විමලසුරෙන්ද්‍ර වාන් දමයි, ලක්ෂපාන වාන් දොරටුවක් විවෘත කෙරේ

මධ්‍යම කදුකරයේ බටහිර බැවුම් ප්‍රදේශවලට ඊයේ (13දා) පස්වරුවේ සිට ඇද හැලෙන අධික වර්ෂාවත් සමග නෝටන්බ්‍රිජ් විමලසුරෙන්ද්‍ර ජලාශය වාන් දමන බවත්, ලක්ෂපාන ජලාශයේ එක් වාන් දොරටුවක් විවෘත කර ඇති බවත් නුවරඑළිය ආපදා කලමණාකරණ ඒකකයේ සහකාර අධ්‍යක්ෂක රංජිත් අලහකොන් මහතා පැවසිය.

ඇද හැලුණු අධික වර්ෂාව ලක්ෂපාන ප්‍රදේශයට දැඩි බලපැමක් එල්ල කර ඇති බවත්, තවදුරටත් තද වැසි පතිත වුවහොත් ලක්ෂපාන ජලාශයේ සෙසු වාන්දොරටුවද විවෘත කිරිමට ඉඩ ඇති බවත්, ඒ තුළින් කැළණි ගඟේ ජල මට්ටම ඉහළ යා හැකි බව සහකාර අධ්‍යක්ෂකවරයා පැවැසීය.

අධික වර්ෂාව පවතින විට නායයාමේ සහ කදු කඩා වැටිමේ අවධානම් සහිත ස්ථානවල පදිංචිකරුවන් ආරක්ෂිත ස්ථාන කරා යොමු වන ලෙස සහකාර අධ්‍යක්ෂකවරයා ප්‍රදේශවාසින්ගෙන් ඉල්ලා සිටියි.