සහරාන්ගේ බාල සොහොයුරිය කාත්තන්කුඩියේදි අත්අඩංගුවට

පාස්කු ඉරිදා ප‍්‍රහාරයේ මහ මොළකරු ලෙසින් සැලකෙන මොහොමඩ් සහරාන්ගේ බාල සොහොයුරියක වන මොහොමඩ් කාසිම් මොහොමඩ් නියාස් මදනියා මඩකළපුව පොලිසිය කාත්තන්කුඩි ප‍්‍රදේශයේදී ඊයේ (01) සවස අත්අඩංගුවට ගෙන ඇත.

අත්අඩංගුවට ගන්නා අවස්ථාවේදී ඇය සතුව තිබී රුපියල් ලක්ෂ 20ක මුදලක් සොයා ගත් බව පොලිසිය සඳහන් කරයි.

පාස්කු ප‍්‍රහාරයට දින කිහිපයකට පෙර සහරාන් එම මුදල තමන්ට දුන් බවට පොලිස් ප‍්‍රශ්න කිරීමේදී ඇය පවසා ඇත.

සහරාන් හසීම් සහ ඔහුගේ ක‍්‍රියා කලාපයන් ඇය මීට පෙර මාධ්‍ය හමුවේ දැඩි ලෙස විවේචනය කර තිබුණි.

මෙයට දින කිහිපයකට පෙර සහරාන්ගේ රියැදුරු ලෙසට සැලකෙන ගෆුර් නමැත්තා ද මේ වනවිට පොලිස් අත්අඩංගුවේ පසුවෙයි.