ස්පුටිනික් මාත්‍රා 50000ක් අද දිවයිනට

- 27 05 2021 - 13:11 - {{hitsCtrl.values.hits}} views - නිදර්ශනී වික්‍රමසිංහ

ස්පුට්නික් V කොවිඩ් -19 මර්දන එන්නත් මාත්‍රා 50,000ක් අද (27දා) රාත්‍රියේ දී මෙරටට පැමිණීමට නියමිත බව රාජ්‍ය ඖෂධ නීතිගත සංස්ථාව පැවසීය.

ශ්‍රී ලංකාව විසින් රුසියාවෙන් ඇනවුම් කරන ලද ස්පුට්නික් V එන්නත් මාත්‍රා තොගයේ පළමු කොටස ලෙස මාත්‍රා 15,000 ක ප්‍රමාණයක් පසුගිය දා මෙරටට ලැබුණි.

ඒ අනුව අදාල ඇනවුමෙහි දෙවැනි තොගය ලෙස මෙලෙස මාත්‍රා 50,000 ක ප්‍රමාණයක් ලැබෙනු ඇත .

පළමු තොගයේ එන්නත් මාත්‍රා ගොතටුව ප්‍රදේශයේ ජනතාවට එන්නත් කෙරිණි . දෙවෙනි තොගයේ එන්නත් , එන්නත් කරන වැඩසටහන සඳහා යොදා ගන්නා ආකාරය පිළිබඳ ඉදිරියේදී දැනුම් දීමට නියමිත බව සෞඛ්‍ය අමාත්‍යාංශය පැවසී ය.