වීසා නොමැති නයිජීරියානුවන් 4ක් අත්අඩංගුවට

ආගමන විගමන නීති උල්ලංඝනය කරමින් වීසා නොමැතිව මෙරට රැඳී සිට නයිජීරියානු ජාතිකයන් 4ක් පොලීසිය විසින් අත්අඩංගුවට ගෙන තිබේ. ගල්කිස්ස කොට්ඨාස අපරාධ විමර්ශන අංශයේ නිලධාරීන්ට ලැබුණ තොරතුරක් අනුව දෙහිවල ගුවන් පාලම අසළදී මෙම අත්අඩංගුවට ගැනීම සිදුකර තිබේ.

සැකකරුවන් අද ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතය. අත්අඩංගුවට ගෙන ඇති සැකකරුවන් අවුරුදු 33, 36 හා 38 වැනි වයස්හි පසුවන්නෝ වෙති.