රු. ලක්ෂ 20ක් වටිනා අයිස් මත්ද්‍රව්‍ය සමග පුද්ගලයෙක් අත්අඩංගුවට

රුපියල් ලක්ෂ 20ක්  පමණ වටිනා  අයිස් මත්ද්‍රව්‍ය  සමග පුද්ගලයකු  අතුරුගිරිය බෝධිරාජ මාවත ප්‍රදේශයේදී  ඊයේ  (12 )අත්අඩංගුවට ගත් බව නුගේගොඩ කොට්ඨාස මත්ද්‍රව්‍ය ඒකකය කියයි

එම සැකකරු සන්තකයේ තිබී අයිස් මත්ද්‍රව්‍ය ග්‍රෑම් 203 ක්,විද්‍යුත් තරාදියක් සහ ජාවාරමෙන් උපයා ගත් බවට සැක කරන රුපියල් 19000 ක මුදලක් පොලිස් භාරයට ගෙන ඇත .

මහාපරිමාණයෙන් අයිස් මත්ද්‍රව්‍ය බෙදාහැරීමේ නිරත  කිරිබත්ගොඩ ප්‍රදේශයේ ජාවාරම් කරුවෙකුගේ ප්‍රධානතම ගෝලයෙකු අතුරුගිරිය බෝධිරාජ  මාවත ප්‍රදේශයේ නිවසක සිට මත්ද්‍රව්‍ය බෙදාහරින බවට නුගේගොඩ කොට්ඨාස මත්ද්‍රව්‍ය ඒකකයට ලද තොරතුරක් අනුව දින ගණනාවක් තිස්සේ සැකකරුගේ නිවෙස ආසන්නයේ  වෙස්වලාගත් පොලිස් නිලධාරීන් සැකකරුගේ ගමන් බිමන් පිළිබඳ සෝදිසියෙන් සිට නිවසින් බැහැර වන අවස්ථාව බලා සැකකරු  අත්අඩංගුවට ගෙන සිදු කළ පරික්ෂාවේදී ඔහු  සන්තකේ  තිබුණු මත්ද්‍රව්‍ය  සොයා ගැනීමට හැකි වූ බව පොලිස් නිළධාරියෙකු පැවසීය .

50 හැවිරිදි සැකකරු අධිකරණය වෙත ඉදිරිපත් කිරීම සඳහා අතුරුගිරිය පොලිසිය වෙත භාර දී ඇත  .

බිමල් ශ්‍යාමන් ජයසිංහ