සමාජ මාධ්‍ය තොරතුරු අසත්‍යයි - විවිධ ප්‍රදේශවලින් කොවිඩ් රෝගීන් වාර්තා වී නෑ

කොරෝනා වෛරසය ආසාධනය වූ පුද්ගලයින් ලංකාවේ විවිධ ප්‍ර දේශවලින් වාර්තා වන බවට සමාජ මාධ්‍ය ඔස්සේ පළවන වාර්තා අසත්‍ය බව පොලිස් මූලස්ථානය නිවේදනය කරයි.

මේ වන විට ශ්‍රී ලංකාවෙන් වාර්තා වී ඇත්තේ එක් රෝගියෙක් පමණක් බවත් ඔහු කොළඹ අයි.ඩී.එච්. රෝහලේ ප්‍රතිකාර ලබමින් සිටින බවත් පොලිස් මූලස්ථානය පවසයි.

එම රෝගියාගේ පවුලේ අයට කොවිඩ් ආසාදනය වී නොමැති බවත් ඔවුන් සෞඛ්‍ය අමාත්‍යාංශයේ උපදෙස් හා අධීක්ෂණය යටතේ ඔවුන්ගේ නිවෙස් තුළම නිරෝධානය කරනු ලබයි.

මේ අනුව සමාජ මාධ්‍ය ඔස්සේ සංචරණය වන අසත්‍ය තොරතුරුවලට නොරැවටෙන ලෙසත් අසත්‍ය ප්‍රචාරය කරන පුද්ගලයන්ට නීතිමය වශයෙන් කටයුතු කරන බවත් පොලිස් මූලස්ථානය වැඩිදුරටත් පවසයි.