වහාම ඇඳිරි නීතිය පැනවීමෙන් මරණ 1200ක් වළක්වාගත හැකියි

ශ්‍රී ලංකාවේ කොවිඩ් දත්ත පිළිබඳව අවධානය යොමුකිරීමේදී වහාම ක්‍රියාත්මක වන පරිදි ඇඳිරි නීතිය පැනවීමෙන් අවම වශයෙන් පුද්ගල මරණ 1200ක් ඉදිරි දින 20 තුළ වළක්වාගැනීමට හැකිවන බව රජරට විශ්වවිද්‍යාලමේ මහාචාර්ය සුනෙත් අගම්පොඩි මහතා පවසයි.

මෙම තීරණය ගැනීම දින පහකින් ප්‍රමාද කරන්නේ නම් පුද්ගලයින් 700ක් මරණය දක්වා කැඳවාගෙන යනු ඇති බවද ඔහු පවසයි.

ශ්‍රී ලංකාවේ කොවිඩ් මරණ සංඛ්‍යාව දිනකට 100-150ත් අතර ප්‍රමාණයක් වෙනු ඇති බවට සුනෙත් අගම්පොඩි මහතා මීට පෙර සිය ට්විටර් ගිණුමෙන් සඳහන් කර තිබුණි.