මොන්ටෙරෝ ජීප් ව්‍යාජ ලෙස එකලස් කරලා

මොන්ටොරෝ වර්ගයේ ජීප් රථ දෙකක් හා ප්‍රියස් වර්ගයේ මෝටර් රථයක් ව්‍යාජ ලෙස එකලස් කළ සැකකරුවන් තිදෙනෙක් අදාළ මෝටර් රථ සමගින් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

අවුරුදු 35-38ත් අතර වයස්හි පසුවන මෙම සැකකරුවන් තිදෙනා මාලඹේ හා හෝකන්දර පදිංචිකරුවෝ වෙති.

සැකකරුවන් කිසියම් සංවිධානාත්මක අපරාධ කල්ලියකට සම්බන්ධ දැයි සොයා ගැනීමට පරීක්ෂණ කරන බව මාධ්‍ය ප්‍රකාශක කාර්යාලය පවසයි.