සභාග ආණ්ඩුවකට SLFP ලොක්කෝ එරෙහිවෙති

යහපාලන රජය බිඳ දමා ඒකාබද්ධ විපක්ෂය සමඟ ආණ්ඩුවක් බිහිකිරීම සම්බන්ධයෙන් ආණ්ඩු පක්ෂයේ ශ්‍රිලනිප ජ්‍යෙෂ්ඨයන් කිහිප දෙනෙකු විසින් තමන්ගේ විරෝධය ජනාධිපතිවරයා හමුවී දැනුම්දීමට නියමිතව ඇතැයි එම පක්ෂයේ  ජ්‍යෙෂ්ඨයෙක් දේශයට පැවසීය.

පාක්ෂිකයන්ගේ ඉල්ලීම මත  යහපාලන ආණ්ඩුව පිහිටුවීමට මහින්ද රාජපක්ෂ මහතාගේ කණ්ඩායමෙන් ඉවත්ව ආණ්ඩුවට එක්වූ නිසා නැවත එම කණ්ඩායම සමඟ එක්වුවහොත් එළඹෙන මැතිවරණයකදී ජනතාව බරපතළ තීන්දු ගතහැකි බව ජනාපතිවරයාට පෙන්වා දෙන බව ඔහු සඳහන් කළේය.

මෙහි පෞද්ගලික ගැටලුවක් නැති බවත් මෙතන ඇත්තේ ප්‍රතිපත්ති මත කෙරෙන ගනුදෙනුවක් නිසාත් ආණ්ඩු පෙරළීමේ තීන්දු ජනතාව ගත යුත්තේ මැතිවරණයේදී බවත් එම ජ්‍යේෂ්ඨයා සඳහන් කළේය.ඔවුන් ලිපියක්ද ලබාදීමට නියමිතව ඇතැයි සඳහන් වේ.

ගයාන් ගාල්ලගේ (ඉරිදා දේශය)