හලාවත වෙළෙඳ සංකිර්ණය සතියකට වැසේ

හලාවත නගරයේ එළවලු  හා මාළු වෙළෙඳ සංකීර්ණය සතියක කාලයක් වසා තැබීමට තීරණය කර තිබේ.

නගර සභාවේ සභාපති තුෂාන් අබේසේකර මහතා පැවසුවේ අද (26) පැවති විශේෂ රැස්වීමකදී මෙම තීරණය ගත් බවය.

එළවලු හා මාළු වෙළෙන්ඳන්ට සිය වෙළෙඳාම් කටයුතු සිදුකිරීම සඳහා නගරයේ තාවකාලික ස්ථාන හඳුන්වාදෙන බව ද සභාපතිවරයා සඳහන් කළේය.

මේ අතර හලාවත නගර සභා බල ප්‍රදේශයේ නිරෝධායනය වන පවුල් සඳහා අත්‍යවශ්‍ය ආහාර ද්‍රව්‍ය බෙදාහැරීමේ වැඩපිළිවෙලක් ද ක්‍රියාත්මක කිරීමට තීරණය වූ බව තුෂාන් අබේසේකර මහතා සඳහන් කළේය.