මුලතිව්හි වෙඩිවැදුණු සරසවි සිසුවා දින 3කට පසු මිය යයි

මුලතිව් පුදුකුඩිඉරිප්පු කොම්බාවිල් ප්‍රදේශයේදී කිසියම් පිරිසක් විසින් සිදු කල වෙඩිතැබීමක් හේතුවෙන් බරපතල තුවාල ලබා අනුරාධපුර රෝහලේ ප්‍රතිකාර ලබමින් සිටි සරසවි සිසුවා ඊයේ (13දා) සවස මිය ගොස් ඇති බවට පුදුකුඩිඉරිප්පු පොලීසිය කියා සිටියි.

පසුගිය 11දා රාත්‍රියේ කොම්බාවිල්හි අදාළ සරසවි සිසුවාගේ නිවසට ඇතුල් වූ පිරිසක් තියුණු ආයුධවලින් පහර දී නිවැසියන්ට වෙඩි තබා පළාගොස් ඇති අතර ඉන් තුවාල ලැබූ සිව් දෙනෙකු පුදුකුඩිඉරිප්පු රෝහලට ඇතුළත් කිරීමෙන් පසුව වෙඩි වැදීමෙන් බරපතල තත්ත්වයේ සිටි සරසවි සිසුවා වැඩි දුර ප්‍රතිකාර සඳහා අනුරාධපුර මහරෝහලට මාරුකොට යැවීය.

පසුව ප්‍රතිකාර ලබමින් සිටි සරසවි සිසුවා ඊයේ (13දා) දින මිය ගොස් ඇති අතර මෙසේ මිය ගොස් ඇත්තේ කොම්බාවිල්හි පදිංචි තිරුසෙල්වම් කපිලන් නැමති සරසවි සිසුවායි.

අදාල වෙඩි තැබීම සිදු කළ බවට සැකකෙරෙන සිව් දෙනෙකු මේ වන විට අත්අඩංගුවට ගෙන වැඩිදුර ප්‍රශ්න කිරීම් සිදු කරනු ලබන බවට පරික්ෂණ සිදු කරන පුදුකුඩිඉරිප්පු පොලීසිය වැඩි දුරටත් කියා සිටියේය.