රජයේ හෙද සංගමයෙන් අනතුරු ඇගවිමක්

හෙද සේවාවේ පවතින ගැටලුවලට හෙට දිනයට පෙර විසදුම් ලබානොදුනහොත් වෘත්තීය ක්‍රියාමාර්ගයක් ආරම්භ කරන බව රජයේ හෙද නිලධාරීන්ගේ සංගමය පවසනවා.

එම සංගමය පෙන්වා දෙන්නේ හෙද සේවාවට බලපාන සේවා ගැටළු සහ ඉල්ලීම් සම්බන්ධයෙන් සෞඛ්‍ය අමාත්‍යාංශය සමග දිගින් දිගටම සාකච්ඡා කළද ඊට මෙතෙක් සාර්ථක විසදුමක් ලැබී නොමැති බවයි.

මේ සම්බන්ධයෙන් අදහස් දැක්වු රජයේ හෙද නිලධාරින්ගේ සංගමයේ සභාපති සමන් රත්නප්‍රිය සදහන් කළේ රජය සමඟ හා සෞඛ්‍ය අශයේ ප්‍රධානින් සමඟ සාකච්ජා කළද හෙද නිලධාරින්ගේ ගැටලු වලට විසදුම් නොලැබුණු බවත් විශේෂයෙන් හෙද නිලධරින්ගේ උසස් විම් සම්බන්ධයෙන් මෙතෙක් විසදුමක් නොලැබි  යාම හේතුවෙන් මෙම තිරණයක් ගන්නා බවත් ඔහු වැඩිදුරටත් පැවසීය.