සාප්පු සංකීර්ණයක ගින්නකට හසුවූ 12ක් බේරා ගැනෙයි

කිරිබත්ගොඩ - මාකොල මාර්ගයේ කිරිබත්ගොඩ නගරයට ආසන්ව පිහිටි මහල් 3කින් යුත් සාප්පු සංකීර්ණයක බිම් මහලේ හදිසි ගින්නක් ඇතිව තිබේ.

මෙම ගින්න හේතුවෙන් සාප්පු සංකීර්ණය තුළ සිරවී සිටි කුඩා ළමුන් ඇතුළු 12ක් පොලීසිය හා ප්‍ර දේශවාසීන් එක්ව නිරුපද්‍රිතව බේරා ගෙන තිබේ.

ඇතිව තිබූ දුමාරය හේතුවෙන් ස්වසන අපහසුතාවට පත්ව සිටි 5 දෙනෙකු පමණ ප්‍රතිකාර සඳහා රෝහල් ගත කිරීමට කටයුතු කර ඇත.

කොළඹ හා ගම්පහ මහ නගර සභා ගිනි නිවීමේ රථ උපයෝගී කරගෙන මේ වන විට ගින්න මැඩපවත්වා ඇති අතර ගින්නට හේතුව මෙතෙක් අණාවරණය වී නොමැත.

සිදුවූ අලාභ සම්බන්ධයෙන්ද තක්සේරු කර නොමැත. කිරිබත්ගොඩ පොලීසිය වැඩිදුර පරීක්ෂණ පවත්වයි.