UNESCAP සමුළුව 7දා ඇරඹෙයි

ආසියා පැසිපික් තිරසාර සංවර්ධන හා මූල්‍ය සංවර්ධන පිළිබඳ එක්සත් ජාතින්ගේ ආසියා පැසිපික් සමාජ ආර්ථික කොමිසමේ, (UNESCAP) 70 වැනි සමුළුව හෙට (07දා), බැංකොක් නුවර, එක්සත් ජාතීන්ගේ සම්මන්ත්‍රණ මධ්‍යස්ථානයේදී ආරම්භ වීමට නියමිතය.

ඒ අනුව, UNESCAP සමුළුවට ශ්‍රී ලංකාව නියෝජනය කරමින් සහභාගි වීම සඳහා ජ්‍යෙෂ්ඨ අමාත්‍ය හා මුදල් නියෝජ්‍ය අමාත්‍ය ආචාර්ය සරත් අමුණුගම මහතා අද (06දා) දිවයිනෙන් පිටත්ව යෑමට නියමිතය.

මෙම සමුළුව අගොස්තු 7, 8 සහ 9 යන දිනයන්හි බැංකොක් නුවර එක්සත් ජාතින්ගේ සම්මන්ත්‍රණ මධ්‍යස්ථානයේදී පැවැත්වෙන අතර, එහිදී, ආචාර්ය අමුණුගම මහතා දේශනයක් පැවැත්වීමට නියමිතය.