එන්ටප්‍රයිස් ශ්‍රී ලංකා ඔබේ ගමට වැලිගමදී සාර්ථකව පැවැත්වෙයි
එන්ටප්‍රයිස් ශ්‍රී ලංකා රජයේ පොලී සහන ණය යෝජනා ක්‍රමය තවදුරටත් ජනතාවට සමීප කරවීමේ අරමුණෙන් ක්‍රියාත්මක 'එන්ටප්‍රයිස් ශ්‍රී ලංකා ඔබේ ගමට' ජංගම සේවාව අද දින (23දා) මුදල් අමාත්‍ය මංගල සමරවීර මහතාගේ ප්‍රධානත්වයෙන් වැලිගම නගර ශාලා පරිශ්‍රයේදී ආරම්භ වී තිබේ.
වැලිගම ප්‍රදේශයේ ව්‍යවසායකත්ව අපේක්ෂාවන් ඇති තරුණ තරුණියන්ට මෙම ජංගම සේවාව මගින් ව්‍යාපාරයක් ආරම්භ කිරීමේ සිට ණය ලබාගැනීම දක්වා වන සියලු කටයුතු ඉටුකර ගැනීමේ අවස්ථාව එහිදී උදාවී ඇත.
ව්‍යාපාර ලියාපදිංචි කිරීමට අදාළ රාජ්‍ය ආයතන කුටි, ණය ලබා ගැනීම සඳහා බැංකු කුටි, ප්‍රදේශයේ බහුලව සිදු කෙරෙන සංචාරක ව්‍යාපාරය සඳහා අවශ්‍ය උපදෙස් ලබා දීමට අදාළ රාජ්‍ය ආයතන ඇතුළු විවිධ ආයතන රැසක් මේ සඳහා සහභාගී වී ඇති අතර, අද (23දා) සහ හෙට (24දා) දෙදින වැලිගම දී පැවැත්වෙන මෙම ජංගම සේවාව දිවයින පුරා ක්‍රියාත්මක කිරීමට නියමිතය.
මෙම අවස්ථාවට අමාත්‍ය මලික් සමරවික්‍රම, අමාත්‍ය ජෝන් අමරතුංග, නියෝජ්‍ය අමාත්‍ය නලින් බණ්ඩාර, රාජ්‍ය අමාත්‍ය රංජිත් අලුවිහාරේ, වැලිගම නගරාධිපති රෙහාන් ජයවික්‍රම ඇතුළු මැති ඇමතිවරුන් රැසක් සහභාගී වී තිබේ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
