මධ්‍යම පළාතේ ආසාදිතයින් ගණන 29,971ක් දක්වා ඉහළට

මධ්‍යම පළාතේ මහනුවර, නුවරඑළිය හා මාතලේ දිස්ත්‍රික්කවලින් වාර්තාවන කෝවිඩ් 19 ආසාදිතයින් සංඛ්‍යාව 29,971 ක් දක්වා ඉහළ ගොස් ඇති බව මධ්‍යම පළාත් සෞඛ්‍ය සේවා දෙපාර්තමේන්තුවේ වාර්තා සඳහන් කරයි.

මධ්‍යම පළාත තුළින් වාර්තාවන ආසාදිතයින් සංඛ්‍යාවේ අඩුවක් පවතින අතර ඊයේ (‍15) දින පැය 24 කාලයේ වාර්තාවූ නව ආසාදිතයින් සංඛ්‍යාව 85 කි. ඒ මහනුවර දිස්ත්‍රික්කයෙන් 64 ක්, නුවරඑළිය දිස්ත්‍රික්කයෙන් 12ක් හා මාතලේ දිස්ත්‍රික්කයේ 09ක් ලෙසිනි.

මධ්‍යම පළාතේ වැඩිම කොවිඩ් ආසාදිතයින්  මහනුවර දිස්ත්‍රික්කයෙන් වාර්තාවන අතර එම සංඛ්‍යාව 16,125 කි. නුවරඑළිය දිස්ත්‍රික්කයෙන් ආසාදිතයින් 8,079 දෙනෙකු මාතලේ දිස්ත්‍රික්කයෙන් ආසාදිතයින් 5,767 දෙනෙකුද   ද වාර්තා වී ඇත.

මධ්‍යම පළාත තුළින් ඊයේ (‍15) දින නව මරණ සංඛ්‍යාව 03 ක් වාර්තා වූ  අතර එම මරණ මහනුවර දිස්ත්‍රික්කයෙන්  වාර්තා වූහ. 

මේ දක්වා මධ්‍යම පළාතේ වාර්තාවී ඇති මරණ සංඛ්‍යාව 772 ක් දක්වා ඉහළ ගොස් ඇත. ඒ මහනුවර දිස්ත්‍රික්කයෙන් 498 ක් හා මාතලේ දිස්ත්‍රික්කයෙන් 124 ක් හා නුවරඑළිය දිස්ත්‍රික්කයෙන් 150 ක් ලෙසින් මෙම මරණ වාර්තාවේ.

දුම්බර - එම්.ආර්. ප්‍රදීප්