පොල් ලක්ෂ 12ක් ලබන සතියේ සිට සතොසෙන්

ලබන සතියේ සිට ලංකා සතොස හරහා පොල් ගෙඩි ලක්ෂ 12ක් පාරිභෝගික ජනතාවට ලබාදීමට කටයුතු කරන බව ලංකා සතොස සභාපති ආචාර්යය ටී.එම්.කේ.බී. තෙන්නකෝන් මහතා පවසා සිටියේය.

සභාපතිවරයා මෙසේ ප්‍රකාශ කළේ අද (8දා) කොළඹ සතොස ප්‍රධාන කාර්යාලයේ පැවැති මාධ්‍ය සාකච්ඡාවකදීය. එමෙන්ම, රු.65/- බැගින් පොල් ගෙඩියෙක් සතොසෙන් මිලදී ගත හැකි බවද එහිදී කියවුණි.

මේ අනුව ලබන සතියේ සිට ශ්‍රී ලංකාවේ ඕනෑම ලංකා සතොස අලෙවි සැලකින් පොල් මිලදී ගත හැකි බවත්, ලංකා සතොසට බෙදාහැරීම සඳහා ප්‍රමාණවත් පොල් තොග ලබාදීමට පශු සම්පත් මණ්ඩලය හා වැවිලි සමාගම් එකඟත්වය පළකර ඇති බවත් සභාපතිවරයා වැඩිදුරටක් පවසා සිටියේය.