නිර්මාණ සඳහා භාවිතකරනු ලබන්නේ වියළී දිරපත්ව ගිය ගස්වල කඳන්ය. ඔහු රසායනිකයන් භාවිතයෙන් එම දැව කඳන් දීර්ඝ කාලයක් රඳාපවත්වා ගැනීමට කටයුතු කරයි. අද වන විට මොහු නිර්මාණය කරනු ලබන සත්ත්ව නිර්මාණ විශාල වශයෙන් අලෙවි වනු ඇත. කලාව නොදත් පුද්ගලයෙකු ලෙස කලාවට පිවිසි මොහු අද වනවිට විශිෂ්ට ගණයේ කලා නිර්මාණකරුවෙකු බවට පත්ව තිබේ.