ස්පාඤ්ඤයේ ගුරුවරු කොවිඩ් ආසාදිත වීමෙන් පාසල් වැසේ

ස්පාඤ්ඤයේ කොවිඩ්-19 සඳහා ගුරුවරුන් කිහිප දෙනෙකුම ධනාත්මක පරීක්ෂාවන් සිදුකිරීමෙන් පසුව බලධාරීන් ස්පාඤ්ඤයේ බාස්ක් හි ප්‍රාථමික පාසලක් වසා දමා ඇති අතර, මීට සතියකට පෙර රට පුරා පාසල් යළි විවෘත කිරීමෙන් පසුව සම්පූර්ණයෙන්ම වසා දැමුණු පළමු වැනි පාසල බවට එය පත්ව තිබේ.

අවසාන මොහොතේ සෞඛ්‍ය හා ආරක්ෂක සැලසුම් සකස් කිරීම සම්බන්ධයෙන් ගුරු සංගම් සහ දෙමවුපිය කණ්ඩායම් විසින් රජය විවේචනයට ලක්කර ඇති නමුත් අධ්‍යාපන අමාත්‍ය ඉසබෙල් සෙලා පැවසුවේ නැවත විවෘත කිරීම ඉතා හොඳින් සිදුවී ඇති බවත්, ස්ථාන කිහිපයකින් පමණක් සිදුවීම් අනාවරණය වී ඇති බවත්ය.