වික්ටෝරියා හි තවත් මරණ 9ක් - ඇඳිරි නීතිය අඛණ්ඩව

ඔස්ට්‍රේලියාවේ වික්ටෝරියා ප්‍රාන්තයේ මහ ඇමති ඩැනියෙල් ඇන්ඩෘස් පැවසුවේ ගෙවීගිය දිනයේ එහි සෞඛ්‍ය නිලධාරීන් විසින් නව ආසාදිතයන් 43ක් සහ මරණ 9ක් වාර්තා කර ඇති බැවින්, රජයේ නව කොරෝනා වෛරසය පැතිරීම පාලනය කිරීම සඳහා පනව ඇති ඇඳිරි නීතිය අඛණ්ඩව ක්‍රියාත්මක වන බවයි.

"මේ වනවිට ඇඳිරි නීතිය ක්‍රියාත්මක වන නිසා එහි වෙනස් වීමක් සිදුවන්නේ නැහැ." අගුලු දැමීම මානව හිමිකම් උල්ලංඝනය කිරීමක් බවට නඟන චෝදනා ප්‍රතික්ෂේප කරමින් ඔහු වාර්තාකරුවන්ට කියා සිටියේය.

වික්ටෝරියා රජයට අගෝස්තු මස මුලදී ප්‍රාන්තය දැඩි ලෙස වසා දැමීමට සිදුවූයේ 700කට වඩා ඉහළ අගයකට දෛනික ආසාදන ළඟාවීම නිසාය. කෙසේ වෙතත් මෑත දිනවල දිනපතා ආසාදන ද්විත්ව ඉලක්කමක් දක්වා පහත වැටීමට එම අගුලු දැමීම උපකාරී විය.