රිමාන්ඩ් භාරයේ සිටින රැඳවියන්ගේ නඩු කඩිනම් කිරිමට පියවර

මත්ද්‍රව්‍ය සම්බන්ධයෙන් රිමාන්ඩ් බන්ධනාගාර ගතව සිටින රැඳවියන් 6334 දෙනෙකුගේ නඩු කටයුතු කඩිනම් කිරීමට පියවර ගන්නා බව බන්ධනාගාර ප්‍රතිසංස්කරණ හා සිරකරුවන් පුනරුත්තාපන රාජ්‍ය අමාත්‍යාංශය සඳහන් කරයි.

නිවේදනයක් නිකුත් කරමින් එම අමාත්‍යාංශය පෙන්වා දෙන්නේ බන්ධනාගාර තුළ පවතින අධික තදබදය අවම කිරීමේ අරමුණින් මෙම පියවර ගෙන ඇති බවය.

ඒ අනුව මත්ද්‍රව්‍ය සම්බන්ධයෙන් රිමාන්ඩ් බන්ධනාගාර ගත කර ඇති රැඳවියන්ගේ හෙරොයින් ග්‍රෑම් 02ට අඩු සහ ගංජා කිලෝග්‍රෑම් 5ට අඩු මත්ද්‍රව්‍ය සම්බන්ධයෙන් බන්ධනාගාර ගත කර ඇති රැඳවියන්ගේ නඩු කටයුතු කඩිනම් කිරීමට තීරණය කර තිබේ.