ද ආසියාවේ විශිෂ්ට ගුවන් සේවය බවට ශ්‍රී ලංකන්

ශ්‍රී ලංකන් ගුවන් සමාගම කලාපීය ගුවන් සේවා ක්ෂේත්‍රයේ 'ප්‍රමුඛතම ජාත්‍යන්තර ගුවන් සේවය' ලෙස 2017 වසරේ දෙවැනි වාර්ෂික දකුණු ආසියානු සංචාරක සම්මාන උලෙළෙහිදී පසුගියදා පැසසුම් ලබා තිබේ. රටවල් ගණනාවකට අයත් අනෙකුත් ගුවන් සේවා අභිභවා යමින් ශ්‍රී ලංකන් ව්‍යාපාරික පන්තිය කලාපයේ සමස්ත ගුවන් සේවා මැදිරි පන්ති අතරින් 'විශිෂ්ටතම පංතිය' ලෙස සම්මානයට පාත්‍ර වූ බවද එම ගුවන් සමාගම පවසයි.

මෙම සම්මාන උළෙල  මාලදිවයිනට අයත් ගැන් දිවයිනේ අද්දු නගරයේ පිහිටි Equator Village නිවාඩු නිකේතනයේදී පසුගිය ඔක්තෝබර් 28දා පවත්වා තිබේ.

සමස්ත  සංචාරක  ක්ෂේත්රනයම ආවරණය කරමින් එනම් සම්පූර්ණ සේවා සහිත ගුවන් සේවා, පිරිමැසුම් ගුවන් සේවා, හෝටල්, විවිධ ආකාරයේ නිකේතන, සම්මන්ත්‍රණ පහසුකම්, සංචාරක ඒජන්සි, සංචාර මෙහෙයවන්නන්, ත්‍රාසජනක සංචාරක ක්ෂේත්‍රය, ගුවන් තොටුපළවල්, සුවතා මධ්‍යස්ථාන, සංචාර තාක්ෂණ සපයන්නන්, ප්‍රවාහන සපයන්නන් සහ ක්ෂේත්‍රයේ CSR ක්‍රියාකාරකම් යනාදිය සඳහා කාණ්ඩ 50 යටතේමෙහිදී  සම්මාන ප්‍රදානය කර තිබේ.