ස්කොට්ලන්තය කොවිඩ් සීමා ලබන සතියේ ඉවත් කරනවාලු

ස්කොට්ලන්තය එහි ඉතිරිව තිබූ කොරෝනා වෛරස සීමා කිරීම් බොහොමයක් ලබන සඳුදා දිනයේ ඉවත් කරන බව නිකොලා ස්ටර්ජන් තහවුරු කර තිබේ.

ස්කොට්ලන්තයේ අග්‍රාමාත්‍යවරිය පැවසුවේ අගෝස්තු 9දා රාත්‍රී සමාජ ශාලා නැවත විවෘත කරන බවත්, ක්‍රීඩාංගණ සහ ප්‍රසංග පැවැත්වෙන ස්ථාන පූර්ණ ධාරිතාවයෙන් පිළිගන්නා බවත්ය. එමෙන්ම සමාජ දුරස්ථභාවය අවසන් වන බවත් ඇය සඳහන් කළාය.

කෙසේ වෙතත් ස්ටර්ජන් විසින් සෞඛ්‍ය නිර්දේශ අනුව යමින් දැනටමත් සාප්පු සංකීර්ණවල මුඛ ආවරණ භාවිතය මෙන්ම, පොදු ප්‍රවාහන සේවාවල දිරි කාලය සඳහා මුඛ ආවරණ භාවිතය අනිවාර්ය කර තිබේ.

පසුගිය මාසයේදී ස්කොට්ලන්තයේ සෑම පළාතකම පාහේ ආසාදන අනුපාතය ශුන්‍ය මට්ටමට ළඟා වූ අතර, එයින් අදහස් වූයේ මිනිසුන්ට කණ්ඩායම් වශයෙන් එකතු විය හැකි බවත්, ආගන්තුක සත්කාර ව්‍යාපාර විවෘත කර තැබීමේ කාලය දීර්ඝ කළ හැකි බවත්ය.

ස්කොට්ලන්ත අගමැතිනියගේ කැබිනට් මණ්ඩලය නවතම කොවිඩ් දත්ත සලකා බැලීමෙන් පසුව මෙම නිවේදනය සිදුකර ඇත.