වූහාන් චීන විද්‍යාඥයන් ඉහළ සුදුසුකම් ලත් පිරිසක් - ෆවුසි
එක්සත් ජනපදයේ ජාතික සෞඛ්‍ය ආයතනය සමග වසර ගණනාවක් පුරා සහයෝගයෙන් කටයුතු කරන වූහාන් වෛරස් ආයතනයේ චීන විද්‍යාඥයන් සුදුසුකම් ලත් සහ ඉහළ ගෞරවයට පාත්‍ර වූ පිරිසක් බව එක්සත් ජනපද රජයේ ඉහළම බෝවන රෝග විශේෂඥ වෛද්‍ය ඇන්තනි ෆවුසි පවසයි.
ඔහුගේ නවතම අදහස් පළ වන්නේ බටහිර මාධ්‍ය විසින් කොරෝනා වෛරසයේ මූලාරම්භය විද්‍යාගාරයකින් නිපදවා කාන්දු වූ බවට තවදුරටත් කුමන්ත්‍රණ න්‍යායන් උපුටා දක්වමින් සිටියදීය. එය පසුගිය වසරේ සිට ගෝලීය විද්‍යාඥ්‍යන් විසින් පුන පුනා ප්‍රතික්ෂේප කරන ලද සහ හෙළා දකින ලද චෝදනාවකි.
එක්සත් ජනපදයේ ජාතික සෞඛ්‍ය ආයතනය සහ චීනයේ වූහාන් වෛරස් ආයතනය කොරෝනා වෛරසයේ පර්යේෂණ සඳහා කටයුතු කරමින් සිටියි. මෙම විද්‍යාත්මක සහයෝගිතාව නිසා ෆවුසි මෑතකදී කෙන්ටකි රිපබ්ලිකාන් සෙනෙට් සභික රැන්ඩ් පෝල් සමග විවාදයකටද පැටලුණි. ඔහු විසින් චීන විද්‍යාගාරය සමග ක්‍රියාකාරීත්වයේ වාසි සඳහා අරමුදල් සපයන බවට එක්සත් ජනපද ජාතික සෞඛ්‍ය ආයතනය චෝදනා කළේය.
කෙසේ වෙතත් ෆොක්ස් නිවුස් හි නීල් කැවුටෝ සමග සම්මුඛ සාකච්ඡාවකදී ෆවුසි චෝදනාව ස්ථිර ලෙස ප්‍රතික්ෂේප කළ අතර චීන විද්‍යාඥයන්ගේ අඛණ්ඩතාව ආරක්ෂා කළේය.
"පර්යේෂණයේ පරමාර්ථය ඉතා පැහැදිලියි. එය අපගේ සම වයස් සමාලෝචන මගින් බෙහෙවින් නිර්දේශ කරන ලද පර්යේෂණයක්. ඒ වගේම පර්යේෂණ සිදුකළේ සුදුසුකම් ලත්, ඉහළ ගෞරවයට පාත්‍ර වූ චීන විද්‍යා විද්‍යාඥයන් සමගයි. එය සැබවින්ම නරක මිනිසුන් සමග ගනුදෙනු කිරීම සඳහා සකස් කර ඇති දෙයක් නොවෙයි. මක්නිසාද යත්, එම විද්‍යාඥයන් ජාත්‍යන්තරව විද්‍යාත්මක ප්‍රජාව තුළ ඉතා ගෞරවයට පාත්‍ර වූ පිරිසක් නිසයි." වෛද්‍ය ඇන්තනී ෆවුසි අවධාරණය කළේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
