මුව ආවරණ නැති 30කට රු 5000 බැගින් දඩ

පොල්ගහවෙල නගරයේ මුව ආවරණ නොපැලඳ වෙළඳසැල් හා ප්‍රසිද්ධ ස්ථානවල සිටි පුද්ගලයින් 40 කින්  30 දෙනෙකුට රුපියල් 5000 බැගින්  දඩයක් ගෙවන ලෙස පොල්ගහවෙල මහෙස්ත්‍රාත් පී.එන්.  ප්‍රියදර්ශණී මහත්මිය අද (06දා) නියෝග කළාය.

ඉතිරි සැකකරුවන් දස දෙනාට ඉදිරි නඩු දිනයක අධිකරණයේ පෙනී සිටින ලෙසද මහෙස්ත්‍රාත්වරිය විසින් නියම කරන ලදී.

නව සෞඛ්‍ය නීති ඇතුලත් ගැසට් පත්‍රයට අනුව මහජන ආරක්ෂාව සඳහා මොවුන්ට විරුද්ධව නඩු පැවරූ බව පොල්ගහවෙල මහජන සෞඛ්‍ය පරීක්ෂක මහේෂ් අමාකර මහතා සැකකරුවන් අධිකරණය ඉදිරිපත් කරමින් කරුණු දැක්විය.

අලව්ව අධිකාරී මුදියන්සේ