මස්කෙළිය ජුම්මා පල්ලියෙන් කුඩා පිහි 50ක් හා අත් පොරවා දෙකක් සොයා ගනියි

මස්කෙළිය, ජුම්මා පල්ලිය තුළ තිබී සැකකටයුතු කුඩා පිහි 50 ක් හා අත් පොරවා  දෙකක් සමග එක් සැකකරුවෙක් අද (27) දා දහවල්  මස්කෙළිය පොලීසිය මගින් කරන ලද හදිසි සෝදිසි මෙහෙයුමකදී අත්අඩංගුවට ගනු ලැබීය.

දිවයින පුරා කරන සෝදිසි මෙහෙයුම් වලට අදාලව අද දින මස්කෙළිය පොලීසියේ නිලධාරීන් කණ්ඩායමක් විසින් මස්කෙළිය ජුම්මා පල්ලියේදී මෙම හදිසි  සෝදිසි මෙහෙයුම දියත් කරනු ලැබූ බව මස්කෙළිය පොලිස්ථානාධිපති පොලිස් පරීක්ෂක ටිරෝන් රත්නායක මහතා පැවසීය.

අත්අඩංගුවට ගනු ලැබූ සැකකරු හා පිහියා, අත් පොරවා සම්බන්ධව මෙ වන විට පරීක්ෂණයක් ආරම්භ කර ඇති බව ස්තානාධිපතිවරයා වැඩිදුරටත් පැවසීය.

ගාමිණී බණ්ඩාර